لیببو گُڑیا کی بڑھتی مقبولیت بڑی چوری کا باعث، 30 ہزار ڈالر کا نقصان
اشاعت کی تاریخ: 8th, August 2025 GMT
لیببو گُڑیا کے بڑھتے جنون نے امریکی ریاست کیلیفورنیا کے علاقے لاپونتے میں ایک چھوٹی ری سیل شاپ میں بڑی چوری کو جنم دیا، جہاں چور تقریباً 30 ہزار امریکی ڈالر مالیت کا سامان چرا کر لے گئے، جس میں تمام لیببو گُڑیا شامل تھیں۔
یہ گُڑیا، جو بڑی آنکھوں والی خوبصورت مگر عجیب و غریب شکل کی پلس ٹوائز ہیں، ٹک ٹاک پر بے حد مقبول ہو چکی ہیں اور عام کھلونوں کے مقابلے میں کافی مہنگی سمجھی جاتی ہیں۔
یہ بھی پڑھیں: میکسیکو: لوگوں کو خوفزدہ کرنے والی ڈراؤنی گڑیا گرفتار
ای بی سی نیوز کے مطابق شاپ کی شریک مالک کے مطابق دکان صرف دو ماہ سے کام کر رہی تھی جب بدھ کی صبح چوروں نے اس کے سامنے کا دروازہ توڑ کر سامان لوٹ لیا۔ ان کا کہنا تھا: ’ہم نے اس مقام تک پہنچنے کے لیے بہت محنت کی، اور وہ بس یوں ہی آ کر سب کچھ لے گئے، یہ واقعی بہت برا ہے۔‘
دلچسپ بات یہ ہے کہ چوروں نے الیکٹرانکس، نقدی یا دیگر اشیا لینے کے بجائے صرف قیمتی لیببو گُڑیا پر ہی توجہ دی۔
یہ بھی پڑھیں: جاپان میں گڑیاؤں کا تہوار کیوں اور کیسے منایا جاتا ہے؟
مالک کا خیال ہے کہ یہ واردات پہلے سے منصوبہ بندی کے تحت کی گئی کیونکہ واقعے سے ایک رات پہلے انہوں نے دکان کے قریب ایک مشکوک ٹرک کھڑا دیکھا تھا۔ انہیں شک ہے کہ چور دکان کے سوشل میڈیا اکاؤنٹس پر نظر رکھے ہوئے تھے، جہاں انہوں نے نئی لیببو گُڑیا کی آمد کے بارے میں ویڈیو پوسٹ کی تھی۔
لاس اینجلس کاؤنٹی شیرف ڈیپارٹمنٹ کا سٹی آف انڈسٹری سب اسٹیشن اس چوری کی تفتیش کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
doll we news امریکا چوری کیلیفورنیا لیببو گُڑیا.ذریعہ: WE News
کلیدی لفظ: امریکا چوری کیلیفورنیا
پڑھیں:
راہل گاندھی نے مودی حکومت کی ووٹ چوری پھر پکڑ لی
data-id="863a0a8" data-element_type="widget" data-widget_type="theme-post-content.default">
نئی دہلی: بھارت کے اپوزیشن لیڈر راہل گاندھی نے مودی حکومت کی ووٹ چوری پھر پکڑ لی ۔کانگریس لیڈرراہل گاندھی نے ووٹ چوری کا الزام لگاتے ہوئے ایک اورپریس کانفرنس کی ہے۔
انہوں نے کہا ہے کہ ہریانہ میں ووٹ چوری کرکے بی جے پی کی حکومت بنوائی گئی۔ ہریانہ میں ووٹ چوری پکڑی گئی ہے۔ ہریانہ میں ہم نے کافی جانچ کی۔ مہاراشٹر، کرناٹک، مدھیہ پردیش اورہریانہ میں ووٹ چوری ہوئی ہے۔
راہل گاندھی نے اس دوران ایک لڑکی کی تصویربھی دکھائی، اسے لے کرانہوں نے دعویٰ کیا کہ اس نے الگ الگ نام سے 22 جگہ ووٹ دیے۔
اس لڑکی کے نام سے 22 ووٹرآئی ڈی کارڈ ملے۔ اس کا نام کہیں سیما توکہیں سویٹی ہے۔ یہ برازیل کی ماڈل ہے۔
ہریانہ میں 25 لاکھ ووٹوں کی چوری ہوئی۔ 5 الگ الگ کٹیگری میں ووٹ چوری ہوئی۔ماڈل کی تصویر دکھاتے ہوئے راہل گاندھی نے کہا کہ اس نے 10 بوتھون پر 22 بار ووٹ کیا۔ ہربار نام الگ الگ تھے۔ ہریانہ میں جو 25 لاکھ ووٹ چوری ہوئے ہیں، یہ ان میں سے ایک ہے۔
انہوں نے بتایا کہ ووٹ چوری 5 کٹیگری میں ہوئی۔ 5,21,619 ڈپلیکیٹ ووٹرس ہیں۔ 93,174 انویلیڈ پتے ہیں۔ 19,26,351 بلک ووٹرز ہیں۔ فارم 6 اور فارم 7 کا غلط استعمال ہوا ہے۔ یہ ایک سینٹرلائیزڈ آپریشن ہے۔
راہل گاندھی نے کہا کہ ہمارے پاس ’ایچ‘ فائلس ہیں اوریہ اس بارے میں ہے کہ کیسے ایک پوری ریاست کوچرا لیا گیا ہے۔ ہمیں شبہ تھا کہ یہ انفرادی حلقوں میں نہیں، بلکہ ریاستی اورقومی سطح پرہورہا ہے۔ ہمیں ہریانہ میں ہمارے امیدواروں کی طرف سے متعدد شکایات موصول ہوئی ہیں کہ کچھ غلط ہے اورکام نہیں کررہا ہے۔
انہوں نے کہا کہ ان کی ساری پیشین گوئیاں الٹی ہوگئیں۔ ہم نے مدھیہ پردیش، چھتیس گڑھ، مہاراشٹرمیں اس کا تجربہ کیا تھا، لیکن ہم نے ہریانہ پرتوجہ مرکوز کرنے اوروہاں جوکچھ ہوا تھا، اس کے بارے میں تفصیل سے جاننے کا فیصلہ کیا۔ر
اہل گاندھی نے کہا کہ سبھی (ایگزٹ) پول نے کانگریس کی جیت (ہریانہ میں) کی طرف اشارہ کیا تھا۔ دوسری بات جو ہمارے لیےحیران کن تھی، وہ یہ تھی کہ ہریانہ کے انتخابی تاریخ میں پہلی بار ڈاک سے ووٹ حقیقی ووٹنگ سے الگ تھے۔ ہریانہ میں ایسا پہلے کبھی نہیں ہوا تھا۔ اسلیے ہم نے سوچا کہ آئیے تفصیل سے جانیں۔
جب میں نے پہلی بار یہ جانکاری دیکھی، جو آپ دیکھنے جا رہے ہیں، تو مجھے اس پر یقین کرنے میں مشکل ہوئی۔ میں صدمے میں تھا… میں نے ٹیم کو کئی بار کراس چیک کرنے کے لیے کہا۔راہل گاندھی نے اس دوران وزیراعلیٰ نائب سنگھ سینی کا ایک بیان بھی چلایا، جو نتیجے سے پہلے کا تھا۔ اس میں وہ کہتے ہیں کہ بی جے پی حکومت بنا رہی ہے، ہمارے پاس سسٹم ہے۔ فکرمت کیجئے۔ ہریانہ کی ووٹرلسٹ میں 8 میں سے ایک ووٹرفرضی ہے۔
راہل گاندھی نے دعویٰ کیا کہ ہریانہ میں ایک ہی تصویروالے دوبوتھوں پرایک ہی شخص کو223 ووٹ ملے، اس لیے الیکشن کمیشن نے سی سی ٹی وی فوٹیج برباد کردیئے۔ ہریانہ کی ووٹرلسٹ میں 1.24 لاکھ رائے دہندگان کے نام فرضی ہیں۔
اسرائیلی فوج نے فوجی پراسیکیوٹر کو ہٹا دیا