جمہوریت، دفاع اور خودمختاری پر کبھی سمجھوتا نہیں کریں گے، بلاول کا جشنِ آزادی پر پیغام
اشاعت کی تاریخ: 14th, August 2025 GMT
چیئرمین پیپلز پارٹی بلاول بھٹو زرداری نے کہا ہے کہ ہم جمہوریت، دفاع اور خودمختاری پر کبھی سمجھوتا نہیں کریں گے۔
جشن یوم آزادی کے موقع پر اپنے پیغام میں بلاول بھٹو زرداری نے قوم کو یوم آزادی اور معرکہ حق کی مبارک باد دیتے ہوئے بے روزگاری، مہنگائی، غربت اور امتیاز کے خاتمے کی جدوجہد کو مزید تیز کرنے کا اعادہ کیا۔ انہوں نے کہا کہ جمہوری استحکام، 1973ء کے آئین اور پاکستان کے ناقابلِ تسخیر دفاع و خودمختاری پر کبھی سمجھوتا نہیں کریں گے۔
بلاول بھٹو زرداری کا کہنا تھا کہ آج کا دن ہمارے عوام کی ثابت قدمی، اتحاد اور ناقابلِ تسخیر جذبے کی یاد دہانی کراتا ہے۔ قائداعظم کی زیرِ قیادت ہمارے آباؤ اجداد نے وہ کارنامہ سرانجام دیا جو بہت سے لوگوں کو ناممکن لگتا تھا۔ 14 اگست 1947ء سے قبل بہت لوگوں کو ایک آزاد اور خودمختار پاکستان کا قیام ناممکن لگتا تھا۔ بانی پاکستان کا خواب تھا کہ ہر شہری کو مذہب، ذات، جنس یا عقیدے سے بالاتر ہو کر عزت، مساوات اور انصاف سے زندگی گزارنے کا حق حاصل ہو۔
انہوں نے کہا کہ پیپلز پارٹی ہمیشہ پاکستان کے بانیان کے اُس وژن کی محافظ رہی ہے۔ پیپلز پارٹی جمہوریت کے تحفظ اور آئین کے دفاع کے لیے جدوجہد کرتی آئی ہے۔ پیپلز پارٹی ارض وطن کو ایک ایسا ملک بنانے کے لیے سرگرم عمل جہاں مواقع چند افراد کا استحقاق نہیں بلکہ سب کا حق ہوں۔
انہوں نے مزید کہا کہ قائدِ عوام بھٹو شہید اور شہید بینظیر بھٹو نے اپنی زندگیاں ملک و قوم کے لیے وقف کردیں۔ قائدِ عوام اور بی بی شہید کی زندگیاں جمہوریت، پاکستان کی خودمختاری کے تحفظ اور عوام کی فلاح و بہبود کے لیے وقف تھیں۔ شہید ذوالفقار علی بھٹو اور شہید بینظیر بھٹو کی قربانیاں آج بھی مشعلِ راہ ہیں، جو ہمیں ایک روشن اور منصفانہ مستقبل کی طرف رہنمائی کرتی ہیں۔
بلاول بھٹو کا کہنا تھا کہ آج یومِ آزادی کے موقع پر میں ہر پاکستانی، خصوصاً اپنی نوجوان نسل سے ایک اپیل کرتا ہوں کہ آپ تقسیم سے بالاتر ہوکر نفرت اور عدم برداشت کو مسترد کریں، آپ ایک پُرامن، خوشحال اور ترقی پسند پاکستان کی تعمیر کے لیے مل کر کام کریں۔ آئیں عہد کریں کہ ہم اپنی جمہوریت کا تحفظ کریں گے اور اپنے عوام کو بااختیار بنائیں گے۔
چیئرمین پی پی کا کہنا تھا کہ آئیے عہد کریں کہ ہم یہ یقینی بنائیں گے کہ کوئی بچہ بھوکا نہ سوئے، کوئی گھر تاریکی میں نہ رہے اور کسی آواز کو دبایا نہ جائے۔ آزادی کوئی ایسا تحفہ نہیں جو محض تاریخ میں محفوظ ہو، بلکہ یہ ایک ذمے داری ہے جس سے ہر روز تجدید کرنا ضروری ہے۔ آئیں اپنے ماضی کو اس طرح خراجِ تحسین پیش کریں کہ ہم اپنا ایک روشن مستقبل تعمیر کریں۔ایک ایسا متقبل جو ہمارے اُن اجداد کی قربانیوں کے شایانِ شان ہو جنہوں نے ہمیں یہ وطن عطا کیا۔
بلاول بھٹو نے کہا کہ دعاگو ہوں کہ پاکستان ہمیشہ مضبوط قومی اتحاد و ہم آہنگی سے مالامال اقوامِ عالم میں سربلند رہے۔
.ذریعہ: Express News
کلیدی لفظ: پیپلز پارٹی بلاول بھٹو کریں گے نے کہا کہا کہ تھا کہ کے لیے
پڑھیں:
بلاول بھٹو سے عالمی پارلیمانی و کاروباری شخصیات کے وفد کی ملاقات
اسلام آباد(نیوزڈیسک)چیئرمین پیپلزپارٹی بلاول بھٹو زرداری سے عالمی پارلیمانی اور کاروباری شخصیات کے وفد نے ملاقات کی جس دوران علاقائی و عالمی امن، معاشی راہداریوں اور پاکستان کے جغرافیائی کردار پر تبادلہ خیال کیا گیا۔ دوسری طرف چیئرمین بلاول بھٹو زرداری سےگورنرپنجاب سردارسلیم حیدر نے بھی ملاقات کی۔
بلاول بھٹو سے ملاقات کرنے والے عالمی وفد میں برطانیہ، ناروے اور آسٹریا کے پارلیمنٹرینز سمیت دیگر افراد شامل تھے۔ اسلام آباد میں ہونے والی ملاقات میں متعلقہ ممالک و اداروں میں باہمی تعاون کے مختلف پہلوؤں پر تبادلہ خیال کیا گیا۔ چیئرمین پیپلزپارٹی نے کہا کہ پاکستان دنیا کے لئے ایک قابل اعتماد دوست ملک ہے۔ پاکستان انفراسٹرکچر،توانائی، زراعت، ٹیکنالوجی ،آئی ٹی کے شعبوں میں عالمی سرمایہ کاروں کیساتھ اشتراک چاہتا ہے۔ ڈیجیٹل سیکیورٹی کے میدان میں عالمی سطح پر تعاون انتہائی ضروری ہے۔
بلاول بھٹو نے افغانستان، وسطی ایشیا اور خلیجی منڈیوں کیساتھ روابط کو وسعت دینے کی وفد کی تجاویز سے اتفاق کیا۔ دوسری طرف چیئرمین پیپلزپارٹی بلاول بھٹو زرداری سےگورنرپنجاب سردارسلیم حیدر بھی ملے۔ ملاقات میں صوبےکی سیاسی صورت حال پر بات چیت ہوئی۔ ترجمان پیپلزپارٹی کے مطابق بلاول بھٹو زرداری سے گلگت بلتستان کےگورنرسید مہدی شاہ کی ملاقات بھی ہوئی۔ گلت بلتستان خطےکی سماجی،انتظامی اورسیاسی صورتحال پر بات چیت کی گئی۔
راولپنڈی؛ شادی شدہ خاتون سے زیادتی کرنے والا شخص گرفتار