بچی سے زیادتی کا الزام، بھارتی کرکٹر پر بڑی پابندی لگ گئی
اشاعت کی تاریخ: 11th, August 2025 GMT
27 سالہ فاسٹ باؤلر یوش دیال کو یوپی ٹی20 لیگ کے تیسرے ایڈیشن میں کھیلنے کی اجازت نہیں دی گئی، جو 17 اگست سے شروع ہونے والی ہے۔ بھارتی میڈیا کے مطابق، یوش دیال، جنہوں نے اس سال رائل چلنجرز بنگلور (RCB) کی آئی پی ایل 2025 کی فتح میں اہم کردار ادا کیا تھا، کو گورکھپور لائنز نے 7 لاکھ روپے میں سائن کیا تھا، مگر اب انہیں ٹیم میں شامل نہیں کیا گیا۔
یوپی کرکٹ ایسوسی ایشن (UPCA) نے بتایا ہے کہ جے پور کے سنگانر صدر پولیس اسٹیشن میں یوش دیال کے خلاف کیس درج ہونے کے بعد انہیں لیگ میں شرکت سے روکا گیا ہے۔ ایسوسی ایشن نے فرنچائز کو ہدایت کی ہے کہ وہ یوش دیال کو ٹیم میں شامل نہ کریں۔
مزید پڑھیں: دوسری شادی کرنے کا کوئی ارادہ نہیں ہے، سابق فاسٹ باؤلر شعیب اختر
یوش دیال نے آئی پی ایل میں گجرات ٹائٹنز اور RCB کے لیے کل 43 میچز میں 41 وکٹیں حاصل کی ہیں۔ انہوں نے 2022 میں ہاردک پانڈیا کی قیادت میں گجرات ٹائٹنز کے ساتھ آئی پی ایل ٹائٹل جیتا تھا جبکہ 2024 میں RCB کے لیے 15 وکٹیں حاصل کی تھیں۔ تاہم 2023 میں ان کا ایک یادگار میچ بھی رہا جس میں انہیں کولکتہ نائٹس رائڈرز کے بلے باز رنگو سنگھ نے آخری 5 گیندوں پر 5 چھکے مارے تھے۔
ریاستی عدالت نے یوش دیال کو کم عمر لڑکی کے مبینہ ریپ کیس میں گرفتاری سے عبوری تحفظ دینے سے انکار کر دیا ہے۔ عدالت نے یہ واضح کیا کہ چونکہ متاثرہ بچی کم عمر ہے، اس لیے ملزم کو گرفتار ہونے سے روکنا ممکن نہیں۔ اگلی سماعت 22 اگست کو ہوگی۔
یوش دیال کے وکیل کنال جائمان نے عدالت کو بتایا کہ یہ کیس ان کے مؤکل کے خلاف سازش کا حصہ ہے اور ان کی شہرت کو نقصان پہنچانے کی کوشش ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
RCB آئی پی ایل رائل چلنجرز بنگلور فاسٹ باؤلر یوش دیال گجرات ٹائٹنز گورکھپور لائنز یوپی ٹی20 لیگ.
ذریعہ
ذریعہ: WE News
کلیدی لفظ: آئی پی ایل فاسٹ باؤلر یوش دیال گجرات ٹائٹنز آئی پی ایل یوش دیال
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی