بھارت کے 6 جہاز تباہ کیے جس کی ویڈیوز بھی موجود ہیں، وزیر داخلہ
اشاعت کی تاریخ: 17th, August 2025 GMT
وفاقی وزیر داخلہ محسن نقوی نے کہا ہے کہ ہمارے پس پردہ کام کرنے والے اداروں کے پاس بھارت کی پلاننگ پہلے ہی آجاتی ہے، ہمیں جنگ میں غیبی مدد حاصل تھی اور ہم نے 6 بھارتی جہاز گرائے جس کی ویڈیوز بھی موجود ہیں۔
لاہور میں سیمینار سے خطاب کرتے ہوئے وزیر داخلہ محسن نقوی نے کہا کہ پاک بھارت جنگ میں کافی چیزوں کا عینی شاہد ہوں اور کئی میں شامل بھی رہا ہوں۔
انہوں نے کہا کہ ہمارے وہ ادارے جو پس پردہ رہ کر رہے تھے ان کے پاس انڈیا کی ہر بات ہمارے پاس بہت پہلے آ جاتی تھیں، اگر پختہ ارادہ کرلیں تو پھر اللہ نہ صرف مدد کرتا بلکہ فتح مقدر بن جاتی ہے۔
’پاک بھارت جنگ میں ہمیں غیبی مدد حاصل تھی، انڈیاہمارا ایک بھی جہاز تباہ نہ کر سکا، ان کے 6 جہازوں کی ویڈیوز ہمارے پاس ہیں‘، محسن نقوی نے تفصیلات سے پردہ اٹھا دیا#ExpressNews #BreakingNews #MohsinNaqvi #PakvsIndia #PakIndiaWar #PAF #PakistanAirForce #Rafale #IAF #LatestNews… pic.
محسن نقوی نے کہا کہ جنگ کے دوران ہمیں اللہ تعالیٰ کی طرف سے غیبی مد حاصل تھی، جس کے دو واقعات میں آپ کو سناتا ہوں کہ بھارت نے نور خان ایئربیس پر 7 میزائل فائر کیے مگر اُس حملے میں کوئی نقصان نہیں ہوا کیونکہ وہ کچھ پہلے، ایئربیس سے باہر یا پھر ادھر اُدھر گر گئے جبکہ ہم نے جواب میں بھارت کے 36 اہداف کو نشانہ بنایا تھا۔
انہوں نے کہا کہ ہم نے بھارت کے 6 جہازوں کو نشانہ بنایا جس کی ویڈیوز بھی موجود ہیں۔
انہوں نے کہا کہ سعودی حکومت کا ایک وفد جنگ کے دوران آیا وہ تازہ تازہ انڈیا سے ہو کر آئے تھے۔ محسن نقوی نے کہا کہ بھارتی کی نیوی آرمی فضائیہ کا کوئی ایک پروگرام نہیں تھا اور اس جنگ کے پیچھے مودی نہیں بلکہ امیت شاہ اور اجی دیول تھے۔
وزیرداخلہ نے کہا کہ جنگ کے دوران پاکستان کی سیاسی جماعتیں جنگ میں ایک پیج پر تھیں اور پیپلز پارٹی کے چیئرمین بلاول بھٹو زرداری نے بہترین سفارتکاری کی۔ انہوں نے کہا کہ انڈیا کھلے عام بلوچستان میں دہشت گردی کروا رہا ہے۔
محسن نقوی نے کہا کہ کشمیر کا پیچھا اس وقت تک کرتے رہیں گے جب تک انہیں حق خود ارادیت مل نہیں جاتا۔
وزیرداخلہ نے مزید کہا کہ فیلڈ مارشل اور وزیراعظم کو کریڈٹ جاتا ہے انہوں نے پریشر کو قبول کیا اور بھارت کو بھر پور جواب دیا۔
ذریعہ
ذریعہ: Express News
کلیدی لفظ: محسن نقوی نے کہا کہ انہوں نے کہا کہ کی ویڈیوز جنگ کے
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
پاکستان نے ورلڈ کپ 2028 کیلیے براہ راست کوالیفائی کر لیا