اس بار 14 اگست کا دن شہداء کے نام ہے: مریم نواز
اشاعت کی تاریخ: 14th, August 2025 GMT
مریم نواز—تصویر بشکریہ سوشل میڈیا
لاہور میں جشن آزادی کے موقع پر پرچم کشائی کی مرکزی تقریب کا انعقاد کیا گیا۔
وزیرِ اعلیٰ پنجاب مریم نواز نے بطور مہمانِ خصوصی تقریب میں شرکت کی، اس موقع پر صوبائی و ضلعی اعلیٰ حکام بھی بڑی تعداد میں تقریب میں شریک ہوئے۔
تقریب میں طلباء کی جانب سے ملی نغموں کی گونج میں وطن سے محبت کا اظہار کیا گیا۔
تقریب سے خطاب کرتے ہوئے وزیرِ اعلیٰ پنجاب مریم نواز نے کہا کہ ہر سال اسی جوش و جذبے سے جشن آزادی مناتے ہیں، اس بار 14 اگست کا جوش و جذبہ ہی کچھ اور ہے، آج کا دن خصوصی طور پر شہداء کے نام ہے، پاکستان کے ان بیٹوں کے نام جنہوں نے اپنی جانوں سے ملک کی سرحدوں کی حفاظت کی۔
انہوں نے کہا کہ آج کا دن ان ماؤں کے نام ہے جنہوں نے اپنی دعاؤں کے ساتھ اپنے بیٹوں کو سرحد کی حفاظت کے لیے بھیجا، آج کا دن ان بیواؤں کے نام ہے جنہوں نے اپنے سہاگ اپنے ملک کے لیے قربان کیے، آج کا دن ان بچوں کے نام ہے جنہوں نے اپنے باپ، اپنی چھاؤں کو اپنے وطن پر قربان کر دیا۔
وزیرِ اعلیٰ پنجاب نے کہا کہ آج کا دن افواجِ پاکستان کے نام ہے، جنہوں نے سینہ تان کر وطنِ عزیز کی حفاظت کی، افواجِ پاکستان کے تمام افسران، لیڈر شپ کو اور سپاہیوں کو دل کی گہرائیوں سے سلام پیش کرتی ہوں، آج کے دن پاکستان کی سیاسی لیڈر شپ کے نام ہے، نواز شریف کےنام ہے، جنہوں نے ملک کو ایٹمی طاقت بنایا۔
وزیرِ اعلیٰ پنجاب مریم نواز نے کہا کہ آج کا دن پاکستان کی ماؤں، بہنوں، بزرگوں، بیٹوں اور بیٹیوں کے نام ہے جنہوں نے ایک ہو کر افواجِ پاکستان کے شانہ بشانہ کھڑے ہو کر جنگ لڑی، فیلڈ مارشل عاصم منیر کا بھی شکریہ ادا کرتی ہوں اور انہیں خراجِ تحسین پیش کرتی ہوں، فیلڈ مارشل کی لیڈر شپ میں پاکستان ایسی کامیابی سے ہم کنار ہوا کہ دنیا دیکھتی رہ گئی۔
انہوں نے کہا کہ ایئر چیف کو بھی پاکستانی قوم سلام پیش کرتی ہے، شاہینوں اور سپاہیوں نے ایک جان ہو کر سیسہ پلائی دیوار قائم کی اور تاریخی فتح دلوائی، دنیا جان گئی ہے کہ بنیان مرصوص کا مطلب کیا ہوتا ہے، سیسہ پلائی دیوار کا مطلب کیا ہوتا ہے، یہی جنگ پاکستانی قوم تقسیم ہو کر لڑتی تو قسم سے یہ جنگ ہم کبھی بھی نہ جیتتے۔
مریم نواز نے کہا کہ دنیا ابھی تک سوچ رہی ہے کہ یہ کیا ہو گیا کہ پاکستان نے رافیل طیارے مار گرائے، اب غربت، جہالت کے خلاف جنگ ہو گی، فتنے فساد کے خلاف جنگ ہو گی اور ہم ضرور جیتیں گے، پاکستان کو معاشی طور پر بھی مضبوط بنائیں گے، ملک کو غربت سے نکالنے کے لیے میں کوئی کسر نہیں چھوڑوں گی۔
انہوں نے کہا کہ عزم کریں، ہم اپنے وطن کو عظیم سے عظیم تر بنانے میں کوئی کسر نہیں چھوڑیں گے، نوجوانوں، مزدوروں، کسانوں، اساتذہ، طلبہ، سیاست دان سیاسی اختلافات ایک طرف رکھ کرخدمت کریں، ملک کی خدمت ہر کسی کے نصیب میں نہیں ہوتی، عہدے تو بہت لوگوں کو ملتے ہیں، اگر نیت اچھی نہیں تو آپ بد نام ہو جاتے ہیں۔
وزیرِ اعلیٰ پنجاب نے کہا کہ غلطیاں انسان سے ہوتی ہیں، 2018ء میں ملک کی تنزلی شروع ہوئی تھی، یہ مٹی زرخیز ہے، تھوڑا سا پانی اور محنت مانگتی ہے، ہم نے اپنے سے چار سے پانچ گنا بڑے دشمن کو دھول چٹا دی۔
مریم نواز نے کہا کہ کمشنرز اور ڈپٹی کمشنرز نے جذبے اور عقیدت سے 14 اگست کی تقریبات منعقد کی اور سجایا ہے ان کو شاباش دیتی ہوں، اللّٰہ تعالیٰ پاکستان کو سلامت رکھے۔
دوسری جانب لاہور میں جشنِ آزادی کی دیگر تقریبات میں خواتین اور بچوں نے بڑی تعداد میں شرکت کی، شہرِ لاہور کی فضائیں قومی پرچموں اور چراغاں سے جگمگا اٹھیں، آزادی کے نغمے اور پاکستان زندہ باد کے نعروں سے شہر گونج اٹھا، جشن آزادی کے موقع پر لاہور کے عوام کا جوش و جذبہ قابلِ دید تھا۔
.ذریعہ: Jang News
کلیدی لفظ: ں کے نام ہے جنہوں نے مریم نواز نے کہا کہ پاکستان کے آج کا دن
پڑھیں:
صدر مملکت نے اردون کے شاہ عبداللہ کو اعلیٰ ترین سول ایوارڈ سے نواز دیا
صدر مملکت آصف علی زرداری نے اردب کے شاہ عبداللہ کو اعلیٰ ترین سول ایوارڈ سے نواز دیا۔
ایکسپریس نیوز کے مطابق صدر مملکت آصف علی زرداری اور شاہ عبدالّلہ دوم کی ملاقات ہوئی جس میں صدر نے اردن کے شاہ دوم کو اعلیٰ ترین سول ایوارڈ نشان پاکستان سے نوازا۔
شاہِ اردن نے صدر آصف علی زرداری کو ’’وسامُ النّہضہ المرصّع‘‘ (آرڈر آف دی رینیسانس) سے نوازا، جو سربراہانِ مملکت اور معزز شخصیات کو دیا جاتا ہے۔
تقریب میں اعلیٰ سول و عسکری حکام بشمول وزیر اعظم محمد شہباز شریف، فیلڈ مارشل سید عاصم منیر، ائیر چیف مارشل ظہیر احمد بابر سدھو اور ایڈمرل نوید اشرف اور وفاقی کابینہ کے ارکان سمیت سفرا بھی موجود تھے۔
قبل ازیں صدرِ مملکت آصف علی زرداری کی شاہ عبدالّلہ دوم سے ایوانِ صدر میں ملاقات ہوائی، جس میں خاتونِ اوّل بی بی آصفہ بھٹو زرداری، چیئرمین پی پی پی بلاول بھٹو زرداری اور سینیٹر شیری رحمان شریک ہوئیں۔
ڈپٹی وزیراعظم اور وزیرِ خارجہ سینیٹر محمد اسحاق دار، وفاقی وزیر برائے ماحولیاتی تبدیلی و ماحولیاتی رابطہ سینیٹر مصدق ملک، سیکرٹری وزارتِ خارجہ اور پاکستان اور اردن کے سفیران بھی اجلاس میں موجود تھے۔
صدر آصف علی زرداری نے پاکستان اور اردن کے دیرینہ، برادرانہ تعلقات کو مزید مضبوط بنانے کے عزم کا اعادہ کیا جبکہ دونوں رہنماؤں نے دو طرفہ تعاون کو نئے شعبوں تک توسیع دینے پر اتفاق کیا۔
صدر نے اردن کے ساتھ قریبی تعاون کے عزم کا اعادہ کیا جبکہ دونوں رہنماؤں نے مشرقِ وسطیٰ کی صورتِ حال پر تبادلہ خیال، خطے میں امن و استحکام کی مشترکہ حمایت کا اعادہ کیا۔
صدر مملکت اور شاہ عبدالّلہ دوم نے دو ریاستی حل کے تحت آزاد، خودمختار اور قابلِ عمل فلسطینی ریاست کے قیام پر زور دیا۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟