ڈیگاری دہرا قتل: شیرباز ساتکزئی کی درخواست ضمانت مسترد، گل جان بی بی رہا
اشاعت کی تاریخ: 11th, August 2025 GMT
کوئٹہ کے علاقے ڈیگاری میں غیرت کے نام پر دہرے قتل کا معاملہ عدالت نے نامزد ملزم سردار شیر باز ساتکزئی کی درخواست ضمانت مسترد کر دی جبکہ مقتولہ بانو بی بی کی والدہ گل جان بی بی کو رہا کر دیا۔
یہ بھی پڑھیں: بلوچستان میں قتل خاتون کے والدین کا بیان قرآن و سنت کے خلاف ہے، پاکستان علما کونسل
دہرے قتل کیس میں نامزد ملزمان گل جان بی بی ، سردار شیر باز ساتکزئی نے ضمانتوں کی درخواستیں ایڈیشن اینڈ سیشن جج 10 کی عدالت میں 9 اگست کو دائر کی تھیں جن پر آج سماعت ہوئی۔
دوران سماعت عدالت نے سردار شیرباز ساتکزئی کی درخواست ضمانت مسترد کردی جبکہ مقتولہ بانوبی بی کی والدہ کی ضمانت منظور کرتے ہوئے انہیں رہا کرنے کا حکم دے دیا۔ سیریس کرائم انویسٹی گیشن ونگ نے کیس کا چالان بھی عدالت مین جمع کروایا۔
مزید پڑھیے: بلوچستان میں مرد اور خاتون کے قتل کا فیصلہ سنانے والے بلوچ سردار شیزباز خان ساتکزئی کون ہیں؟
بلوچستان کے دارلحکومت کے نواحی علاقے ڈگاری میں 19 جولائی کو بانو نامی خاتون اور احسان اللہ نامی شخص کے قتل کرنے کا واقعہ سامنے آیا تھا۔ اس حوالے سے فائرنگ کے دردناک مناظر کی ویڈیو سوشل میڈیا پروائرل ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانو بی بی بلوچستان ڈیگاری دہرا قتل سردار شیزباز خان ساتکزئی گل جان بی بی.ذریعہ: WE News
کلیدی لفظ: بلوچستان ڈیگاری دہرا قتل سردار شیزباز خان ساتکزئی گل جان بی بی گل جان بی بی
پڑھیں:
ذیابیطس، دل کے امراض اور موٹاپے میں مبتلا افراد کی امریکی ویزا درخواستیں مسترد کی جا سکتی ہیں
امریکا کے لیے ویزا حاصل کرنے کی درخواست دینے والے ذیابیطس، کینسر، دل کی بیماریوں اور موٹاپے جیسے دائمی امراض میں مبتلا افراد کی درخواستیں اب مسترد ہو سکتی ہیں۔
امریکی میڈیا کی رپورٹ کے مطابق، ٹرمپ انتظامیہ نے دنیا بھر میں امریکی سفارتخانوں اور قونصل خانوں کو نئی ہدایات جاری کی ہیں۔ ان ہدایات کے تحت ویزا افسران کو یہ طے کرنے کی اجازت دی گئی ہے کہ درخواست گزار اپنے طویل المدتی علاج کے اخراجات بغیر کسی حکومتی امداد کے خود برداشت کرنے کے قابل ہیں یا نہیں۔
یہ پالیسی خاص طور پر ان تارکین وطن کو متاثر کر سکتی ہے جو امریکا میں مستقل رہائش کے لیے ویزا حاصل کرنا چاہتے ہیں۔ ٹرمپ انتظامیہ کے مطابق، ایسے افراد جو صحت کے سنگین مسائل کا سامنا کر رہے ہیں، امریکی وسائل پر بوجھ بن سکتے ہیں، خاص طور پر اگر ان کی عمر زیادہ ہو۔
اگرچہ امریکی ویزا کے عمل میں درخواست دہندگان کی صحت کا جائزہ لینا کوئی نیا عمل نہیں ہے، لیکن نئی ہدایات میں اس حوالے سے طبی مسائل کی فہرست کو کافی وسیع کر دیا گیا ہے اور ویزا افسران کو درخواست گزار کی صحت کی بنیاد پر فیصلہ کرنے کے لیے مزید اختیارات دے دیے گئے ہیں۔ اس کا مقصد یہ ہے کہ امریکی حکومت یہ یقینی بنائے کہ ایسے افراد جنہیں طویل مدت تک علاج کی ضرورت ہو، وہ امریکی وسائل پر بوجھ نہ بنیں۔
شاہین آفریدی ون ڈے کرکٹ میں پاکستان کے 32 ویں کپتان