عامر خان بن گئے شاہ رخ خان کے ہمسائے ،فلیٹس کاماہانہ کرایہ کتناہوگا؟
اشاعت کی تاریخ: 6th, August 2025 GMT
بولی وڈ کےمسٹر پرفیکشنسٹ عامر خان نے ممبئی کے باندرہ علاقے میں عارضی طور پر رہائش اختیار کر لی — اور وہ بھی کسی عام اپارٹمنٹ میں نہیں بلکہ چار لگژری فلیٹس میں، جن کا مجموعی ماہانہ کرایہ تقریباً80 لاکھ روپے ہے۔
✅ پانچ سال کا معاہدہ، کروڑوں کا سکیورٹی ڈپازٹ
رپورٹس کے مطابق عامر خان نے 5 سال کے کرایہ معاہدے پر یہ فلیٹس حاصل کیے ہیں اور اس کے لیے تقریباً 4 کروڑ 70 لاکھ روپے بطور سکیورٹی ڈپازٹ جمع کرائے ہیں۔
یہ فلیٹس باندرہ کے ولنومونا اپارٹمنٹ میں واقع ہیں، جن کا دلکش سمندری منظر انہیں مزید پرکشش بناتا ہے۔
پرانے گھر کی ری ڈیولپمنٹ
عامر خان اس وقت ممبئی میں اپنی مستقل رہائش گاہ “ورگو ہاؤسنگ سوسائٹی” کی ری ڈیولپمنٹ کی وجہ سے عارضی جگہ پر مقیم ہیں۔
دلچسپ پہلو یہ ہے کہ عامر خان کی یہ نئی رہائش گاہ بالکل شاہ رخ خان کی عارضی رہائش کے قریب ہے۔
شاہ رخ بھی اپنی رہائش گاہ منت کی تزئین و آرائش کے سبب عارضی طور پر اسی علاقے میں منتقل ہوئے ہیں، یوں یہ علاقہ بولی وڈ کے سپر اسٹارز کا عارضی پڑاؤ بن چکا ہے۔
فلمی ستاروں کا گڑھ — باندرہ اور پالی ہل
باندرہ اور پالی ہل کو پہلے ہی فلمی ستاروں کا محلہ تصور کیا جاتا ہے۔ یہاں سلمان خان، کرینہ کپور، سیف علی خان، رنبیر کپور، عالیہ بھٹ، ریکھا، رنویر سنگھ اور دیپیکا پڈوکون جیسی بڑی شخصیات مقیم ہیں — اب عامر اور شاہ رخ بھی عارضی طور پر ایک ساتھ یہیں رہائش پذیر ہیں۔
ذریعہ: Daily Mumtaz
کلیدی لفظ: شاہ رخ
پڑھیں:
عمان کو شکست دینے کے بعد بھارتی کپتان کی پاکستانی نژاد کھلاڑی کو گلے لگانے کی تصویر وائرل
دبئی(نیوز ڈیسک) ایشیا کپ میں پاکستان کے خلاف جیت کے بعد بھارتی کپتان سوریا کمار یادو پاکستانی کھلاڑیوں سے ہاتھ نہ ملانے پر تنقید شکار ہوئے تھے۔ تاہم اب بھارتی کپتان کی ایک پاکستانی نژاد عمان کے کھلاڑی کو گلے لگانے کی تصویر سوشل میڈیا پر وائرل ہو رہی ہے۔
بھارت اور عمان کے درمیان گزشتہ روز کھیلے گئے ٹی ٹوئنٹی میچ میں عمان کے اوپننگ بلے باز عامر کلیم نے 46 گیندوں پر 64 رنز کی شاندار اننگز کھیلی تھی۔ عامر کلیم کا تعلق کراچی سے ہے اور وہ بعد ازاں عمان منتقل ہوگئے تھے۔ ان کی شاندار بیٹنگ نے بھارتی ٹیم کو دباؤ میں ڈال دیا تھا اگرچہ عمان یہ میچ 21 رنز سے ہار گیا تھا۔
میچ کے بعد جب رسمی کارروائیاں مکمل ہو چکیں، تو بھارتی کپتان سوریا کمار یادو نے عامر کلیم کو نہ صرف سراہا بلکہ انہیں گلے بھی لگایا جس کے مناظر کیمرے میں قید ہوگئے۔ یاد رہے کہ یہ بھارتی کپتان ہیں جنہوں نے کچھ روز قبل پاکستانی کھلاڑیوں سے ہاتھ ملانے سے انکار کیا تھا۔
تصاویر اور ویڈیوز میں عامر کلیم کو سوریا کمار کے ساتھ گرمجوشی سے گلے ملتے دیکھا گیا ہے۔ اس منظر نے شائقین کو حیرانی میں مبتلا کردیا تھا۔
Surya Kumar Yadav shared a big hug with Amir Kaleem from Karachi. Amir is Pakistani and plays for Oman ???????????????????? pic.twitter.com/D0aHRmERX1
— Farid Khan (@_FaridKhan) September 19, 2025
بھارتی میڈیا کے مطابق میچ کے بعد بھارتی کپتان نے عمانی ٹیم کے ساتھ وقت گزارا اور ان کی کارکردگی کی تعریف کرتے ہوئے نوجوان کھلاڑیوں کو حوصلہ دیا۔
تاہم بھارتی سوشل میڈیا صارفین کی جانب سے سوریا کمار کے پاکستانی نژاد عمان کے کھلاڑی کو گلے لگانے پر تنقید کی جا رہی ہے۔
واضح رہے کہ ایشیا کپ ٹی 20 کے 12 ویں میچ میں بھارت نے عمان کو سنسنی خیز مقابلے کے بعد 21 رنز سے شکست دے کر گروپ اے میں مسلسل تیسری فتح حاصل کی۔
ابو ظہبی کے شیخ زید کرکٹ اسٹیڈیم میں کھیلے گئے میچ میں بھارت نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 188 رنز بنائے۔ 189 رنز کے ہدف کے تعاقب میں عمان کی ٹیم مقررہ 20 اوورز میں 4 وکٹوں کے نقصان پر 167 رنز بناسکی تھی۔
آج ایشیا کپ میں بنگلادیش اور سری لنکا کی ٹیمیں آمنے سامنے ہوں گی جبکہ کل پاکستان اور بھارت دوسری بار ایک دوسرے کے مدمقابل ہوں گے۔
Post Views: 5
کراچی: انٹرمیڈیٹ کامرس ریگولر کے نتائج کا اعلان، تینوں پوزیشنز طالبات نے حاصل کیں