بھارت کا اسرائیل کے آئرن ڈوم سے بھی زیادہ طاقتور دفاعی نظام کا دعویٰ
اشاعت کی تاریخ: 15th, August 2025 GMT
بھارت نے اسرائیل کے آئرن ڈوم سے بھی زیادہ طاقتور دفاعی نظام کا دعویٰ کیا ہے۔
جمعے کے روز بھارتی وزیراعظم نریندر مودی نے’مشن سدرشن چکر‘ کے نام سے نئے دفاعی نظام کا اعلان کیا، جس کا مقصد ملکی سطح پر تیار کردہ ایک جدید فضائی دفاعی نظام بنانا ہے جو بھارت کے اسٹریٹجک، شہری اور قومی اہمیت کے حامل مقامات کو دشمن کے ممکنہ حملوں سے محفوظ رکھ سکے۔
نریندر مودی کا کہنا ہے کہ اس منصوبے کے تحت نہ صرف حملوں کو ناکام بنایا جائے گا بلکہ فوری جوابی کارروائی کی صلاحیت بھی شامل ہوگی۔
یہ بھی پڑھیں: امریکا بھارت کشیدگی: نریندر مودی کا 7 برس بعد چین کا دورہ کرنے کا فیصلہ
مودی کے مطابق سدرشن چکر میں جدید نگرانی، انٹرسپشن اور جوابی وار کی خصوصیات ہوں گی، جو فضا، زمین اور سمندر سے آنے والے خطرات کو تیزی سے ختم کرنے کے قابل ہوں گی۔
اس وقت بھارت روس کا تیار کردہ ایس-400 ایئر ڈیفنس سسٹم استعمال کر رہا ہے، جسے مؤثر قرار دیا جاتا ہے، تاہم نریندر مودی کا کہنا ہے کہ سدرشن چکر اس سے کہیں زیادہ وسیع تحفظ فراہم کرے گا، فوجی اڈوں، شہری آبادیوں، اہم سرکاری عمارتوں اور دیگر حساس تنصیبات کو ڈھال فراہم کرے گا۔ یہ نظام نہ صرف دشمن میزائل یا راکٹ کو فضا میں تباہ کرے گا بلکہ ہدف پر درست اور فیصلہ کن جوابی حملہ بھی کرے گا۔
مودی نے کہا کہ یہ نظام 2035 تک مکمل طور پر فعال ہو جائے گا اور اس کی تیاری، تحقیق اور پیداوار مکمل طور پر بھارت میں ہوگی، جس میں نوجوانوں کو خصوصی کردار دیا جائے گا۔ انہوں نے اس کا موازنہ ہندو دیوتا کرشن کے روایتی ’سدرشن چکر‘ سے کیا۔
یہ بھی پڑھیں: آپریشن سندور : مودی سرکار کا جانی نقصان سے انکار، بھارتی فضائیہ کی تصدیق
بھارتی حکام کا دعویٰ ہے کہ سدرشن چکر اسرائیل کے آئرن ڈوم سے بھی زیادہ طاقتور ثابت ہوسکتا ہے۔ آئرن ڈوم نے 2010 کی دہائی میں تعیناتی کے بعد ہزاروں راکٹ اور میزائل حملے ناکام بنائے ہیں، جن میں فلسطین میں حماس اور لبنان میں حزب اللہ کے حملے بھی شامل ہیں۔ اسرائیل کا کہنا ہے کہ اس کا کامیابی کا تناسب 90 فیصد سے زائد ہے۔
بھارتی وزیراعظم نے عزم ظاہر کیا ہے کہ مستقبل کی ٹیکنالوجی پر مبنی جنگی خطرات کے مقابلے کے لیے بھارت کو مکمل تیاری کے ساتھ قومی دفاعی ڈھال فراہم کی جائے گی تاکہ ہر شہری محفوظ رہ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئرن ڈوم اسرائیل بھارت دفاعی نظام مشن سدرشن چکر نریندر مودی.
ذریعہ
ذریعہ: WE News
کلیدی لفظ: ا ئرن ڈوم اسرائیل بھارت دفاعی نظام مشن سدرشن چکر دفاعی نظام سدرشن چکر کرے گا
پڑھیں:
جعلی ادویات بیچنا اب آسان نہیں! پاکستان میں پہلی بار جدید ٹریکنگ سسٹم کا نفاذ
ملک میں جعلی اور غیر معیاری ادویات کے خاتمے کی جانب ایک اہم پیش رفت سامنے آئی ہے جہاں وفاقی کابینہ نے ملک بھر میں ادویات کے لیے جدید ٹریک اینڈ ٹریس نظام نافذ کرنے کی منظوری دے دی ہے۔ اس اقدام کا مقصد عوام کو جعلی دواؤں سے محفوظ بنانا اور دوا سازی کے شعبے میں شفافیت اور نگرانی کو مزید موثر بنانا ہے۔منگل کے روز وزیر صحت مصطفیٰ کمال نے اس فیصلے کا اعلان کرتے ہوئے بتایا کہ نئے نظام کے نفاذ کے لیے ڈرگ لیبلنگ اور پیکنگ رولز میں ضروری ترامیم کی بھی منظوری دے دی گئی ہے۔ ان تبدیلیوں کے بعد ایک جدید ڈیجیٹل نظام متعارف کرایا جائے گا.جس کے ذریعے ادویات کی تیاری سے لے کر صارف تک پہنچنے کے پورے عمل کی نگرانی اور تصدیق ممکن ہو سکے گی۔وزیر صحت کے مطابق یہ فیصلہ پاکستان سے جعلی، نقلی اور ناقص معیار کی ادویات کے خاتمے کی جانب ایک تاریخی قدم ہے۔ ان کا کہنا تھا کہ پہلی مرتبہ ملک میں دستیاب ہر دوا کو ڈیجیٹل طریقے سے ٹریک اور تصدیق کیا جا سکے گا.جس سے ادویات کے نظام میں شفافیت، تحفظ اور جوابدہی میں نمایاں بہتری آئے گی۔نئے ضوابط کے تحت تمام دوا ساز کمپنیوں اور درآمد کنندگان کو اپنی مصنوعات کی پیکنگ پر معیاری ٹو ڈی (2D) بارکوڈز اور سیریلائزیشن ڈیٹا درج کرنا ہوگا۔ اس نظام کے ذریعے متعلقہ ادارے ادویات کی نقل و حرکت پر پیداواری مرحلے سے لے کر صارف تک مسلسل نظر رکھ سکیں گے، جبکہ جعلی مصنوعات کی نشاندہی اور ان کے خاتمے میں بھی مدد ملے گی۔مصطفیٰ کمال نے کہا کہ نظام مکمل طور پر فعال ہونے کے بعد عوام کسی بھی دوا کی میعاد ختم ہونے کی تاریخ، قیمت اور تصدیقی حیثیت سمیت دیگر اہم معلومات تک آسانی سے رسائی حاصل کر سکیں گے۔ اس سے مریضوں کو بہتر اور باخبر فیصلے کرنے میں مدد ملے گی اور دواسازی کے شعبے پر عوامی اعتماد میں اضافہ ہوگا۔اس منصوبے پر عمل درآمد کی نگرانی ڈرگ ریگولیٹری اتھارٹی آف پاکستان (DRAP) کرے گی جو دوا ساز صنعت کے لیے تفصیلی تکنیکی رہنما اصول بھی جاری کرے گی تاکہ نئے نظام سے مطابقت پیدا کرنے میں آسانی ہو۔ اعلامیے کے مطابق اس سلسلے میں متعلقہ فریقوں کے ساتھ مشاورتی اجلاس پہلے ہی منعقد کیے جا چکے ہیں تاکہ منتقلی کا عمل بغیر کسی رکاوٹ کے مکمل ہو سکے۔وزیر صحت نے اس بات پر زور دیا کہ جدید ڈیجیٹل نظام روایتی نگرانی کے طریقوں کی جگہ لے کر ادویات کی فراہمی کے پورے نظام کو زیادہ محفوظ اور معیاری بنائے گا۔ ان کے بقول جدید ٹیکنالوجی کا استعمال پاکستان کو خطے کے ان ممالک کی صف میں شامل کرے گا جہاں ادویات کی نگرانی اور ریگولیشن کے جدید ترین نظام رائج ہیں۔انہوں نے مزید کہا کہ ٹریک اینڈ ٹریس نظام جعلی ادویات کے خلاف ایک مضبوط حفاظتی دیوار ثابت ہوگا اور عوامی صحت، انسانی جانوں اور دواسازی کے نظام پر اعتماد کے تحفظ میں کلیدی کردار ادا کرے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ