واشنگٹن میں بھارتی سفارتخانے کے باہر سکھوں کا احتجاج، 17 اگست کو ’خالصتان ریفرنڈم‘ کا اعلان
اشاعت کی تاریخ: 16th, August 2025 GMT
بھارت کے یومِ آزادی کے موقع پر امریکی دارالحکومت واشنگٹن ڈی سی میں بھارتی سفارتخانے کے باہر بڑی تعداد میں سکھ مظاہرین جمع ہوئے اور عمارت کو گھیر لیا۔
یہ بھی پڑھیں:کینیڈا کے گرودوارے میں ’جمہوریہ خالصتان‘ کا بورڈ نصب، انڈیا میں ہلچل مچ گئی
یہ احتجاج خالصتان تحریک کے حامیوں کی جانب سے منظم کیا گیا، جس نے بین الاقوامی ذرائع ابلاغ کی توجہ اپنی جانب مبذول کرالی۔
کشمیر میڈیا سروس کے مطابق مظاہرین نے خالصتان کے جھنڈے لہرائے، نعرے بازی کی اور بھارت مخالف شعار بلند کیے جن میں ’ڈاؤن وِد انڈیا‘ اور ’مودی قاتل ہے‘ شامل تھے۔
اس دوران مظاہرین نے بھارتی پرچم پھاڑ کر اس کے ٹکڑے سفارتخانے کے احاطے میں پھینک دیے۔
یہ بھی پڑھیں:خالصتان تحریک کے رہنما ڈاکٹر امرجیت سنگھ کی کتاب نے بھارت میں ہلچل مچادی
واقعے کے بعد سفارتخانے کے عملے نے پولیس کو طلب کیا، جو کئی گھنٹوں تک موقع پر موجود رہی۔
خالصتان کونسل کے صدر ڈاکٹر بخشیش سنگھ سندھو نے شرکاء سے خطاب کرتے ہوئے اعلان کیا کہ ’خالصتان ریفرنڈم‘ 17 اگست کو واشنگٹن میں ہوگا، جس میں ہزاروں سکھوں کی شرکت متوقع ہے۔
تجزیہ کاروں کے مطابق یہ احتجاج خالصتان تحریک کے بڑھتے ہوئے عالمی اثر و رسوخ کی عکاسی کرتا ہے اور نئی دہلی کے لیے ایک سفارتی چیلنج بن سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا خالصتان خالصتان کونسل ڈاکٹر بخشیش سنگھ سندھو مودی قاتل واشنگٹن.ذریعہ: WE News
کلیدی لفظ: امریکا خالصتان خالصتان کونسل ڈاکٹر بخشیش سنگھ سندھو مودی قاتل واشنگٹن
پڑھیں:
جماعت اسلامی بلوچستان کے تحت اسرائیل کیخلاف احتجاج
data-id="863a0a8" data-element_type="widget" data-widget_type="theme-post-content.default">
کوئٹہ(نمائندہ جسارت)کوئٹہ میں جماعت اسلامی بلوچستان کی جانب سے اسرائیلی جارحیت ،صمود فلوٹیلا کے شرکا کی گرفتاری کے خلاف احتجاجی مظاہرہ کیا گیا۔ مظاہرین نے فلسطین کے حق میں اور اسرائیل کے خلاف نعرے لگائیں۔کوئٹہ میں جماعت اسلامی بلوچستان کے زیر اہتمام اسرائیلی جارحیت کے خلاف احتجاجی مظاہرہ ہوا۔ مظاہرے میں جماعت اسلامی کے رہنماؤں کے ساتھ بچوں نے بھی شرکت کی اور اسرائیل کے خلاف نعرے لگائے۔ مظاہرین نے کہا کہ ملک میں بے امنی کے واقعات میں بیرونی قوتیں ملوث ہیں اور اب وقت آگیا ہے کہ اسرائیل کے خلاف جہاد کا اعلان کیا جائے۔ ان کا کہنا تھا کہ فلسطین سے اظہار یکجہتی کے لیے جماعت اسلامی کے سینیٹر فلسطین گئے تھے جنہیں اسرائیلیوں نے گرفتار کر لیا۔ مظاہرین نے مؤقف اپنایا کہ جماعت اسلامی فلسطینیوں کے ساتھ کھڑی ہے اور ہم فلسطین کے مسلمانوں کی آواز بنیں گے۔ ان کا کہنا تھا کہ اسرائیل فلسطینیوں کا نام مٹانا چاہتا ہے اور فلسطین کے بچوں کو بھوک سے مارا جا رہا ہے۔ مظاہرین نے کہا کہ فلسطین اور کشمیر سے ہمارا تعلق کلمے کی بنیاد پر ہے جبکہ اسرائیلی جارحیت کے خلاف پاکستان کی خاموشی ہماری سمجھ سے باہر ہے۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل