سابق وزیراعلیٰ حمزہ شہباز سے ڈپٹی چیئرمین سینٹ کی ملا قات
اشاعت کی تاریخ: 11th, August 2025 GMT
اسلام آباد(خبرنگار)ڈپٹی چیئرمین سینیٹ سیدال خان نے سابق وزیراعلی پنجاب و رکن قومی اسمبلی حمزہ شہباز سے ماڈل ٹان، مرکزی سیکرٹریٹ مسلم لیگ (ن) میں ملاقات کی۔ ملاقات میں ملکی سیاسی، معاشی اور سکیورٹی امور پر تفصیلی تبادلہ خیال کیا گیا۔ ڈپٹی چیئرمین سینٹ نے حمزہ شہباز کو اسلام آباد میں اپنے چیمبر کے دورے اور صوبہ بلوچستان آنے کی دعوت دی۔ انہوں نے کہا وزیراعظم شہباز شریف نے ملکی معاملات کی بہتری کے لیے جس جانفشانی سے کام کیا وہ قابلِ تحسین ہے، اور سابق وزیراعلی پنجاب نے بھی اپنے دورِ حکومت میں بہترین حکمت عملی کے ذریعے کئی کامیابیاں حاصل کیں۔ سیدال خان نے اس امید کا اظہار کیا حمزہ شہباز بلوچستان کا دورہ کر کے وہاں کے عوامی مسائل اور ترقیاتی امور کا جائزہ لیں گے، تاکہ صوبے میں مزید بہتری لائی جا سکے۔ حمزہ شہباز نے ڈپٹی چیئرمین سینٹ کی دعوت قبول کرتے ہوئے یقین دہانی کرائی وہ بلوچستان کا دورہ کریں گے۔ در ین اثنا ڈپٹی چیئرمین سینٹ سیدال خان نے سابق رکن قومی اسمبلی عمر سہیل ضیا بٹ کی رہائشگاہ پر ان کے ماموں، میاں شاہد شفیع کے انتقال پر گہرے رنج و غم کا اظہار کرتے ہوئے اہلِ خانہ سے تعزیت کی ۔
.
ذریعہ
ذریعہ: Nawaiwaqt
کلیدی لفظ: ڈپٹی چیئرمین سینٹ
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی