صدر آصف علی زرداری کی وزیراعظم ہاؤس آمد
اشاعت کی تاریخ: 4th, August 2025 GMT
صدر آصف علی زرداری نے وزیراعظم ہاؤس کا دورہ کیا اور وزیراعظم محمد شہباز شریف سے ملاقات کی۔ اس ملاقات میں صدر زرداری نے وزیراعظم کے کزن میاں شاہد شفیع کے انتقال پر ان سے تعزیت کی۔
صدر آصف علی زرداری نے میاں شاہد شفیع کی روح کی بلندی کیلئے دعا کی اور ان کے اہل خانہ کیلئے صبر جمیل کی خواہش کا اظہار کیا۔ اس موقع پر انہوں نے میاں شاہد شفیع کے بڑے بھائی جاوید شفیع سے بھی ٹیلی فون پر رابطہ کیا اور انکے ساتھ تعزیت کی۔
صدر آصف علی زرداری نے وزیراعظم اور انکے خاندان کے ساتھ غم کی اس گھڑی میں یکجہتی کا اظہار کیا اور اپنے مکمل تعاون کا یقین دلایا۔
ذریعہ: Daily Mumtaz
کلیدی لفظ: صدر ا صف علی زرداری
پڑھیں:
پاک ،سعودی عرب دفاعی معاہدہ دوطرفہ تعلقات میں اہم سنگ میل ہے،نوازشریف
لندن(طارق محمودسمیر)وزیراعظم محمدشہبازشریف سعودی عرب کے تاریخی دورے کے بعدبرطانیہ کے چارروزہ دورے پرلندن پہنچ گئے ہیں،لندن سے قبل انہوں نے جنیوامیں مختصرقیام کیاجہاں سابق وزیراعظم اور مسلم لیگ ن کے صدر میاں نوازشریف سے اہم ملاقات کی ،تفصیلات کےمطابق وزیراعظم شہبازشریف،جوگزشتہ روز ایک روزہ اہم دورے پر سعودی عرب گئے تھے اور سعودی ولی عہد سے اہم ملاقات کے بعد پاکستان اور سعودی عرب کے درمیان سٹریٹجک دفاعی معاہدے پر دستخط بھی کئے ،ذرائع کے مطابق جنیوامیں اپنامیڈیکل چیک اپ کرارہے ہیں،شہبازشریف نے اپنے بڑے بھائی کی عیادت بھی کی اس موقع پران کے ہمراہ نائب وزیراعظم اور وزیرخارجہ اسحاق ڈار ،وزیراطلاعات ونشریات عطاء اللہ تارڑبھی موجودتھے،وزیراعظم نے نوازشریف کوسعودی عرب کے ساتھ ہونے والے دفاعی معاہدے اور ولی عہدمحمدبن سلمان سے ہونے والی ملاقات پر بریف کیا،ذرائع کاکہناہے کہ نوازشریف نے پاکستان اور سعودی عرب کے سٹریٹجک دفاعی معاہدے کو تاریخی اوردوطرفہ تعلقات میں اہم سنگ میل قراردے دیاہےاور کہاہے کہ یہ معاہدہ دونوں ممالک کے درمیان مثالی اور قریبی تعلقات کو مزیدمستحکم کرنے میں اہم کرداراداکرے گا،نوازشریف نے کہاکہ سعودی عرب پاکستان کا قریبی دوست ہے،1998میں جب پاکستان نے بھارت کے ایٹمی دھماکوں کے جواب میں اپنے دفاع میں ایٹمی تجربات کئے تھے تو اس وقت مغرب نے اقتصادی پابندیاں لگائیں لیکن سعودی حکومت نے پاکستان کی مددکی جس پر ہم ان کے شکرگزارہیں،ذرائع کاکہناہے کہ اس ملاقات میں دیگراہم امورپربھی مختصربات چیت کی گئی نوازشریف بھی جلدجنیواسے لندن پہنچ جائیں گے اور شہبازشریف امریکہ جانے سے پہلے ایک بارپھرنوازشریف سے ملاقات کریں گے ،علاوہ ازیں لندن میں وزیراعظم شہبازشریف چارروزقیام کریں گے ،اوورسیزپاکستانیوں کے ایک کنونشن سے بھی خطاب کریں گے جس کی تیاریاں شروع کردی گئی ہیں اس کے علاوہ لندن میں دیگراہم ملاقاتیں بھی متوقع ہیں۔
Post Views: 6
امریکا پاکستان کے لیے بہت سے دروازے کھولنے والا ہے، بھارت کو شدید فکر مند ہونے کی ضرورت ہے: محمد عاطف