ہم بیت المقدس میں E1 منصوبے کو آگے بڑھائینگے اور مغربی کنارے پر خودمختاری کا اعلان کرینگے، بزالل اسموٹریچ
اشاعت کی تاریخ: 14th, August 2025 GMT
یہ بیان کرتے ہوئے کہ فلسطینی ریاست کے قیام کی حمایت کرنا اسرائیل کیلئے خودکشی کے مترادف ہے، غاصب اسرائیلی رژیم کے یوکرینی نژاد وزیر خزانہ کا کہنا ہے کہ فلسطینی مغربی کنارے میں ہم جتنے بھی اقدامات اٹھاتے ہیں وہ نیتن یاہو اور ہمارے امریکی دوستوں کے ساتھ مکمل ہم آہنگی کیساتھ انجام پاتے ہیں! اسلام ٹائمز۔ غاصب صیہونی رژیم کے یوکرینی نژاد وزیر خزانہ بیزالل اسموٹریچ نے اعلان کیا کہ 20 سال کی تاخیر و عالمی دباؤ کے بعد، آج ہم اعلان کرتے ہیں کہ E1 صہیونی بستی معالیہ ادومیم (Ma'ale Adumim) کو توسیع دینے اور اسے بیت المقدس کے ساتھ منسلک کرنے کا منصوبہ شروع کر دیا جائے گا۔ انتہاء پسند صیہونی وزیر خزانہ نے کہا کہ ہم ہزاروں دونم زمین ضبط کریں گے اور 10 لاکھ یہودی آبادکاروں کو مغربی کنارے میں لانے کے لئے اربوں کی سرمایہ کاری کریں گے۔ یہ بیان کرتے ہوئے کہ فلسطینی ریاست کے قیام کی حمایت کرنا اسرائیل کیلئے خودکشی کے مترادف ہے، غاصب اسرائیلی وزیر خزانہ نے کہا کہ ہم فلسطینی ریاست کو تسلیم کرنے پر مبنی کسی بھی اقدام کا حقیقی طور پر جواب دیں گے.
بزالل اسموٹریچ نے کہا کہ اب وقت آگیا ہے کہ اسرائیلی وزیراعظم بنجمن نیتن یاہو پورے مغربی کنارے پر اسرائیلی خودمختاری کے اطلاق کا اعلان کر دے جبکہ ہم معالیہ ادومیم کی صہیونی بستی کو وسعت دینے کے لئے اپنی کوششوں کو دوگنا کرنے جا رہے ہیں.. ہم معالیہ ادومیم کے رقبے کو دوگنا کر کے اسے یروشلم (بیت المقدس) کے ساتھ جوڑ دیں گے۔ انتہاء پسند اسرائیلی وزیر خزانہ نے کہا کہ ہم مغربی کنارے پر اسرائیلی خودمختاری کے اطلاق کی تاریخ کا اعلان کرنے کے قریب ہیں، اور ہم یہ کام حقیقی دنیا میں کریں گے.. ہم مغربی کنارے میں جو کچھ کر رہے ہیں وہ امریکی صدر ڈونلڈ ٹرمپ کے ساتھ مکمل ہم آہنگی کے ساتھ انجام پا رہا ہے۔
ذریعہ: Islam Times
کلیدی لفظ: فلسطینی ریاست نے کہا کہ اعلان کر کے ساتھ
پڑھیں:
امن منصوبے کے نام پر 2 ریاستی فارمولے کو مسترد کرتے ہیں، وزیراعلیٰ خیبرپختونخوا
وزیراعلٰی خیبر پختونخوا علی امین گنڈاپور نے ٹرمپ کے امن منصوبے کو دو ریاستی فارمولا قرار دیتے ہوئے اسے مسترد کردیا۔
ایکسپریس نیوز کے مطابق وزیراعلٰی خیبرپختونخوا نے اپنے ایک بیان میں کہا کہ بحیثیت مسلمان و پاکستانی ہم اسرائیل کو تسلیم نہیں کرتے، ہم صرف ایک ہی ریاست فلسطین کو مانتے ہیں۔
وزیراعلٰی خیبر پختونخوا نے کہا کہ فلسطینی عوام کے ساتھ کھڑے ہیں، فلسطین کے معاملے پر ہمارا موقف واضح ہے، اسرائیل کو کسی طور تسلیم نہیں کریں گے، صرف ایک ریاست فلسطین کو مانتے ہیں۔
انہوں نے کہا کہ امن منصوبے کے نام پر دو ریاستی فارمولا مسترد کرتے ہیں، فلسطینی عوام کے ساتھ کھڑے ہیں اور یہ ہمارے ایمان کا حصہ ہے۔
وزیراعلیٰ نے کہا کہ فلسطین کا ساتھ دینا ہر مسلمان پر فرض ہے، فلسطینی عوام کی ہر حد تک مدد کریں گے، اسرائیل کو تسلیم کرنے کے حوالے سے کسی کا مسلط فیصلہ ہرگز قبول نہیں، فلسطینی عوام کے ساتھ ہیں اور ہمیشہ رہیں گے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ