لبنان میں حزب اللہ کے اسلحہ ڈپو میں دھماکا، 6 اہلکار جاں بحق
اشاعت کی تاریخ: 9th, August 2025 GMT
جنوبی لبنان میں لتانی دریا کے جنوب میں حزب اللہ کے گولہ بارود کے ڈپو میں دھماکے کے نتیجے میں 6 لبنانی فوجی جاں بحق اور متعدد زخمی ہو گئے۔
بین الاقوامی میڈیا کے مطابق لبنان میں حزب اللہ کے اسلحہ ڈپو میں دھماکے سے 6 فوجی اہلکار جاں بحق ہوگئے ہیں، فوجی اہلکار مجدل زون اور وادی زبقین، صور کے علاقے میں اسلحے کے ذخیرے کا معائنہ کر رہے تھے کہ دھماکا پیش آیا۔
یہ بھی پڑھیں: لبنانی کابینہ کا حزب اللہ کو غیر مسلح کرنے کا عزم، شیعہ وزرا کا واک آؤٹ
جاں بحق ہونے والوں میں 5ویں انفنٹری بریگیڈ کے 4 اور انجینئرنگ رجمنٹ کے 2 اہلکار شامل ہیں۔ فوجی حکام کا کہنا ہے کہ یہ گولہ بارود حزب اللہ کا تھا، لبنانی فوج معاہدہ جنگ بندی اور اقوام متحدہ کی قرارداد 1701 کے تحت ضبط شدہ ہتھیاروں اور گولہ بارود کو ناکارہ بنانے کے عمل میں مصروف تھی۔
صدر جوزف عون نے فوجی کمانڈر جنرل رودولف ہائکل سے رابطہ کر کے واقعے کی تفصیلات معلوم کیں۔ صدارتی محل کے اعلامیے میں کہا گیا کہ دھماکا اس وقت ہوا جب انجینئرنگ رجمنٹ کے اہلکار گولہ بارود ہٹانے اور ناکارہ بنانے کا کام کر رہے تھے۔
یہ بھی پڑھیں: اسرائیل پر حزب اللہ کے حملے سے 11 افراد زخمی، تل ابیب ایئرپورٹ سے فلائٹ آپریشن متاثر
صدر نے شہدا کے لواحقین اور فوج سے تعزیت کرتے ہوئے کہا کہ ’ملک نے آج اپنے بہترین سپاہیوں کو کھو دیا جو لبنان کی سرزمین اور خودمختاری کے دفاع میں اپنی جانیں قربان کر گئے‘۔
وزیراعظم نواف سلام نے بھی فوجی شہدا کی قربانی کو خراجِ عقیدت پیش کرتے ہوئے کہا کہ فوج قومی خودمختاری اور اتحاد کی ضامن ہے۔
یہ واقعہ ایسے وقت پیش آیا ہے جب لبنانی حکومت نے ملک میں اسلحے پر ریاستی کنٹرول بحال کرنے اور امریکی منصوبے کے نفاذ کا فیصلہ کیا ہے، جس کی حزب اللہ مخالفت کررہی ہے۔
یہ بھی پڑھیں: ایران اسرائیل جنگ میں مداخلت کی تو امریکی اڈے نشانہ بنیں گے، عراقی حزب اللہ کی امریکا کو دھمکی
لبنانی فوج کے مطابق جمعے کی شب بیروت میں حزب اللہ کے حامی مظاہرین کے جتھوں کو شہر میں داخل ہونے اور بدامنی پھیلانے سے روکا گیا۔ فوجی کمان نے شہریوں کو سوشل میڈیا پر پھیلائی جانے والی افواہوں اور پرانے ویڈیوز کے ذریعے افراتفری پھیلانے کی کوششوں سے ہوشیار رہنے کی اپیل کی اور خبردار کیا کہ امن عامہ اور سیکیورٹی کی خلاف ورزی برداشت نہیں کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلحہ ڈپو اہلکار جاں بحق حزب اللہ دھماکا لبنان.ذریعہ: WE News
کلیدی لفظ: اسلحہ ڈپو اہلکار جاں بحق حزب اللہ دھماکا میں حزب اللہ کے گولہ بارود
پڑھیں:
کندھ کوٹ؛ کچےمیں پولیس کا آپریشن جاری، 2 ڈاکو ہلاک 5 زخمی
ویب ڈیسک : کندھ کوٹ کے کچے میں گزشتہ روز سے جاری پولیس آپریشن میں اب تک دو ڈاکو ہلاک اور پانچ زخمی ہوئے ہیں، جبکہ پولیس اور ڈاکوؤں میں فائرنگ کا تبادلہ جاری ہے۔
گزشتہ روز انڈس ہائی وے قمبرانی پولیس چوکی پر ڈاکوں کےحملے میں ایک پولیس اہلکار اغوا ہونے کے بعدپولیس نے ایس ایس پی کشمورمحمد مرادکی نگرانی میں ڈاکووں کےخلاف جدید اسلحہ کےساتھ آپریشن کیا، جس کے نتیجے میں انعام یافتہ دو ڈاکوشفیق ڈاہانی اورصحبت جاگیرانی مارے گئے۔ اس آپریشن میں 5 ڈاکو زخمی ہوگئے۔
جلد کے ٹیٹوز سے اکتا کر چینی نوجوان دانتوں پر ٹیٹوز بنوانے لگے
پولیس نےمارے جانےوالے ایک ڈاکو شفیق ڈاہانی کی لاش تحویل میں لےکرکندھ کوٹ اسپتال منتقل کردی۔
ایس ایس پی کشمور کا کہنا ہے کہ ڈاکو اور پولیس میں جدید اسلحہ سے فائرنگ کا تبادلہ جاری ہے جلد مغوی پولیس اہلکار کو بھی بازیاب کرالیا جائے گا۔
بھارت کی مشکلات میں اضافہ، سعودی عرب کے ساتھ دفاعی معاہدے نے پاکستان کو کتنا مضبوط بنادیا؟