بجلی کے بِل اس قدر زیادہ آرہے ہیں کہ کسی کو بھی دل کا دورہ پڑسکتا ہے، نبیل ظفر
اشاعت کی تاریخ: 5th, August 2025 GMT
پاکستان شوبز کے اداکار، ہدایتکار اور پروڈیوسر نبیل ظفر نے ملک میں بڑھتی ہوئی مہنگائی اور بجلی کے ناقابل برداشت بلوں پر گہری تشویش کا اظہار کیا ہے۔
نبیل ظفر نے ایک نجی ٹی وی پروگرام میں گفتگو کرتے ہوئے کہا کہ بجلی کے موجودہ بل اتنے زیادہ ہیں کہ انہیں دیکھ کر کسی کو بھی دل کا دورہ پڑ سکتا ہے۔
نبیل ظفر کا کہنا تھا کہ وہ اب اپنے گھر میں اضافی لائٹس یا پنکھا چلتا دیکھ کر فوراً انہیں بند کرنے کی تاکید کرتے ہیں، کیونکہ وہ بجلی کے بلوں سے سخت پریشان ہیں۔ انہوں نے مزاحیہ انداز میں کہا کہ اب انہیں لگتا ہے جیسے اُن کے والد کی روح اُن کے اندر آ گئی ہے، کیونکہ وہ اکثر یہی کہتے ہیں کہ "بل بہت آئے گا بھائی"۔
اداکار نے بتایا کہ مہنگائی کی اس صورتحال سے تنگ آ کر انہوں نے گھر میں سولر سسٹم نصب کروا لیا ہے، لیکن جب کراچی میں بادل آتے ہیں تو سولر سسٹم ٹھیک سے کام نہیں کرتا۔
نبیل ظفر نے حالیہ دنوں کراچی میں بادلوں کی موجودگی پر بات کرتے ہوئے طنزیہ انداز میں کہا کہ وہ دل ہی دل میں بادلوں سے مخاطب ہو کر کہتے ہیں کہ یا تو برس جاؤ یا شہر چھوڑ دو تاکہ سولر چل جائے۔
.
ذریعہ: Express News
کلیدی لفظ: نبیل ظفر بجلی کے ہیں کہ
پڑھیں:
پی ٹی آئی فتنہ کی نئی کال دے رہی ہے، ملک ترقی کرے تو انہیں تکلیف ہوتی ہے: عظمیٰ بخاری
وزیراطلاعات پنجاب عظمیٰ بخاری نے کہا ہے کہ پاکستان ایران کے ساتھ کھڑا ہے اور اسرائیل کی بلاجواز جارحیت کی بھرپور مذمت کرتا ہے۔ ان کا کہنا تھا کہ ایرانی صدر کا مزارِ اقبال پر حاضری دینا اس بات کا ثبوت ہے کہ ایران اور پاکستان کے درمیان تہذیبی و فکری رشتہ بہت گہرا ہے۔ علامہ اقبال کی فکر ایرانی قوم کے دل کے قریب ہے، اور دونوں ممالک کے تعلقات وقت کے ساتھ مزید مضبوط ہو رہے ہیں۔
لاہور میں پریس کانفرنس میں عظمیٰ بخاری نے کہا کہ وزیراعظم نواز شریف نے ایرانی صدر کا پرتپاک استقبال کیا، لیکن ایک مخصوص طبقہ ہر قومی موقع کو متنازع بنانے میں لگا رہتا ہے۔ انہوں نے پنجاب حکومت کی کارکردگی کا ذکر کرتے ہوئے کہا کہ سموگ پر قابو پانے کے لیے مؤثر اقدامات کیے جا رہے ہیں اور ترقی کرتا پنجاب اپوزیشن سے برداشت نہیں ہو رہا۔
مزید پڑھیں: نوازشریف پر تنقید، عظمیٰ بخاری نے فیصل واوڈا کو ذہنی مریض قرار دیدیا
وزیراطلاعات نے پاکستان تحریک انصاف پر سخت تنقید کرتے ہوئے کہا کہ پی ٹی آئی ایک بار پھر فتنہ و فساد کی کال دے رہی ہے۔ ان کے مطابق جب بھی ملک ترقی کی راہ پر گامزن ہوتا ہے، پی ٹی آئی کو تکلیف ہوتی ہے۔ 9 مئی جیسے واقعے کو ناقابلِ معافی قرار دیتے ہوئے انہوں نے کہا کہ اگر ایسے اقدامات کو نظرانداز کیا گیا تو یہ سلسلہ کبھی نہیں رکے گا۔
عظمیٰ بخاری نے علی امین گنڈا پور کو بھی تنقید کا نشانہ بنایا اور کہا کہ وہ آرپار کی بات تو کرتے ہیں، لیکن خود ہمیشہ بچ نکلتے ہیں۔ انہوں نے کہا کہ پی ٹی آئی ضمنی انتخابات سے بھی بھاگ چکی ہے اور اب احتجاج کی نئی کال دے کر عوام کو گمراہ کرنا چاہتی ہے۔
انہوں نے بانی پی ٹی آئی کو یہودی لابی کا “پروڈکٹ” قرار دیا اور کہا کہ پہلے وہ امریکا سے آزادی مانگ رہے تھے، اب ان کے بیٹے بھی اسی دروازے پر دستک دے رہے ہیں۔ انہوں نے طنزیہ انداز میں کہا کہ اب گاڑیوں پر ’رل یا ٹرمپ تیرا ہی آسرا‘ جیسے نعرے لکھ لیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی عظمیٰ بخاری علی امین گنڈا پور عمران خان وزیراطلاعات پنجاب
ملک میں معیشت کی ڈیجیٹائزیشن سے شفافیت کے فروغ میں مدد ملے گی: وزیر اعظم