عوام نے 5 اگست کا احتجاج مسترد کر دیا، پی ٹی آئی ورکرز بھی تنگ: گورنر
اشاعت کی تاریخ: 7th, August 2025 GMT
لاہور (نیوزرپورٹر) گورنر پنجاب سردار سلیم حیدر خان سے تحریک انصاف کے ڈپٹی انفارمیشن سیکرٹری ساجد قریشی نے ملاقات کی۔گورنر پنجاب سردار سلیم حیدر خان نے کہا کہ عوام نے ایک بار پھر 5 اگست کو تحریک انصاف کی احتجاجی کال کو مکمل طور طرح مسترد کر دیا ہے۔ پاکستان کی عوام اور خود تحریک انصاف کے ورکرز روز روز کے احتجاج اور مظاہروں سے تنگ آگئے ہیں۔ انہوں نے کہا کہ پاکستان اب ترقی کی طرف گامزن ہے اور احتجاجی مظاہروں کا متحمل نہیں سکتا۔ گورنر پنجاب نے کہا کہ پیپلز پارٹی ایک نظریاتی اور حقیقی جماعت ہے جو اپنے کارکنوں کو تنہا نہیں چھوڑتی۔ پیپلز پارٹی کی قیادت نئے آنے والے کارکنوں کو خوش آمدید کہتی ہے۔ اب صرف پنجاب نہیں بلکہ پورے پاکستان سے پیپلز پارٹی میں لوگ جوق در جوق شامل ہورہے ہیں۔ ساجد قریشی نے کہا کہ روز روز کے دھرنوں اور احتجاجی سیاست سے تنگ آکر تحریک انصاف کو خیرباد کہہ دیا ہے۔ انہوں نے کہا کہ جو سیاسی پارٹی ملکی مفادات میں نہ ہو اس میں نہیں رہ سکتے۔
.ذریعہ: Nawaiwaqt
کلیدی لفظ: تحریک انصاف نے کہا کہ
پڑھیں:
پی ٹی آئی کی ایک اور بڑی وکٹ اُڑ گئی
پاکستان تحریک انصاف (پی ٹی آئی) کے ڈپٹی انفارمیشن سیکرٹری ساجد قریشی نے اپنے ساتھیوں سمیت پاکستان پیپلز پارٹی میں شمولیت اختیار کر لی ہے۔ اس سلسلے میں انہوں نے گورنر سلیم حیدر خان سے گورنر ہاؤس لاہور میں ملاقات کی، اس دوران موجودہ سیاسی صورتحال اور پارٹی امور پر تبادلہ خیال بھی کیا گیا۔گورنر پنجاب نے اس موقع پر اظہار خیال کرتے ہوئے کہا کہ عوام نے ایک بار پھر 5 اگست کی احتجاجی کال کو بری طرح مسترد کر دیا ہے۔ ان کا کہنا تھا کہ پاکستان کی عوام اور خود سیاسی کارکن روز روز کے احتجاج اور دھرنوں سے تنگ آچکے ہیں، اب وقت ترقی، استحکام اور جمہوریت کے فروغ کا ہے۔گورنر پنجاب نے کہا کہ پاکستان احتجاجی سیاست کا متحمل نہیں ہو سکتا، اور عوام ایسے عناصر کو مسترد کر چکی ہے جو ملک میں بدامنی اور انتشار پھیلانا چاہتے ہیں۔ان کا کہنا تھا کہ پیپلز پارٹی ایک نظریاتی اور حقیقی جماعت ہے جو اپنے کارکنوں کو کبھی تنہا نہیں چھوڑتی، یہی وجہ ہے کہ پارٹی سے محبت کرنے والے کارکنان بڑی تعداد میں دوبارہ پیپلز پارٹی کا رخ کر رہے ہیں۔سلیم حیدر نے کہا کہ پیپلز پارٹی کے جیالے چیئرمین بلاول بھٹو زرداری کے مضبوط دست و بازو ہیں، اور میں خود بھی ایک جیالا کارکن ہوں جسے پارٹی نے عزت دے کر پنجاب کا گورنر بنایا۔ انہوں نے کہا کہ پارٹی میں شامل ہونے والے نئے کارکن بہت جلد بلاول بھٹو کے قریب ہوں گے۔گورنر نے دعویٰ کیا کہ وہ دن دور نہیں جب بلاول بھٹو ملک کے وزیر اعظم ہوں گے۔ انہوں نے مزید کہا کہ پیپلز پارٹی واحد جماعت ہے جو اپنے کارکنوں کی خدمات کو سراہتی ہے اور انہیں باعزت عہدوں سے نوازتی ہے۔اس موقع پر ساجد قریشی نے کہا کہ وہ دھرنوں، احتجاجی سیاست اور ملک دشمن بیانیے سے تنگ آ کر پی ٹی آئی کو خیرباد کہہ رہے ہیں۔ ان کا کہنا تھا کہ جو سیاسی جماعت ملکی مفاد کے خلاف ہو، اس کا حصہ نہیں بنا جا سکتا۔ انہوں نے کہا کہ پیپلز پارٹی کی قیادت پر اعتماد ہے اور امید ہے کہ ان کی سیاسی جدوجہد اب ایک مثبت سمت میں جائے گی۔گورنر پنجاب نے ساجد قریشی اور ان کے ساتھیوں کو پارٹی میں خوش آمدید کہا اور کہا کہ ان کی محنت رائیگاں نہیں جائے گی، کیونکہ پیپلز پارٹی ہمیشہ اپنے کارکنوں کو عزت دیتی ہے۔
بلوچستان میں ایک اور سفاکانہ واردات: پسند کی شادی پر بھائیوں نے حاملہ بہن اور شوہر کو قتل کر دیا