گورنر سندھ کی کرسی خطرے میں پڑ گئی، برطرفی کے لیے صدرِ پاکستان سے رجوع
اشاعت کی تاریخ: 19th, August 2025 GMT
گورنر سندھ کی کرسی خطرے میں پڑ گئی ہے، برطرفی کے لیے صدرِ پاکستان سے رجوع کر لیا گیا ہے۔ ایڈووکیٹ ہائیکورٹ اور سابق جج احمد علی گبول نے صدرِ پاکستان آصف علی زرداری اور وزیر اعظم محمد شہباز شریف کو باضابطہ درخواست جمع کرائی ہے، جس میں موجودہ گورنر سندھ محمد کامران خان ٹیسوری کی فوری برطرف کرنے کا مطالبہ کیا گیا ہے۔
یہ بھی پڑھیے گورنر سندھ کامران ٹیسوری کا الیکشن میں ووٹ چوری ہونے کا اعتراف، ویڈیو وائرل
احمد علی گبول کا کہنا ہے کہ گورنر سندھ نے آئینی حلف اور غیر جانب داری کی خلاف ورزی کرتے ہوئے بارہا لسانی بنیادوں پر سیاست کو فروغ دیا اور ایم کیو ایم کی سیاسی قیادت کے ساتھ بیٹھ کر نسلی اور صوبائی تقسیم کو ہوا دی۔ درخواست کے مطابق گورنر نے گورنر ہاؤس سمیت مختلف مواقع پر ایسے نعرے لگائے اور تقاریر کیں جن میں کراچی کو سندھ سے علیحدہ کرنے جیسے خیالات اور اردو بولنے والوں کو بنیاد بنا کر لسانی منافرت پیدا کرنے کی کوشش کی گئی ہے۔
درخواست میں موقف اختیار کیا گیا ہے کہ گورنر کا یہ رویہ آئین کے آرٹیکل 4، 5، 25، 27 اور 32 کی صریح خلاف ورزی ہے، جو برابری، عدم امتیاز اور صوبائی ہم آہنگی کی ضمانت دیتے ہیں۔ انہوں نے مزید کہا ہے کہ سپریم کورٹ بھی اپنے فیصلوں میں واضح کر چکی ہے کہ ریاستی عہدے کو کسی سیاسی جماعت کے ایجنڈے کے لیے استعمال کرنا غیر آئینی عمل ہے۔
یہ بھی پڑھیے کامران ٹیسوری کے مطابق ’بھائی‘ آرہے ہیں، یہ بھائی کون ہیں؟
ایڈووکیٹ احمد علی گبول نے صدر پاکستان سے اپیل کی ہے کہ آئین کے آرٹیکل 101(3) کے تحت، جس کے مطابق گورنر صدر کی خوشنودی تک اپنے منصب پر رہ سکتا ہے، گورنر سندھ کو فوری طور پر ہٹا کر اس منصب کو وفاقی اتحاد اور صوبائی ہم آہنگی کی علامت بنایا جائے۔
یہ بھی پڑھیے گورنر سندھ کا سافٹ ویئر اپ ڈیٹ اور نٹ بولٹ ٹائٹ کردئیے گئے، فیصل واوڈا
احمد علی گبول کا کہنا ہے کہ ہم نے ایک قانونی راستہ اپنایا ہے، آئین توڑا گیا ہے جس کی وجہ سے انہیں کرسی سے ہٹانا ضروری ہے۔ گورنر کے کام یہ نہیں ہوتے جو وہ کر رہے ہیں، اسٹیج پر کھڑے ہو کر کبھی کہا جاتا ہے کہ بھائی آرہا ہے، کبھی انتخابات کے عمل کو مشکوک کرنے کی باتیں کی جاتی ہیں۔ ان کا مزید کہنا تھا کہ فی الحال ہم نے صدر پاکستان سے رجوع کیا ہے، ہماری درخواست پر عمل ہوا تو ٹھیک، ورنہ عدالت کا دروازہ بھی کھٹکٹا سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد علی گبول گورنر سندھ کامران ٹیسوری.
ذریعہ
ذریعہ: WE News
کلیدی لفظ: احمد علی گبول گورنر سندھ کامران ٹیسوری
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ