محسن نقوی کی شہید میجر رضوان طاہر کی رہائش گاہ آمد، اہل خانہ سے دلی ہمدردی کا اظہار
اشاعت کی تاریخ: 13th, August 2025 GMT
سٹی 42 : وزیرداخلہ محسن نقوی، شہید میجر رضوان طاہر کی رہائش گاہ پہنچ گئے، جہاں انہوں نے شہید میجر رضوان طاہر کے والد کرنل ریٹائرڈ محمد طاہر اور دیگر اہل خانہ سے ملاقات کی۔
وزیرداخلہ محسن نقوی نے شہید میجر رضوان طاہر کے والدین اور بھائی میجر عثمان طاہر سے دلی ہمدردی اور تعزیت کا اظہار کیا۔ محسن نقوی نے شہید میجر رضوان طاہر کے درجات کی بلندی کے لئے دعا کی۔
وزیرداخلہ نے شہید میجر رضوان طاہر کے والد کرنل ریٹائرڈ محمد طاہر، والدہ اور بھائی میجر عثمان طاہر کے بلند حوصلے کو سراہا، کہا کہ آپ شہید بیٹے کے با ہمت اور بلند حوصلہ والدین ہیں، آپ کا یہ حوصلہ اور عزم ہی قوم کی طاقت ہے، آپ کی عظمت کو سلام۔ انہوں نے کہا کہ میجر رضوان طاہر نے بہادری سے بھارتی سپانسرڈدہشتگردوں کا مقابلہ کیا اور جام شہادت نوش کیا، شہید میجر رضوان طاہر قوم کے ہیرو ہیں، عظیم قربانی رائیگاں نہیں جائے گی۔
جشن آزادی کی خوشیاں، برائلر گوسشت کی نئی قیمت کیا؟
محسن نقوی نے کہا کہ شہداء کے خاندانوں کی لازوال قربانیوں کی قوم ہمیشہ مقروض رہے گی۔
شہید میجر رضوان طاہر کے والد نے کہا کہ بیٹے نے کئی انٹیلیجنس بیسڈ آپریشنز کو لیڈ کیا اور متعدد دہشتگردوں کو جہنم واصل کیا۔
چیف کمشنر اسلام آباد محمد علی رندھاوا اور آئی جی اسلام آباد پولیس علی ناصر رضوی بھی اس موقع پر موجود تھے۔
واضح رہے کہ میجر رضوان طاہر چند روز قبل مستونگ میں بھارتی سپانسرڈ دہشتگردوں کے آئی ای ڈی دھماکے میں شہید ہو گئے تھے۔
پنجاب پولیس میں بھرتیاں, ویٹنگ لسٹ کے امیدواروں کیلئے بڑی خوشخبری
.ذریعہ: City 42
کلیدی لفظ: نے شہید میجر رضوان طاہر کے محسن نقوی کہا کہ
پڑھیں:
ون ڈے اور ٹی20 پلیئرز کی نئی رینکنگ جاری، بابر اعظم اور محمد رضوان کی تنزلی
انٹرنیشنل کرکٹ کونسل (آئی سی سی) نے ٹی20 اور ون ڈے فارمیٹ کے کھلاڑیوں کی تازہ ترین رینکنگ جاری کردی۔
آئی سی سی کی جانب سے جاری ٹی20 بیٹرز رینکنگ کے مطابق بھارت کے ابھیشیک شرما بدستور پہلے نمبر پر موجود ہیں۔ آسٹریلیا کے ٹم ڈیوڈ نے شاندار کارکردگی کے باعث 6 درجے ترقی حاصل کرتے ہوئے ٹاپ 10 میں جگہ بنالی اور اب وہ 10 ویں پوزیشن پر پہنچ گئے ہیں۔
پاکستان کی جانب سے کوئی بھی کھلاڑی ٹی20 بیٹرز کے ٹاپ 10 میں شامل نہیں۔ پاکستان کے کپتان بابراعظم ایک درجے تنزلی کے بعد 18 ویں نمبر پر آگئے ہیں۔
ٹی20 بولرز رینکنگ
بولرز کی فہرست میں نیوزی لینڈ کے جیکب ڈفی کا پہلا نمبر برقرار ہے۔ اس شعبے میں بھی پاکستان کا کوئی بولر ٹاپ 10 میں جگہ نہیں بنا سکا۔ آسٹریلیا کے جوش ہیزل ووڈ 3 درجے ترقی کے بعد 20 ویں جبکہ پاکستان کے حارث رؤف 2 درجے بہتری کے بعد 24 ویں نمبر پر آگئے ہیں۔
ٹی20 آل راؤنڈرز رینکنگ
ٹی20 آل راؤنڈرز میں بھارت کے ہاردیک پانڈیا اپنی پہلی پوزیشن برقرار رکھے ہوئے ہیں۔
ون ڈے بیٹرز رینکنگ
ون ڈے بیٹرز کی تازہ رینکنگ میں بھارت کے شبمن گل بدستور پہلے نمبر پر ہیں۔ روہت شرما ایک درجہ ترقی کے بعد دوسرے نمبر پر آگئے ہیں، جبکہ قومی کرکٹ ٹیم کے سابق کپتان بابر اعظم ایک درجہ تنزلی کے ساتھ تیسرے نمبر پر چلے گئے۔ پاکستان کے محمد رضوان بھی ایک درجہ تنزلی کے بعد 23 ویں پوزیشن پر پہنچ گئے ہیں۔ صائم ایوب کو 9 درجے نقصان ہوا اور وہ 46 ویں نمبر پر آگئے ہیں۔
ون ڈے بولرز رینکنگ
ون ڈے بولرز میں سری لنکا کے مہیش تھیکشانا بدستور پہلے نمبر پر براجمان ہیں۔ ویسٹ انڈیز کے گوڈاکیش موتی نے 5 درجے ترقی پاکر 12 ویں نمبر پر جگہ بنائی ہے۔ پاکستان کے شاہین شاہ آفریدی ایک درجہ تنزلی کے بعد 13 ویں پوزیشن پر چلے گئے۔
آئی سی سی کے مطابق ویسٹ انڈیز کے جیڈن سیلز نے 24 درجے لمبی چھلانگ لگا کر 33 ویں پوزیشن حاصل کی، جبکہ پاکستان کے ابرار احمد 3 درجے ترقی کے بعد 54 ویں نمبر پر آگئے ہیں۔
ون ڈے آل راؤنڈرز رینکنگ
ون ڈے آل راؤنڈرز میں افغانستان کے عظمت اللہ عمرزئی بدستور پہلے نمبر پر موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی انٹرنیشنل کرکٹ کونسل بابر اعظم تنزلی ٹی20 فارمیٹ محمد رضوان نئی پلیئرز رینکنگ جاری ون ڈے فارمیٹ وی نیوز
بانی جیل میں انتظار کرتا رہا، چوری کھانے والے مجنوں پارلیمنٹ سے ہی نہیں نکلے