تربیلا ڈیم میں پانی کی صورت حال سنگین ہو گئی ، پانی کی آمد چار لاکھ کیوسک سے تجاوز کر گئی
اشاعت کی تاریخ: 16th, August 2025 GMT
ہری پور (اُردو پوائنٹ اخبارتازہ ترین - اے پی پی۔ 16 اگست2025ء) حالیہ طوفانی بارشوں کے باعث تربیلا ڈیم میں پانی کی صورت حال سنگین ہو گئی ہے۔ تربیلا ڈیم میں چار لاکھ کیوسک سے زیادہ سیلابی پانی داخل ہونے کے بعد گزشتہ روز سپل وے سے پانی کے اخراج میں مزید اضافہ کر دیا گیا ہے جس کی وجہ کافر ڈیم ٹوٹ جانے سے زیر تعمیر ٹی 5 پاور ہاؤس کے سائیٹ ایریا میں پانی داخل ہونے سے مشینری و کنٹینرز پانی میں ڈوب گئے ، جس کی وجہ سے منصوبہ پر جاری کام عارضی طور پر بند کر دیا گیا ہے ۔
(جاری ہے)
سائیٹ ایریا پر موجود مشینری و ہیوی گاڑیوں کو محفوظ مقام پر منتقل کر دیا گیا ہے ۔ اس حوالے سے تربیلا 5 انتظامیہ سے رابط کیا گیا تو انہوں نے سائیٹ ایریا پر کام بند ہونے کی تصدیق کی اور بتایا پانی کے اخراج میں کمی کے بعد ہی دوبارہ کام شروع کیا جائے گا۔ \378.ذریعہ: UrduPoint
کلیدی لفظ: تلاش کیجئے
پڑھیں:
صاف پانی، واٹر فلٹریشن پلانٹ دیگر ترقیاتی امور کا جائزہ، لاہور کے بعض منصوبے مکمل نہ ہونے پر مریم نواز کا اظہار ناپسندیدگی
لاہور (نیوز رپورٹر) وزیراعلیٰ مریم نوازشریف کی زیر صدارت خصوصی اجلاس میں صاف پانی، واٹر فلٹریشن پلانٹ اور دیگر ترقیاتی امور کا جائزہ لیا گیا۔ مریم نوازشریف کو مثالی گاؤں پراجیکٹ کے بارے میں بریفنگ دی گئی۔ لاہور ڈویلپمنٹ پراجیکٹ اور پنجاب ڈویلپمنٹ پراجیکٹ پر پیشرفت، دور دراز علاقوں کے لئے واٹر پمپ لگانے کی تجویز کا بھی جائزہ لیا گیا۔ وزیراعلیٰ نے واٹر فلٹریشن پلانٹ کے حوالے سے 30جون 2026ء کی ڈیڈ لائن دے دی ہے۔ مریم نواز نے لاہور ڈویلپمنٹ پراجیکٹ میں سٹریٹس کی تعمیر و مرمت جلد مکمل کرنے پر زور دیا اور بعض پراجیکٹ کی تکمیل بروقت نہ ہونے پر نا پسندیدگی کا اظہار کیا ہے۔ وزیراعلیٰ نے پنجاب کے ہر شہر میں بیوٹیفکیشن کے 122منصوبوں کا بھی جائزہ لیا۔ لاہور ڈویژن میں 51، راولپنڈی میں 64، فیصل آباد میں 37، ملتان میں بیوٹیفکیشن کے 75منصوبے مکمل کئے جائیں گے۔ سرگودھا45، گوجرانوالہ 64، ڈی جی خان 51، بہاولپور 61، گجرات 53 اور ساہیوال میں 49منصوبے مکمل کئے جائیں گے۔ مریم نواز نے بیوٹیفکیشن کے تمام منصوبوں کی بروقت تکمیل یقینی بنانے کی ہدایت کی۔ وزیراعلیٰ مریم نواز شریف نے کہا کہ پینے کے پانی کی عدم دستیابی کی عوامی شکایات کا ازالہ کیا جائے گا۔ واٹر فلٹریشن پلانٹ کی تعمیر و مرمت اور بحالی کے لئے باقاعدہ سسٹم وضع کیا جائے۔ ترقیاتی منصوبوں کی ٹائم لائن اور تعمیراتی معیار کو مد نظر رکھنابے حد ضروری ہے۔ علاوہ ازیں مریم نواز جاپان کے 5 روزہ سرکاری دورہ پر جاپان کے لئے روانہ ہوگئیں۔ مریم نواز سرکاری طور پر جاپان کا دورہ کرنے والی پہلی خاتون وزیراعلیٰ ہیں۔ وہ ٹوکیو، اوساکا اور یاکوہوما کے دورے کریں گی۔ اوساکا میں ورلڈ ایکسپو میں شرکت، جاپان کے اعلی حکام سے ملاقاتیں بھی کریں گی۔ دورہ میں مختلف جاپانی اداروں کے وزٹ بھی شامل ہیں۔ ادھر مریم نواز نے گلگت بلتستان، بونیر اور دیگر علاقوں میں کلاؤڈ برسٹ اور مختلف واقعات میں قیمتی انسانی جانوں کے ضیاع پر اظہار افسوس کیا ہے۔ مریم نواز نے کہا کہ دکھ کی گھڑی میں اہل پنجاب متاثرین کے ساتھ ہیں۔ دوسری جانب مریم نوازشریف غیرملکی دورے کے پہلے مرحلے میں تھائی دارالحکومت بینکاک کے سوورن بھومی ایئر پورٹ پہنچ گئیں۔ ائیر پورٹ آمد پرتھائی لینڈ میں پاکستانی سفیر رخسانہ افضال اوراعلی حکام نے خیر مقدم کیا۔ تھائی حکومت کے اعلی حکام بھی ایئر پورٹ پر موجود تھے۔ مریم نواز نے چیف منسٹر خیبر پی کے علی امین گنڈا پور کو ٹیلی فون کیا۔ خیبر پی کے میں قیمتی جانوں کے ضیاع پر افسوس اور متاثرہ خاندانوں سے اظہار ہمدردی کیا۔ اعلامیہ کے مطابق وزیراعلیٰ نے ہیلی کاپٹر حادثے میں شہادتوں پر تعزیت بھی کی۔ مریم نواز نے کہا کہ مشکل کی اس گھڑی میں پنجاب حکومت کے تمام وسائل خیبر پی کے حکومت اور عوام کی مدد کیلئے تیار ہیں۔ مریم نواز نے نواز شریف کی طرف سے بھی تعزیت کی۔ وزیراعلیٰ خیبر پی کے علی امین گنڈاپور نے چیف منسٹر پنجاب کا فون کرنے اور تعزیت پر شکریہ ادا کیا۔
کوئٹہ سے ایران ایئر کی پہلی پرواززاہدان کے لئے روانہ