یوم آزادی، سفارتخانوں اور سفراء کے مبارکبادوں کے پیغامات کا سلسلہ جاری
اشاعت کی تاریخ: 13th, August 2025 GMT
پاکستان کے 78ویں یوم آزادی کے موقع پر ایرانی سفارتخانے کا اپنے پیغام میں کہنا تھا کہ پاکستان کی قابلِ احترام حکومت اور معزز، برادر، دوست اور ہمسایہ قوم کو مبارکباد پیش کرتے ہیں۔ ایران اور پاکستان کی دوستی، باہمی احترام اور تعاون کے مضبوط رشتے بےحد عزیز ہیں اور پاکستان کی خوشحالی، سلامتی، ترقی اور استحکام کے لیے ہمیشہ دعا گو ہیں، دونوں برادر اقوام کے درمیان پائیدار دوستی مزید گہری اور مضبوط ہو، یہی خواہش ہے۔ اسلام ٹائمز۔ پاکستان کے 78ویں یوم آزادی پر مختلف ممالک کے سفارتخانوں اور سفراء کی جانب سے مبارکباد اور نیک خواہشات کے پیغامات کا سلسلہ جاری ہے۔ اسلام آباد میں ایرانی سفارتخانے نے اپنے پیغام میں کہا کہ یہ اس عظیم قوم کی اعلیٰ اقدار کو خراجِ تحسین پیش کرنے کا دن ہے، فخر ہے کہ ہم پاکستان کی ناقابلِ تسخیر استقامت، اتحاد اور شاندار کامیابیوں کا جشن منا رہے ہیں، پاکستان کی قابلِ احترام حکومت اور معزز، برادر، دوست اور ہمسایہ قوم کو مبارکباد پیش کرتے ہیں۔ ایران اور پاکستان کی دوستی، باہمی احترام اور تعاون کے مضبوط رشتے بےحد عزیز ہیں اور پاکستان کی خوشحالی، سلامتی، ترقی اور استحکام کے لیے ہمیشہ دعا گو ہیں، دونوں برادر اقوام کے درمیان پائیدار دوستی مزید گہری اور مضبوط ہو، یہی خواہش ہے۔
پاکستان میں ازبکستان کے سفیر ایلشر تختیف نے پاکستانی قوم کو گرمجوشی سے مبارکباد پیش کی اور 14 اگست کو " فخر اور خوشی کا دن " قرار دیتے ہوئے کہا کہ یہ دن خوابوں، قربانیوں اور اٹل یقین کی علامت ہے۔ اپنے پیغام میں سفیر نے کہا کہ وہ نہ صرف ازبکستان کے نمائندے کے طور پر بلکہ " ایک دوست اور بھائی " کی حیثیت سے بات کر رہے ہیں، پاکستان میں آزادی کا جذبہ ازبکستان کی تاریخ سے مماثلت رکھتا ہے۔
روسی سفارتخانے کی جانب سے جاری خصوصی تہنیتی پیغام میں کہا گیا کہ پاکستان نے آزادی کے بعد بہت سے شعبوں میں نمایاں ترقی کی اور بین الاقوامی برادری میں اپنی پوزیشن مضبوط کی اور خلائی تحقیق میں بھی پاکستان نے اپنا حصہ ڈالا، چیلنجز کے باوجود پاکستان قائد اعظم اور اقبال کے اصولوں اور اپنی قومی اقدار و روایات پر کاربند ہے۔ انہوں نے کہا کہ پاکستانی عوام بجا طور پر اپنے ملک پر فخر کر سکتے ہیں اور روس اپنے پاکستانی دوستوں کی کامیابی، خوشحالی اور فلاح کا خواہاں ہے۔
پاکستان میں جاپانی سفیر اکاماتسو شوچی نے ویڈیو پیغام میں پاکستانی عوام کو یومِ آزادی کی مبارکباد دیتے ہوئے کہا کہ جاپان ایک مضبوط اور خوشحال پاکستان کے لیے پاکستان کے شانہ بشانہ کھڑا ہے، اسلام آباد میں جاپانی سفارتخانے کے پاکستانی اور جاپانی عملے نے مل کر قومی نغمہ " جیوے جیوے پاکستان " بھی گایا۔ پاکستان میں آئرلینڈ کی سفیر میری او نیل نے علامہ اقبال کے اشعار پڑھ کر پاکستانی قوم کو یوم آزادی کی مبارکباد پیش کی اور کہا کہ بیرونِ ملک اور پاکستان میں موجود تمام دوستوں کو یومِ آزادی مبارک ہو۔
ذریعہ: Islam Times
کلیدی لفظ: اور پاکستان کی مبارکباد پیش پاکستان میں پاکستان کے یوم ا زادی پیغام میں کی اور کہا کہ قوم کو
پڑھیں:
کوئی شک نہیں ملک کا دفاع مضبوط ہاتھوں میں ہے، وزیراعظم
حکومت نے ملک کو مشکل ترین حالات سے نکال کر درست سمت میں ڈال دیا، شہباز شریف
سپہ سالار سید عاصم منیر اور افواج پاکستان نے ملک دشمنوں کو ناکوں چنے چبوا کر مورال بلند کیا
وزیراعظم شہباز شریف کا کہنا ہے کہ حکومت نے ملک کو مشکل ترین حالات سے نکال کر درست سمت میں ڈال دیا ہے۔ تفصیلات کے مطابق وزیر اعظم پاکستان میاں محمد شہباز شریف سے پارلیمانی سیکرٹری برائے دفاع و ہوا بازی محترمہ زیب جعفر نے ملاقات کی، ملاقات میں پارلیمانی امور، دفاعی اور ہوابازی کے شعبوں پر تفصیلی تبادلہ خیال کیا گیا، اس موقع پر وزیراعظم شہباز شریف نے کہا کہ ملک کی اکانومی اور معیشت کامیابوں کی جانب گامزن ہے، ملک سے مہنگائی، غربت اور بے روزگاری کے خاتمے کیلئے حکومت تمام تر وسائل بروئے کار لارہی ہے۔انہوں نے کہا کہ کوئی شک نہیں ملک کا دفاع مضبوط ہاتھوں میں ہے، سپہ سالار سید عاصم منیر اور افواج پاکستان نے ملک دشمنوں کو ناکوں چنے چبوا کر قوم کا مورال بلند کیا ہے، آپریشن بنیان المرصوص کا نام سن آج بھی ہمسایوں کی چیخیں نکل جاتی ہیں، عالمی برادری پاکستان آرمی، ایٔر فورس سمیت افواج پاکستان کی گرویدہ ہوچکی ہے۔شہباز شریف نے مزید یہ بھی کہا کہ دنیا اعتراف کرتی ہے کہ پاکستان دنیا کا واحد ملک ہے جن کا دفاعی نظام مؤثر ترین ہے، اس وقت حکومت کا فوکس ملک کی ترقی اور خوشحالی ہے جس پر حکومت تیزی سے کام کر رہی ہے، پاکستان مسلم لیگ ن ملک کی ترقی، خوشحالی کا دوسرا نام ہے، حکومت نے ملک کو مشکل ترین حالات سے نکال کر درست سمت میں ڈال دیا ہے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن