پروفیسر یونس کے روڈ میپ کی حمایت کرتے ہیں، نئے انتخابات کے بعد استحکام آئےگا، بنگلہ دیشی فوج
اشاعت کی تاریخ: 5th, November 2025 GMT
بنگلہ دیشی فوج نے کہا ہے کہ عبوری حکومت کی منصوبہ بندی کے مطابق قومی انتخابات کرانے سے ملک میں مزید استحکام آئےگا اور قانون و انصاف کی صورتحال معمول پر آئے گی۔
جنرل آفیسر کمانڈنگ آرمی ٹریننگ اینڈ ڈاکٹرائن کمانڈ لیفٹیننٹ جنرل محمد منور رحمان نے بدھ کو ڈھاکہ کنٹونمنٹ میں پریس بریفنگ دی۔
مزید پڑھیں: شیخ حسینہ کا گھر ان کے اپنے بیان کی وجہ سے منہدم ہوا، بنگلہ دیش حکومت
انہوں نے کہاکہ فوج مکمل طور پر اس روڈ میپ کی حمایت کرتی ہے جو عبوری حکومت کی سربراہی میں چیف ایڈوائزر پروفیسر محمد یونس نے پیش کیا ہے، اور جس کے تحت فروری 2026 میں شفاف، آزاد اور غیرجانبدار پارلیمانی انتخابات کروانے کا ارادہ ہے۔
جنرل منور رحمان نے کہاکہ بنگلہ دیش کے عوام کی طرح فوج بھی حکومت کے روڈ میپ کے مطابق شفاف اور قابل اعتماد انتخابات کی خواہاں ہے۔ ’ہمارا یقین ہے کہ انتخابات کے انعقاد کے بعد قومی استحکام مضبوط ہوگا، قانون و انصاف کی صورتحال بہتر ہوگی اور فوج اپنے بیرکس میں واپس جا سکے گی۔‘
گزشتہ 15 ماہ کے دوران فوج کے کردار پر روشنی ڈالتے ہوئے انہوں نے کہاکہ اس عرصے میں فوج کو بے مثال چیلنجز کا سامنا کرنا پڑا۔
’یہ بنگلہ دیش کے لیے آسان وقت نہیں تھا، ہم امید کرتے ہیں کہ پُرامن انتخابات ہمیں اپنی ذمہ داریاں مکمل کرنے اور معمول کی تربیت میں واپس جانے کا موقع دیں گے۔‘
سینیئر کمانڈر نے کہاکہ فوج انتخابی کمیشن کی معاونت کے لیے بھی تیار ہے، جو اس کی آئینی ذمہ داریوں کا حصہ ہے۔ ’ہماری موجودہ تربیتی سرگرمیاں اب انتخابی فرائض کی عملی تیاری پر مرکوز ہیں، جو عبوری حکومت کے فراہم کردہ فریم ورک کے مطابق ہیں۔‘
لیفٹیننٹ جنرل منور رحمان نے تسلیم کیاکہ بیرکس سے باہر طویل تعیناتی نے باقاعدہ فوجی تربیت میں خلل ڈال دیا ہے۔ ’اگر فوجی انتخابات تک یا اس کے کچھ عرصے بعد تک تعینات رہیں، تو یہ خلل کچھ وقت تک جاری رہ سکتا ہے۔‘
انہوں نے فوج کے کردار کے حوالے سے پھیلائی جانے والی افواہوں اور غلط معلومات کو بھی رد کیا۔ ’کچھ مفاد پرست گروہ جھوٹ اور بدنیتی پر مبنی پروپیگنڈا پھیلا رہے ہیں۔ بنگلہ دیش فوج اب پہلے سے زیادہ متحد ہے اور ہم ہر ذمہ داری انجام دیں گے جو ہمیں سونپی جائے گی۔‘
مزید پڑھیں: حسینہ واجد کی بھارت سے حوالگی کے لیے قانونی طریقہ کار کے مطابق آگے بڑھیں گے، بنگلہ دیش حکومت
حال ہی میں پیش آنے والے بحرانوں، بشمول کوملا اور نوآخالی میں سیلاب اور بڑے پیمانے پر احتجاج کا ذکر کرتے ہوئے جنرل منور رحمان نے کہاکہ 5 اگست کے بعد سے فوج کی موجودگی نے نظم و نسق قائم رکھنے میں اہم کردار ادا کیا ہے۔ ہماری مداخلت کے بغیر صورتحال تیزی سے بگڑ سکتی تھی۔
واضح رہے کہ بنگلہ دیش میں اس وقت نوبل انعام یافتہ پروفیسر محمد یونس کی قیادت میں عبوری حکومت قائم ہے، جو گزشتہ سال سیاسی ہنگاموں کے بعد اقتدار میں آئی تھی۔ حکومت نے 2026 کے آغاز میں انتخابات کے ذریعے جمہوری حکومت بحال کرنے کا عزم ظاہر کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بنگلہ دیشی فوج پروفیسر یونس عبوری حکومت نئے انتخابات وی نیوز.
ذریعہ
ذریعہ: WE News
کلیدی لفظ: بنگلہ دیشی فوج پروفیسر یونس عبوری حکومت نئے انتخابات وی نیوز عبوری حکومت بنگلہ دیش کے مطابق نے کہاکہ کے بعد کے لیے
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ