پاکستان اسٹاک مارکیٹ نئی بلندیاں چھونے لگی
اشاعت کی تاریخ: 6th, August 2025 GMT
پاکستان اسٹاک مارکیٹ میں تیزی کا سلسلہ زور و شور سے جاری ہے اور ہنڈرڈ انڈیکس نے تاریخ میں پہلی بار ایک لاکھ 44 ہزار پوائنٹس کی سطح بھی عبور کر لی ہے کاروباری ہفتے کے تیسرے روز مارکیٹ کے آغاز سے ہی زبردست تیزی دیکھی گئی اور 900 سے زائد پوائنٹس کے اضافے کے ساتھ انڈیکس ایک لاکھ 44 ہزار 164 پوائنٹس کی نئی ریکارڈ سطح پر پہنچ گیا یہ تیزی اس وقت دیکھی گئی جب گزشتہ کاروباری روز کے اختتام پر بھی مارکیٹ میں 984 پوائنٹس کا بڑا اضافہ ہوا تھا اور انڈیکس ایک لاکھ 43 ہزار 37 پوائنٹس پر بند ہوا تھا اس مسلسل تیزی نے سرمایہ کاروں کے اعتماد میں مزید اضافہ کر دیا ہے ادھر کرنسی مارکیٹ میں بھی معمولی بہتری دیکھنے میں آئی انٹر بینک میں امریکی ڈالر کی قیمت 7 پیسے کم ہوئی اور یہ 282 روپے 57 پیسے سے کم ہو کر 282 روپے 50 پیسے پر آ گیا
.ذریعہ: Nawaiwaqt
پڑھیں:
پاکستان اسٹاک ایکسچینج میں تیزی برقرار، 100 انڈیکس 1,42,000 کی سطح عبور کرگیا
پیر کے روز کاروباری سیشن کے دوران پاکستان اسٹاک ایکسچینج میں تیزی کا رجحان برقرار رہا، بینچ مارک کے ایس ای 100 انڈیکس انٹرا ڈے ٹریڈنگ کے دوران 1,42,000 کی سطح عبور کرگیا۔
میڈیا رپورٹس کے مطابق دوپہر 1:40 بجے کے قریب، بینچ مارک انڈیکس 1,42,117.00 پوائنٹس پر تھا، جو کہ 1,082.02 پوائنٹس یا 0.77 فیصد کا اضافہ ظاہر کرتا ہے۔
جن اہم شعبوں میں خریداری دیکھی گئی، ان میں کمرشل بینکس، تیل و گیس کی تلاش کرنے والی کمپنیاں، آئل مارکیٹنگ کمپنیاں، بجلی پیدا کرنے والے ادارے اور ریفائنریز شامل ہیں۔ انڈیکس میں وزن رکھنے والے اسٹاکس جیسے کہ اے آر ایل، ماری پیٹرولیم، او جی ڈی سی، پی پی ایل، پی او ایل، پی ایس اور، ایچ بی ایل اور نیشنل بینک آف پاکستان سمیت دیگر ادارے سبز رنگ یعنی مثبت رجحان میں ٹریڈ ہوتے نظر آئے۔
اسٹاک ماہرین کے مطابق، امریکا اور پاکستان کے درمیان ہونے والے تجارتی معاہدے کے بعد سرمایہ کاروں کا اعتماد بحال ہوا ہے، جس کے تحت پاکستان کو ٹیرف میں کمی کا فائدہ حاصل ہوگا۔
گزشتہ ہفتے پاکستان اسٹاک ایکسچینج نے تاریخی کارکردگی دکھائی تھی، جب کے ایس ای-100 انڈیکس 1,41,035 پوائنٹس پر بند ہوا، جو ہفتہ وار بنیاد پر 1.3 فیصد اضافہ ظاہر کرتا ہے۔
انڈیکس نے انٹرا ڈے میں نیا ریکارڈ 1,41,161 پوائنٹس بھی عبور کیا، جو سرمایہ کاری کے رجحان میں بڑی تبدیلی کو ظاہر کرتا ہے۔ یہ مثبت پیش رفت بنیادی طور پر امریکا کے ساتھ تجارتی تعلقات میں اچانک بہتری اور پاکستان کی معاشی سمت پر بڑھتے ہوئے اعتماد کا نتیجہ ہے۔
بین الاقوامی سطح پر، ایشیائی اسٹاک مارکیٹس پیر کے روز وال اسٹریٹ کے منفی رجحان کی پیروی کرتے ہوئے نیچے آئیں، کیونکہ امریکی معیشت سے متعلق خدشات دوبارہ سر اٹھانے لگے ہیں، اس کے نتیجے میں سرمایہ کاروں نے ستمبر میں شرح سود میں کمی کو تقریباً یقینی سمجھ لیا ہے، جس سے امریکی ڈالر پر دباؤ پڑا ہے۔
اگرچہ امریکی اسٹاک فیوچرزمیں معمولی بہتری اور تیل کی قیمتوں میں کمی نے نقصانات کو محدود کیا، مگر جولائی کی تنخواہوں سے متعلق رپورٹ کی مایوس کن تفصیلات نظرانداز کرنا مشکل ثابت ہوا۔
اعداد و شمار میں نظرثانی کے بعد اندازہ ہوا کہ تنخواہوں کی تعداد 2,90,000 کم ہے، جب کہ سال کے آغاز میں 3 ماہ کا اوسط 2,31,000 تھا، جو اب گھٹ کر صرف 35,000 رہ گیا ہے۔
امریکی صدر ڈونلڈ ٹرمپ کا ردعمل بھی سرمایہ کاروں کے اعتماد کو بحال کرنے میں ناکام رہا، کیونکہ لیبراسٹیٹسٹکس کے سربراہ کو برخاست کرنے سے امریکی معاشی اعداد و شمار پر شکوک و شبہات مزید بڑھ گئے ہیں۔
اسی طرح، ٹرمپ کو فیڈرل ریزرو کے ایک گورنر کے عہدے پر تقرری کا اختیار ملنے کی خبر نے شرح سود کی پالیسی کو سیاسی رنگ دینے کے خدشات کو تقویت دی ہے۔
شرح سود میں ممکنہ کمی نے اگرچہ کچھ حد تک اسٹاک مارکیٹس کو سہارا دیا، اورایس اینڈ پی 500 فیوچرز میں 0.1 فیصد، جبکہ نیسڈیک فیوچرز میں 0.2 فیصد اضافہ ہوا، مگر ایشیائی مارکیٹس جمعے کے منفی رجحان سے ابھی نکلنے کی کوشش میں ہیں۔
جاپان کے نکی انڈیکس میں 2.1 فیصد اور جنوبی کوریا کی مارکیٹ میں 0.2 فیصد کمی دیکھی گئی، جبکہ ایم ایس سی آئی کا جاپان کے سوا ایشیا پیسیفک کا وسیع انڈیکس 0.3 فیصد بہتری کے ساتھ نمایاں رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس اسٹاک فیوچرز بینچ مارک پاکستان اسٹاک ایکسچینج شرح سود کے ایس سی نیشنل بینک آف پاکستان
کراچی میں معمول سے تیز ہوائیں چل پڑیں، چند علاقوں میں بوندا باندی کا امکان