لاہور، قصور، گوجرانوالہ، حافظ آباد مقابلے، زیادتی کے چوتھے ملزم سمیت 8 ہلاک، ڈسکہ میں اہلکار شہید
اشاعت کی تاریخ: 8th, August 2025 GMT
لاہور؍ ڈسکہ؍ سیالکوٹ؍ گوجرانوالہ؍ قصور؍ حافظ آباد؍ نوشہرہ ورکاں (نامہ نگار+ نمائندگان) سی سی ڈی پولیس مقابلوں میں چوہنگ میں خاتون سے گینگ ریپ کے ملزم سمیت آٹھ افراد مارے گئے تفصیلات کے مطابق سی سی ڈی ماڈل ٹاؤن نے چوہنگ میں خاوند کے سامنے اس کی بیوی سے گینگ ریپ کے ملزم عمران کی گرفتاری کے لئے قصور میں چھاپہ مارا۔ ملزم عمران اپنے ہی ساتھیوں کی فائرنگ کی زد میں آ کر مارا گیا۔ اس گینگ کے تین ملزم اویس، زاہد اور ارشاد پہلے ہی سی سی ڈی کے ساتھ مقابلہ میں مارے جا چکے ہیں۔ دوسرا پولیس مقابلہ گرین ٹاؤن میں ہوا۔ جہاں زیر حراست ملزم بابر علی مارا گیا۔ تیسرا مقابلہ کاہنہ میں ہوا۔ سی سی ڈی پولیس کی زیرحراست ملزم نذیر اپنے ہی ساتھیوں کی گولیوں کا نشانہ بن کر ہلاک ہو گیا ہے۔ چوتھا پولیس مقابلہ ساندہ کے علاقے میں ہوا۔ جہاں سی سی ڈی اقبال ٹاؤن کی زیر حراست ملزم سلمان خالد مارا گیا۔ دریں اثناء ڈسکہ تھانہ بمبانوالہ کے علاقے میں ڈاکوؤں کی فائرنگ سے ہیڈ کانسٹیبل افتخار سندھو شہید جبکہ کانسٹیبل نوید زخمی ہو گیا۔ پولیس کی جوابی کارروائی میں دونوں ڈاکو تھانہ کینٹ راہوالی کے علاقے میں مارے گئے جن کی شناخت گلفام اور علی حیدر کے نام سے ہوئی۔ علی حیدر ورک نواحی گاؤں چک پاکھر جبکہ گلفام عرف گامو قوم پلارنواحی گاؤں منگوکی ورکاں کا رہنے والا تھا۔ خاندان کے متعدد افراد پہلے بھی پولیس مقابلہ میں مارے جا چکے ہیں۔ آئی جی پنجاب ڈاکٹر عثمان انور نے شہید کانسٹیبل افتخار سندھو کو خراج عقیدت پیش کرتے ہوئے کہا کہ دکھ کی اس گھڑی میں شہید کے اہلخانہ کے ساتھ کھڑے ہیں۔ گوجرانوالہ میں فرانسیسی آباد کے قریب سی سی ڈی اہلکاروں کے ساتھ مبینہ پولیس مقابلہ کے دوران عمر فاروق نامی ڈاکو مارا گیا تھا، اس کا ساتھی فرار ہو گیا تھا، تتلے عالی میں سی سی ڈی اہلکاروں کے ساتھ مقابلے میں مارا گیا جس کی شناخت نوید کے نام سے ہوئی۔ علاوہ ازیں حافظ آباد پل سیم قلعہ بخشہ تھانہ کالیکی کی حدود میں مبینہ مقابلے کے دوران باغبانپورہ لاہور کا جنید مارا گیا۔
.ذریعہ: Nawaiwaqt
کلیدی لفظ: پولیس مقابلہ مارا گیا سی سی ڈی کے ساتھ
پڑھیں:
لاہور، گھروں میں وارداتیں کرنے والے 2 پولیس اہلکار گرفتار
فائل فوٹولاہور میں گھروں میں وارداتیں کرنے والے 2 پولیس اہلکاروں کو گرفتار کرلیا گیا۔ گرفتار ملزمان سے لوٹے گئے زیورات، نقدی اور اسلحہ برآمد کیا گیا ہے۔
ایس پی صدر رانا حسین طاہر نے بتایا کہ چوہنگ پولیس نے گھروں میں وارداتیں کرنے والے گروہ میں شامل دو پولیس اہلکاروں سمیت تین ارکان کو گرفتار کیا۔
انہوں نے بتایا کہ گرفتار ملزمان میں پولیس اہلکار علی حیدر، برطرف اہلکار راحت علی اور ساتھی شامل ہیں۔
ایس پی کے مطابق نواب ٹاؤن پولیس نے ہنی ٹریپ کی وارداتیں کرنے والے گروہ کے تین ارکان رضا، خرم اور سلیمان کو بھی گرفتار کیا ہے۔
ملزمان آن لائن خریداری پر ڈسکاؤنٹ دینے کا جھانس دے کر شہریوں کو بلاتے پھر انکی برہنہ ویڈیوز بناکر تشدد کرتے اور نقدی، قیمتی سامان لوٹ لیتے تھے۔
بین الاقوامی نظام انصاف میں ’تاریخی مثال‘، جنگی جرائم میں ملوث روسی اہلکار لتھوانیا کے حوالے