عمران خان کا طبی معائنہ، کان اور دانت چیک کیے گئے، مکمل صحتیاب
اشاعت کی تاریخ: 12th, August 2025 GMT
پاکستان تحریک انصاف کے بانی عمران خان کا اڈیالہ جیل میں میڈیکل چیک اپ کیا گیا، جس میں پمز اسپتال کے ڈاکٹرز کی ٹیم نے حصہ لیا۔
معائنے کے دوران عمران خان کے کانوں اور دانتوں کا تفصیلی معائنہ کیا گیا اور صفائی بھی کی گئی۔ ڈاکٹرز نے معائنے کے بعد انہیں **مکمل طور پر صحت مند** قرار دیا۔
ڈاکٹرز نے کچھ مزید ٹیسٹ بھی تجویز کیے ہیں، جبکہ عمران خان نے دانتوں کے معائنے کے لیے **ڈاکٹر عاصم** کو بلوانے کی درخواست کی ہے۔
طبی معائنے سے متعلق رپورٹ آئندہ چند روز میں **اسلام آباد ہائی کورٹ** میں جمع کروا دی جائے گی۔
ذریعہ: Daily Mumtaz
پڑھیں:
عمران خان اپنا طبی معائنہ کہاں سے کروانا چاہتے ہیں؟ اسلام آباد ہائیکورٹ میں درخواست دائر
ویب ڈیسسک : عمران خان نے اپنا طبی معائنہ کروانے کے لیے اسلام آباد ہائی کورٹ میں درخواست دائر کی ہے۔
نجی ٹی وی کے مطابق وزیراعلیٰ خیبر پختونخوا علی امین گنڈاپور کے ذریعے اسلام آباد میں دائر درخواست میں بانی چیئرمین پی ٹی آئی عمران خان نے شوکت خانم اسپتال سے اپنا طبی معائنہ کروانے کی استدعا کی ہے۔
درخواست میں مؤقف اختیار کیا گیا ہے کہ بانی پی ٹی آئی کا طبی معائنہ کرانے کا حکم دیا جائے ۔ شوکت خانم کے ڈاکٹروں پر مشتمل ٹیم کو ہر ماہ طبی معائنہ اور ضروری ٹیسٹ کرنے کی اجازت دی جائے ۔
عمان کا شناختی کارڈ سے متعلق اہم فیصلہ
درخواست میں استدعا کی گئی ہے کہ فریقین کو میڈیکل رپورٹس کی کاپی عدالت اور بانی پی ٹی آئی کے فیملی اراکین کے ساتھ شئیر کرنے کا حکم دیا جائے ۔ فوری ریلیف کے لیے بانی پی ٹی آئی کے 3 دن میں شوکت خانم اسپتال کے ڈاکٹروں سے معائنے کا حکم دیا جائے ۔
اسلام آباد ہائی کورٹ میں دائر درخواست میں محکمہ داخلہ پنجاب، صوبائی حکومت اور آئی جی جیل خانہ جات کو فریق بنایا گیا ہے۔ علاوہ ازیں جیل اسپتال اور شوکت خانم اسپتال بھی درخواست میں فریق ہیں۔
یوسف رضا گیلانی کے بیٹے کی بارسلونا میں قیمتی گاڑی چھین لی گئی
عدالت میں درخواست علی امین گنڈا پور نے وکیل راجا ظہور الحسن ایڈووکیٹ کے ذریعے دائر کی ہے۔
درخواست کے مطابق بانی پی ٹی آئی کی عمر72 سال ہے اور معمول کا طبی معائنہ ضروری ہے۔ جیل میں قید کے دوران بانی پی ٹی آئی کا وزن کم ہوگیا ہے ۔ ان کے مختلف بیماریوں میں مبتلا ہونے کا خدشہ ہے۔ بانی پی ٹی آئی کی طبی ہسٹری شوکت خانم اسپتال کے پاس موجودہے، وہاں کی ٹیم کو ماہانہ طبی معائنہ اور ضروری ٹیسٹ کرنے کی اجازت دی جائے۔
حنیف محمد کی عمدہ بلے بازی کا ہر کوئی مداح تھا: محسن نقوی
درخواست میں استدعا کی گئی ہے کہ ڈاکٹر عاصم یوسف، ڈاکٹر فیصل سلطان اور ڈاکٹر ثمینہ نیازی کوطبی معائنہ اور ٹیسٹوں کے لیے بانی پی ٹی آئی تک رسائی کا حکم دیاجائے۔
Ansa Awais Content Writer
پی ٹی آئی کے 300 سے زائد کارکنان کرگرفتارکرلیاگیا