گلوکارہ آئمہ بیگ فیشن برانڈ کے مالک زین احمد کیساتھ رشتہ ازدواج میں منسلک
اشاعت کی تاریخ: 7th, August 2025 GMT
پاکستان کی معروف گلوکارہ آئمہ بیگ نے فیشن برانڈ کے مالک زین احمد سے شادی کر لی۔قبل ازیں شوبز کے کچھ سوشل میڈیا پیجز پر یہ خبریں سامنے آئی تھیں کہ آئمہ بیگ اور زین احمد کینیڈا میں رشتہ ازدواج میں منسلک ہو گئے ہیں، اس حوالے سے سوشل میڈیا پر آئمہ بیگ اور زین احمد کی عروسی ملبوسات میں لی گئی تصاویر بھی وائرل ہو رہی تھیں۔تاہم اب گلوکارہ آئمہ بیگ اور فیشن برانڈ کے مالک زین احمد نے بھی انسٹاگرام پر تصاویر شیئر کرتے ہوئے اپنے رشتے کی تصدیق کر دی ہے۔آئمہ بیگ نے انسٹا گرام پر تصاویر شیئر کرتے ہوئے کیپشن میں لکھا ہے کہ میں نے گزشتہ رات اپنے بہترین دوست سے شادی کر لی، الحمدللہ، اب بھی یہ سب خواب جیسا محسوس ہو رہا ہے کہ واقعی ایسا ہو گیا۔انہوں نے مداحوں سے اپیل کی ہے کہ ہم دونوں کو دعاؤں میں یاد رکھیے گا، یہ ایک نئے سفر کا آغاز ہے، اس کے ساتھ انہوں نے محبت بھرے انداز میں دل والے ایموجیز کا بھی استعمال کیا ہے۔تصاویر منظر عام پر آنے کے بعد جہاں مداحوں کی جانب سے مبارکباد کا سلسلہ جاری ہے وہیں کچھ مداح ان کے لیے نیک تمناؤں کا بھی اظہار کر رہے ہیں۔
.ذریعہ: Nawaiwaqt
پڑھیں:
سندھ میں ای وی ٹیکسی اور پیپلز بس سروس سیف سٹی نیٹ ورک سے منسلک کرنے کا فیصلہ
data-id="863a0a8" data-element_type="widget" data-widget_type="theme-post-content.default">
کراچی: سندھ حکومت نے شہری سیکورٹی اور ٹرانسپورٹ کے نظام کو جدید خطوط پر استوار کرنے کے لیے ایک اہم قدم اٹھایا ہے۔
صوبائی وزیرِ اطلاعات و ٹرانسپورٹ شرجیل انعام میمن کے مطابق پیپلز بس سروس اور ای وی ٹیکسی سروس میں نصب کیمروں اور انٹیلی جنٹ ٹرانسپورٹ سسٹم (ITS) کو اب سیف سٹی نیٹ ورک سے منسلک کیا جائے گا۔
اس فیصلے کا مقصد نہ صرف عوامی ٹرانسپورٹ کو زیادہ محفوظ بنانا ہے بلکہ کراچی سمیت صوبے کے بڑے شہروں میں ٹریفک مینجمنٹ، سیکورٹی مانیٹرنگ اور شہری تحفظ کے نظام کو جدید ٹیکنالوجی سے ہم آہنگ کرنا بھی ہے۔
شرجیل انعام میمن نے کہا کہ سندھ حکومت دسمبر میں جدید ای وی ٹیکسی سروس کے آغاز کے لیے بھرپور تیاریوں میں مصروف ہے۔ یہ منصوبہ شہریوں کو ایک محفوظ، آرام دہ اور ماحول دوست سفری متبادل فراہم کرے گا۔ ابتدائی مرحلے میں یہ سروس کراچی میں شروع کی جائے گی، بعد ازاں اسے دیگر بڑے شہروں تک توسیع دی جائے گی۔
انہوں نے بتایا کہ حکومت خواتین کے لیے علیحدہ پنک ای وی ٹیکسی سروس بھی متعارف کروا رہی ہے تاکہ خواتین مسافروں کو محفوظ اور آرام دہ سفر میسر آ سکے۔
اس منصوبے کے حوالے سے کراچی میں سرمایہ کاروں کے ایک وفد نے شرجیل انعام میمن سے ملاقات کی، جس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی منیجنگ ڈائریکٹر کنول نظام بھٹو سمیت دیگر حکام بھی شریک تھے۔
سرمایہ کاروں نے ای وی ٹیکسی کے ڈھانچے، چارجنگ اسٹیشنز کے قیام اور آپریٹنگ ماڈلز پر اپنی تجاویز پیش کیں۔ وزیر ٹرانسپورٹ نے کہا کہ یہ منصوبہ نہ صرف عوامی سہولت بلکہ صوبے کی معاشی ترقی میں بھی اہم کردار ادا کرے گا۔
انہوں نے کہا کہ ای وی ٹیکسی سروس کم کرایوں میں شہریوں کو آرام دہ سفر فراہم کرے گی، جبکہ سرمایہ کاروں کے لیے یہ ایک پرکشش سرمایہ کاری موقع ثابت ہوگی۔
شرجیل انعام میمن نے مزید کہا کہ ای وی ٹیکسی اور پیپلز بس سروس کے کیمرے سیف سٹی نیٹ ورک سے جڑنے کے بعد شہری سیکورٹی کے نئے دور کا آغاز ہوگا، جس سے عوامی تحفظ، شفافیت اور نظام کی کارکردگی میں نمایاں بہتری آئے گی۔
سابق بھارتی کرکٹر اظہر الدین تلنگانہ کے پہلے مسلم وزیر بن گئے