راولپنڈی پولیس نے عمران خان کی بہنوں کو تحویل میں لے لیا
اشاعت کی تاریخ: 12th, August 2025 GMT
راولپنڈی پولیس نے پاکستان تحریک انصاف (پی ٹی آئی) کے بانی عمران خان کی بہنوں، علیمہ خان اور نورین نیازی کو اڈیالہ جیل کے قریب واقع داہگل ناکے پر تحویل میں لے لیا۔
دونوں بہنیں عمران خان سے ملاقات کی اجازت نہ ملنے پر احتجاجاً جیل کے قریب دھرنا دے رہی تھیں۔ پولیس نے ابتدائی طور پر ان سے پرامن طور پر واپس جانے کی درخواست کی، تاہم انکار پر انہیں تحویل میں لے کر چکری انٹرچینج کی جانب روانہ کر دیا گیا۔ اس موقع پر پی ٹی آئی کے نو کارکنوں کو بھی حراست میں لیا گیا تھا، جنہیں بعد ازاں رہا کر دیا گیا۔
علیمہ خان نے گرفتاری سے قبل میڈیا سے گفتگو میں کہا کہ عمران خان کے خلاف ہونے والے اوپن ٹرائل میں شفافیت کا کوئی تقاضا پورا نہیں کیا جا رہا۔ انہوں نے دعویٰ کیا کہ سابق وزیراعظم کو ریلیف نہ دینے کا مقصد سیاسی انتقام ہے، کیونکہ اگر انہیں ریلیف ملا تو “پھر سب کو آزاد کرنا پڑے گا”۔
ان کا مزید کہنا تھا کہ حکومت خوف کا شکار ہے، اور انہیں اپنے ہی بنائے ہوئے نظام سے خطرہ محسوس ہو رہا ہے۔ علیمہ خان نے بتایا کہ وہ صرف ملاقات کے لیے آئی تھیں لیکن جیل سے دو کلومیٹر دور ہی روک دیا گیا۔
واقعے کے بعد سیکیورٹی مزید سخت کر دی گئی ہے جبکہ پی ٹی آئی کارکنوں کو اڈیالہ کے اطراف میں جمع ہونے سے روکنے کے لیے اضافی نفری تعینات کی گئی ہے۔
Post Views: 5.
ذریعہ: Daily Mumtaz
پڑھیں:
شادی کے لیے خون سے لکھے ہوئے خط موصول ہوئے، امریتا راؤ
بالی ووڈ اداکارہ امریتا راؤ نے حال ہی میں ایک انٹرویو میں بتایا کہ فلم ’ویواہ‘ کی کامیابی کے بعد انہیں شادی کی بے شمار پیشکشیں موصول ہوئیں، جن میں سے کچھ خوفناک اور غیر معمولی نوعیت کی تھیں۔
میں ہوں نا فلم سے مشہور ہونے والی اداکارہ امریتا راؤ نے کہا کہ انہیں خون سے لکھے گئے خطوط بھی ملے اور ایک شخص ان کے گھر کے باہر ٹیلیفون بوتھ پر کھڑا رہتا تھا، جس کی وجہ سے ان کے والدین کو فون اٹھانا پڑتا تھا۔
امریتا نے بتایا کہ فلمی دباؤ اور کیریئر کے چیلنجز کی وجہ سے وہ جذباتی طور پر تنہا محسوس کر رہی تھیں۔ انہوں نے کہا کہ اپنی پسند کی فلمیں حاصل نہیں کر پارہی تھیں۔ ایسے نازک دور میں ان کی ملاقات آر جے انمول سے ہوئی، جن سے انہوں نے سات سال کی ڈیٹنگ کے بعد 2016 میں شادی کی۔
اداکارہ نے کہا کہ انمول کے ساتھ رشتہ انہیں جذباتی اور پیشہ ورانہ طور پر مضبوط بنانے میں مددگار ثابت ہوا۔ ان کا کہنا تھا کہ شادی کے بعد ان کی زندگی میں استحکام آیا اور انہوں نے 2020 میں بیٹے ویر کو خوش آمدید کہا۔
امریتا کی حالیہ فلم ’جولی ایل ایل بی 3‘ بھی ان کی نمایاں واپسی ہے، جس میں وہ ارشد وارثی کی اہلیہ کا کردار ادا کر رہی ہیں۔
Post Views: 1
خالد مقبول صدیقی کا سندھ کی تقسیم کا بیان سندھ دشمنی کی عکاسی کرتا ہے