جینیفر لوپیز کو معروف برانڈ کے اسٹور میں گھسنے سے روک دیا گیا، ویڈیو وائرل
اشاعت کی تاریخ: 9th, August 2025 GMT
معروف امریکی گلوکارہ و اداکارہ جینیفر لوپیز کو حال ہی میں ترکی کے شہر استنبول میں واقع معروف فیشن برانڈ کے اسٹور میں داخلے سے روک دیا گیا۔
غیر ملکی میڈیا رپورٹ کے مطابق اسٹور کے سیکیورٹی گارڈز نے جینیفر لوپیز سے کہا کہ اندر جگہ موجود نہیں اور گلوکارہ کو اندر جانے سے روک دیا جس پر لوپیز نے پرسکون انداز میں جواب دیا، "ٹھیک ہے، کوئی بات نہیں،" اور وہاں سے روانہ ہوگئیں۔
واقعے کی ویڈیو ایک مداح نے ریکارڈ کر کے سوشل میڈیا پر شیئر کی، جو دیکھتے ہی دیکھتے وائرل ہوگئی۔ بعد ازاں جب اسٹور کے عملے کو اپنی غلطی کا احساس ہوا تو انہوں نے لوپیز کو واپس اسٹو وزٹ کرنے کی دعوت دی، لیکن گلوکارہ نے انکار کر دیا۔
جینیفر لوپیز نے اس کے بعد دیگر معروف برانڈز سے خریداری کی اور روانہ ہوگئیں۔ خیال رہے کہ گلوکارہ ترکی میں اپنی "اپ آل نائٹ: لائیو" کنسرٹ ٹور کے سلسلے میں موجود ہیں، جس کا اختتام 12 اگست کو ہوگا۔
حال ہی میں اداکارہ نے اپنی 56ویں سالگرہ منائی اور انسٹاگرام پر تصاویر شیئر کرتے ہوئے مداحوں کا شکریہ ادا کیا۔ لوپیز جلد ہی فلم "Kiss of the Spider Woman" میں اداکاری کے جوہر دکھاتی نظر آئیں گی جو 2027 میں ریلیز ہوگی۔
.ذریعہ: Express News
پڑھیں:
معروف امریکی اداکارہ کیلی میک33 سال کی عمر میں انتقال کر گئیں
امریکی اداکارہ، پروڈیوسر اور وائس اوور آرٹسٹ کیلی میک کینسر کے باعث 33 سال کی عمر میں انتقال کر گئیں
مشہور امریکی اداکارہ، وائس اوور آرٹسٹ اور پروڈیوسر کیلی میک 33 برس کی عمر میں کینسر جیسے جان لیوا مرض کے خلاف بہادری سے لڑتے ہوئے چل بسیں۔
کیلی کو رواں سال جنوری میں سینٹرل نروس سسٹم کے ایک نایاب اور مہلک کینسر ڈفیوز مڈلائن گلیوما کی تشخیص ہوئی تھی۔ تشخیص کے بعد انہوں نے انتہائی ہمت کے ساتھ اس مرض کا سامنا کیا۔
کیلی کی بہن کیتھرین کلیبینو نے اداکارہ کے انسٹاگرام اکاؤنٹ پر ایک جذباتی پیغام میں ان کے انتقال کی تصدیق کرتے ہوئے لکھا ہم اپنی پیاری کیلی کے انتقال کے گہرے صدمے میں ہیں۔ وہ ایک چمکتا ہوا، پرجوش ستارہ تھیں، جو اب ہم سے جدا ہو چکا ہے۔
کیتھرین کے مطابق کیلی نے اپنی آخری سانسیں اپنی والدہ اور خالہ کی موجودگی میں لیں۔ انہوں نے اپنی بہن کی بہادری کو سراہتے ہوئے کہاوہ حیرت انگیز طور پر دلیر تھیں، اور مجھے ان پر بے حد فخر ہے۔
View this post on Instagram
A post shared by Kelley Mack (@itskelleymack)
کیلی میک، جن کا اصل نام کیلی لین کلیبینو تھا، 10 جولائی 1992 کو امریکی شہر سینسیناٹی میں پیدا ہوئیں۔ انہوں نے اپنے کیریئر کی شروعات کم عمری میں ٹی وی اشتہارات سے کی، جن میں ڈاکٹر پیپر، راس اسٹورز اور ڈیری کوئین جیسے برانڈز شامل تھے۔
کیلی نے کیلیفورنیا کی چیپمین یونیورسٹی سے فلم سازی میں ڈگری حاصل کی اور گزشتہ 11 سال سے لاس اینجلس میں مقیم تھیں۔
انہیں شہرت ٹی وی سیریز The Walking Dead کے نویں سیزن میں ایڈی کے کردار سے ملی، جبکہ وہ Chicago Med میں پینیلوپی جیکبز اور 9-1-1 جیسے شوز میں بھی نظر آئیں۔
ان کے فلمی کریڈٹس میں Broadcast Signal Intrusion Profile اور حال ہی میں ریلیز ہونے والی فلم Delicate Arch شامل ہیں۔
کیلی میک کی فنکارانہ صلاحیتوں اور حوصلے کو ان کے مداح ہمیشہ یاد رکھیں گے۔
Post Views: 7
بلال بن ثاقب اور بو ہائنس کی ملاقات، پاک امریکا ڈیجیٹل شراکت داری کی نئی راہ ہموار