خیبرپختونخواکے عوام کو تنہا نہیں چھوڑیں گے، بیرسٹر گوہر
اشاعت کی تاریخ: 15th, August 2025 GMT
چیئرمین پیپلزپارٹی بیرسٹر گوہر نے کہاہے کہ کے پی کی عوام کو تنہا نہیں چھوڑیں گے، نقصانات کا ازالہ کریں گے۔
نجی ٹی وی سے گفتگو کرتے ہوئے بیرسٹر گوہر نے کہا کہ علی امین گنڈاپور سے بات ہوئی ،تمام وسائل بروئے کار لائے گئے ہیں، زخمیوں کا بھرپور خیال رکھا جائے گا، ہسپتالوں میں تمام ریسورس استعمال کریں گے۔
انہوں نے کہا کہ جانی نقصان کے ساتھ ساتھ انفرا اسٹرکچر کو بری طرح نقصان پہنچا ، وفاقی حکومت اور این ڈی ایم اے سے درخواست ہے کہ رابطے میں رہے۔
بیرسٹڑ گوہر نے کہا کہ اسوقت ہماری پوری توجہ لاپتا افراد کی تلاش اور انہیں بچانا ہے، لوگوں کو ریسکیو کرنا اور فرسٹ ایڈ کرنا پہلی ترجیح ہے۔
بیرسٹرگوہر نے کہا خیبرپختونخوا حکومت اپنے وسائل کے مطابق کام کررہی ہے، ریسکیو ہیلی کاپٹر کریش ہوا جس پر بہت دکھ ہے، بونیر کی عوام کا جذبہ قابل ستائش ہے۔
انہوں نے کہا جس چیز کی بھی ضرورت ہے لوگ بھرپور مدد کررہے ہیں، اس وقت سیاست نہیں ہورہی سب ملکر بھائیوں کی مدد کررہے ہیں، جماعت اسلامی، عوامی نیشنل پارٹی سمیت تمام جماعتیں مدد کررہی ہیں۔
ذریعہ
ذریعہ: Daily Mumtaz
کلیدی لفظ: گوہر نے کہا
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی