چالاک ریچھ کی انٹری: دروازے کا ہینڈل گھما کر گھر میں داخل
اشاعت کی تاریخ: 8th, August 2025 GMT
امریکی ریاست کولوراڈو کے شہر ٹیلیورائیڈ میں ایک سیاہ ریچھ نے اپنی ذہانت سے سب کو حیران کردیا۔ محکمہ جنگلی حیات کی جانب سے جاری کی گئی سیکورٹی فوٹیج میں دیکھا جا سکتا ہے کہ ایک ریچھ رات کے وقت ایک گھر کے باہر ٹہلتا ہوا دکھائی دیتا ہے۔
حیرت انگیز منظر اس وقت سامنے آیا جب ریچھ 2 پاؤں پر کھڑا ہوا، دروازے کا ہینڈل گھمایا اور نہایت آسانی سے گھر کے اندر داخل ہو گیا، جیسے یہ روز کا معمول ہو۔
مزید پڑھیں: ریچھ کو کھانا کھلانے کی کوشش، موٹرسائیکل سوار کی جان لے گئی
حکام کا کہنا ہے کہ خوش قسمتی سے کوئی جانی نقصان نہیں ہوا، لیکن یہ واقعہ اس بات کی نشاندہی کرتا ہے کہ جنگلی جانور انسانی بستیوں میں خوراک کی تلاش میں کتنی مہارت سے داخل ہو سکتے ہیں۔
محکمہ جنگلی حیات نے شہریوں کو خبردار کیا ہے کہ وہ اپنے گھروں کے دروازے، کھڑکیاں اور کوڑے دان مکمل طور پر بند رکھیں، کیونکہ ریچھ جیسے جانور یاد رکھ سکتے ہیں کہ خوراک کہاں سے ملی تھی اور دوبارہ واپس آ سکتے ہیں۔
یہ واقعہ نہ صرف حیران کن ہے بلکہ ایک سنجیدہ یاددہانی بھی کہ جنگلی حیات اور انسانی آبادکاری کے درمیان فاصلہ رکھنا کیوں ضروری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ریاست چالاک ریچھ کی انٹری ریچھ شہر ٹیلیورائیڈ کولوراڈو.
ذریعہ
ذریعہ: WE News
کلیدی لفظ: امریکی ریاست ریچھ کولوراڈو
پڑھیں:
’سب کچھ تیار ہے‘ ٹرمپ نے ایران پر تاریخ کے سب سے بڑے حملے کا اشارہ دیدیا
امریکی صدر ڈونلڈ ٹرمپ نے کہا ہے کہ وہ ایران پر اب تک کے سب سے بڑے فوجی حملے کی منظوری دینے کے قریب ہیں۔
امریکی خبر رساں ادارے سے گفتگو میں صدر ٹرمپ نے کہا کہ میں ایران پر ایک بہت بڑے حملے پر غور کر رہا ہوں جو پہلے ہونے والے تمام حملوں سے کہیں بڑا ہوگا۔
انھوں نے مزید کہا کہ اگرچہ ابھی حتمی فیصلہ نہیں کیا گیا۔ تمام عسکری آپشنز زیر غور ہیں۔ میں فیصلہ کرنے کے بہت قریب ہوں اور اس کی تمام تیاریاں بھی مکمل ہیں۔
امریکی صدر ٹرمپ نے یہ دعویٰ بھی کیا کہ اگر وہ چاہیں تو اسرائیل دو منٹ میں اس کارروائی میں شامل ہو جائے گا تاہم ہمیں کسی کی ضرورت نہیں۔
قبل ازیں ایران کے حمایت یافتہ یمنی حوثیوں کے بحیرہ احمر میں دو سعودی آئل ٹینکروں پر حملے کے بعد امریکی صدر نے ایران اور حوثیوں دونوں کو بڑی فوجی سزا دینے کی دھمکی بھی دی تھی۔
صدر ٹرمپ نے سوشل میڈیا پر لکھا تھا کہ اگر حوثیوں نے دوبارہ ایسے حملے کیے تو امریکا انھیں ایران کی کارروائی تصور کرے گا کیونکہ حوثی اس کے حمایت یافتہ گروہ ہیں۔
دوسری جانب مشرقِ وسطیٰ میں بڑھتی ہوئی کشیدگی کے باعث عالمی منڈی میں برینٹ خام تیل کی قیمت ایک بار پھر 100 ڈالر فی بیرل سے تجاوز کرچکی ہے۔
بحیرہ احمر اور باب المندب میں جہاز رانی کو لاحق خطرات نے عالمی توانائی منڈی میں تشویش بڑھا دی ہے۔
ادھر اقوامِ متحدہ کے سیکریٹری جنرل انتونیو گوتریس نے نے کہا کہ صورتحال قابو سے باہر ہوتی جا رہی ہے۔ خطہ مسلسل وسیع ہوتے تصادم کی لپیٹ میں آ رہا ہے۔ ایک بحران دوسرے بحران کو جنم دے رہا ہے اور ہر نئی کشیدگی اگلی کشیدگی کا سبب بن رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع