ایمریٹس ایئرلائن کا بڑا فیصلہ، یکم اکتوبر سے پروازوں میں پاور بینک لے جانا ممنوع
اشاعت کی تاریخ: 9th, August 2025 GMT
ابوظہبی (نیوز ڈیسک) ایمریٹس ایئرلائن نے اپنے مسافروں کے لیے ایک اہم اعلان کیا ہے۔اب یکم اکتوبر 2025 سے اس کی پروازوں میں پاور بینک لے جانا اور استعمال کرنا مکمل طور پر ممنوع ہوگا۔ اس فیصلے کا مقصد فضائی سفر کے دوران لیتھیم بیٹریوں سے جڑے خطرات کو کم کرنا ہے۔
تاہم، اس تاریخ تک مسافروں کو چند شرائط کے ساتھ پاور بینک ساتھ رکھنے کی اجازت دی گئی ہے۔ ان شرائط میں یہ شامل ہے کہ پاور بینک کی گنجائش 100 واٹ آورز سے کم ہو، سفر کے دوران اسے کسی ڈیوائس کو چارج کرنے کے لیے استعمال نہ کیا جائے، اور نہ ہی ہوائی جہاز کے پاور سورس کے ذریعے پاور بینک کو چارج کیا جائے۔
ایوی ایشن ماہرین کے مطابق، حالیہ برسوں میں فضائی سفر کے دوران پاور بینک کے استعمال میں تیزی سے اضافہ ہوا ہے، جس کے باعث لیتھیم بیٹری سے جڑے حادثات میں بھی اضافہ دیکھا گیا ہے۔ پاور بینک عام طور پر لیتھیم آئن یا لیتھیم پولیمر بیٹریوں پر مشتمل ہوتے ہیں، جو زیادہ چارج یا خرابی کی صورت میں “تھرمل رن وے” کا شکار ہو سکتے ہیں۔ اس عمل میں بیٹری کا درجہ حرارت بے قابو ہو کر خطرناک حد تک بڑھ جاتا ہے، جو آگ، دھماکے یا زہریلی گیسوں کے اخراج کا باعث بن سکتا ہے۔
اگرچہ جدید اسمارٹ فونز اور کئی بیٹری سے چلنے والے آلات میں اضافی چارجنگ سے بچانے والا حفاظتی نظام موجود ہوتا ہے، لیکن زیادہ تر پاور بینکس میں یہ فیچر نہیں ہوتا۔ یہی وجہ ہے کہ ایمریٹس نے اس اقدام کو ضروری قرار دیا ہے تاکہ سفر کے دوران مسافروں اور عملے کی حفاظت کو یقینی بنایا جا سکے۔
Post Views: 4.
ذریعہ
ذریعہ: Daily Mumtaz
کلیدی لفظ: سفر کے دوران پاور بینک
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی