شہباز شریف‘ مریم نواز نے عوام کو مسائل سے نکالا: عطاء تارڑ
اشاعت کی تاریخ: 19th, August 2025 GMT
وزیر آباد (نامہ نگار) مسلم لیگ ن تعمیر وترقی اور خوشحالی کی سیاست پر یقین رکھتی ہے ملک کو معاشی طور پر مضبوط بنانے کے لیے بھر پور اقدامات کر رہی ہے۔ ان خیالات کا اظہار وفاقی وزیر اطلاعات و نشریات عطاء اللّٰہ تارڑ نے این اے 66ضمنی انتخاب کے سلسلے میں جامکے چٹھہ ورکر کنونشن میں خطاب کیا۔ انہوں نے کہا وزیراعظم پاکستان اور وزیراعلیٰ پنجاب نے عوام کو مسائل کی دلدل سے نکال کر اپنی قائدانہ صلاحیت کا لوہا منوایا۔ انہوں نے وعدوں کو عملی جامہ پہنایا‘ ہمارے علاقے کی سیاست ڈرائینگ روم میں ہوتی تھی ہم اس کو گلی محلے میں لے کر آئیں گے ہم اس آپ کے علاقے کو ایک مثالی حلقہ بنائیں گے۔ جس طرح میرا بھائی عدنان افضل چٹھہ عوامی خدمت کی سیاست کر رہا ہے، ہم اس کے ساتھ مل کر علاقے کی ترقی عوامی خدمت میں کوئی بھی کسر نہیں چھوڑیں گے۔ چیئرمین وزیر اعلیٰ پنجاب ٹاسک فورس فار سکلز ڈویلپمنٹ ممبر صوبائی اسمبلی چوہدری عدنان افضل چٹھہ نے کہا کہ میں نے اپنے ایک سال عرصہ میں پی پی 36 میں بیشمار ترقیاتی کام کرائے۔ پی پی 36 بڑی پسماندہ تحصیل تھی بلکہ آج بھی اس کا روڈ انفراسٹرکچر سب سے بڑا ایشو ہے آج الحمدللہ وزیر اعلیٰ کی خصوصی کوشش سے فنڈ مہیا کرنے سے حلقہ پی پی 36 میں بھی ترقی کا سفر جاری و ساری ہے۔ امیدوار قومی اسمبلی چوہدری بلال فاروق تارڑ نے کہا کہ میں اس حلقے کی عوام کو کبھی مایوس نہیں کروں گا۔ ترقی کا نیا دور شروع ہو گا۔ میرے ورکر میرے بھائی ہوں گے۔ اس موقع پر ایم پی اے چوہدری وقار چیمہ، سائرہ افضل تارڑ، سابقہ ایم پی اے بیگم طلعت شوکت منظور، شازیہ فرید، اعجاز احمد پرویا نے بھی خطاب کیا۔
.
ذریعہ
ذریعہ: Nawaiwaqt
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار