8 ماہ سے کینسر کے اسٹیج 4 سے زندگی کی جنگ لڑ رہی ہوں؛ بھارتی اداکارہ
اشاعت کی تاریخ: 25th, August 2025 GMT
بھارتی اداکارہ تنیشتھا چترجی نے انکشاف کیا ہے وہ اس وقت اسٹیج فور کینسر سے زندگی کی جنگ لڑ رہی ہیں۔
یہ بتاتے ہوئے اداکارہ نے انسٹاگرام پر اپنی چند تصاویر بھی شیئر کیں جن میں ایک تصویر میں ان کا سر مونڈا ہوا نظر آرہا ہے جبکہ دوسری تصویر میں وہ اپنی فلمی دنیا کے دوستوں جیسے شبانہ اعظمی، ودیا بالن، دیویا دتہ اور لارا دتہ کے ساتھ موجود ہیں۔
اداکارہ تنیشتھا چترجی نے اپنے پیغام میں لکھا کہ یہ آٹھ ماہ ان کی زندگی کے سب سے مشکل دن رہے۔ والد کو کینسر کی وجہ سے کھونے کے بعد خود اس مرض کی تشخیص ہونا بہت کٹھن لمحہ تھا۔
انھوں نے مزید بتایا کہ اس دوران انہیں اپنی 70 سالہ والدہ اور 9 سالہ بیٹی کی ذمہ داریاں بھی اٹھانی پڑی ہیں۔ یہ سفر صرف درد کا نہیں بلکہ محبت اور حوصلے کا بھی ہے۔
اداکارہ تنیشتھا چترجی نے اپنی دوستوں اور ساتھی فنکاروں کی تعریف کرتے ہوئے کہا کہ ان کے ساتھ نے انہیں جینے کا حوصلہ دیا۔
ان کی اس پوسٹ پر کئی بالی ووڈ شخصیات نے محبت اور حوصلے بھرے پیغامات بھیجے۔
کونکونا سین شرما نے لکھا، "آپ واقعی متاثر کن اور قابلِ فخر ہیں۔" جبکہ دیا مرزا نے کہا، "ہم سب آپ کے ساتھ ہیں، آپ ہماری جنگجو شہزادی ہیں۔"
اداکار ابھے دیول اور سندھیا مریدل نے بھی نیک خواہشات کا اظہار کیا۔
تنیشٹھا نے اپنی پوسٹ کے آخر میں خواتین دوستی اور بہنوں جیسے رشتوں کو خراجِ تحسین پیش کرتے ہوئے کہا کہ یہی رشتے ان کے لیے سب سے بڑی طاقت ہیں۔
.
ذریعہ: Express News
پڑھیں:
1965 جنگ کا 18واں روز؛ پاک فوج نے دشمن کو کتنا نقصان پہنچایا؟
جنگ کے اٹھارہویں روز تک بھارت پاکستان کی جارحیت کا بھاری نقصان کی صورت میں سامنا کر چکا تھا۔
اعداد و شمار کے مطابق دشمن کے اب تک 453 ٹینک اور 106جنگی طیارے تباہ جبکہ 18 ٹینک پاکستان کے قبضے میں آ چکے تھے۔
سیالکوٹ اور جموں کے محاذ پر پاکستانی فوج نے بھارتی افواج پر اپنا دباؤ جاری رکھتے ہوئے دشمن کے مزید علاقوں پر قبضہ کیا اور بھارت کو بھاری مالی نقصان سے دوچار کیا۔
پاک فوج کے ہاتھوں واہگہ باڈر اور اٹاری سیکٹر میں بھارت کے 7ٹینک تباہ ہوئے جبکہ 10 بھارتی فوجی جنگی قیدی بنا لیے گئے۔ پاکستانی توپ خانوں نے بھارتی افواج پر مسلسل گولہ باری جاری رکھتے ہوئے کھیم کرن میں دشمن کے 4 حملوں کو ناکام بنا دیا۔
فازیلکا، راجھستان اور اکھنور کے مقامات پر پاکستانی فوج نے فتوحات کا سلسلہ جاری رکھتے ہوئے دشمن کو عبرتناک شکست سے دوچار کیا۔ پاک فوج نے راجوڑی سیکٹر میں بھارتی بٹالین پر حملہ آور ہوتے ہوئے 3 بھارتی سپاہیوں کو جہنم واصل کر دیا۔
پاک فضائیہ نے کمال جرات اور بہادری کا مظاہرہ کرتے ہوئے بھارتی فضائیہ کے اڈہ انبالہ کو نشانہ بنایا اور انبالہ میں 4 کینبرا بمبار طیاروں اور تنصیبات کو ناقابلِ تلافی نقصان پہنچایا۔
لاہور: اغوا ہونے والا 3 سالہ بچہ چوہنگ سے بازیاب