برطانیہ: آئل آف وائٹ میں ہیلی کاپٹر حادثہ، 3 افراد ہلاک ایک زخمی
اشاعت کی تاریخ: 26th, August 2025 GMT
برطانیہ کے علاقے آئل آف وائٹ میں پیر کی صبح ایک ہیلی کاپٹر گرنے کے نتیجے میں 3 افراد ہلاک اور ایک شدید زخمی ہوگیا۔
ہیمپشائر پولیس کے مطابق حادثہ مقامی وقت کے مطابق صبح 9 بج کر 24 منٹ پر وینٹنور کے قریب شینکلن روڈ کے ایک کھیت میں پیش آیا۔ حادثے کے بعد ایئر ایمبولینس، فائر بریگیڈ اور دیگر ایمرجنسی سروسز موقع پر پہنچ گئیں۔
ہیلی کاپٹر رابنسن R44 II ماڈل کا تھا جس کی ملکیت نارتھمبریا ہیلی کاپٹرز کے پاس ہے۔ کمپنی کے مطابق یہ پرواز سینڈاؤن ایئرپورٹ سے صبح 9 بجے اڑی تھی اور اس میں 4 افراد، بشمول پائلٹ، سوار تھے۔ حادثے کے وقت ہیلی کاپٹر تربیتی پرواز پر تھا۔
مزید پڑھیں: کنگ چارلس کا پاکستان میں تباہ کن سیلاب اور ہیلی کاپٹر حادثے پر اظہارِ افسوس
ہیمپشائر اور آئل آف وائٹ ایئر ایمبولینس کے ترجمان نے بتایا کہ ایک زخمی کو تشویشناک حالت میں یونیورسٹی اسپتال ساؤتھمپٹن کے میجر ٹراما سینٹر منتقل کیا گیا ہے۔
عینی شاہدین کے مطابق ہیلی کاپٹر زمین پر گرنے سے قبل گھومتے ہوئے ایک جھاڑی سے ٹکرایا۔ خوش قسمتی سے کسی گاڑی یا راہگیر کو نقصان نہیں پہنچا، حالانکہ یہ سڑک اس وقت سیاحوں کی وجہ سے خاصی مصروف تھی۔
حادثے کے بعد علاقے کو سیل کر دیا گیا ہے جبکہ ایئر ایکسیڈنٹس انویسٹی گیشن برانچ نے واقعے کی تحقیقات شروع کر دی ہیں۔
مقامی رکن پارلیمان جو رابرٹسن نے اس سانحے پر گہرے دکھ کا اظہار کرتے ہوئے کہا کہ یہ حادثہ پورے علاقے کے لیے صدمے کی خبر ہے۔ میری دلی ہمدردیاں ان خاندانوں کے ساتھ ہیں جنہوں نے اپنے پیارے کھوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 افراد ہلاک آئل آف وائٹ برطانیہ ہیلی کاپٹر.ذریعہ: WE News
کلیدی لفظ: 3 افراد ہلاک آئل آف وائٹ برطانیہ ہیلی کاپٹر آئل آف وائٹ ہیلی کاپٹر کے مطابق
پڑھیں:
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک
data-id="863a0a8" data-element_type="widget" data-widget_type="theme-post-content.default">
لندن: برطانیہ کے علاقے کیمرج شائر میں خوفناک واقعہ اُس وقت پیش آیا جب ایک تیز دھار آلے سے حملے کے نتیجے میں ٹرین میں سوار 10 مسافر زخمی ہو گئے، جن میں سے 9 کی حالت تشویشناک بتائی جا رہی ہے۔
عالمی میڈیا رپورٹس کے مطابق یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا جو مقامی وقت کے مطابق شام 6 بج کر 25 منٹ پر روانہ ہوئی تھی، واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے 2 مشتبہ افراد کو گرفتار کر لیا۔
پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتال منتقل کیا، واقعے کے باعث ٹرین میں سوار متعدد مسافروں کو لندن جانے والی بسوں میں منتقل کر دیا گیا۔
کیمرج شائر پولیس نے اس واقعے کو بڑا حادثہ قرار دیتے ہوئے کہا ہے کہ انسدادِ دہشت گردی کے ماہر افسران اس حملے کی تحقیقات میں معاونت کر رہے ہیں،حملے کی وجوہات تاحال سامنے نہیں آئیں اور تحقیقات جاری ہیں، اس نے ایک شخص کو خون آلود بازو کے ساتھ بوگی میں دوڑتے دیکھا جو چیخ رہا تھا کہ ان کے پاس چاقو ہے، بھاگو اور اس کے فوراً بعد ایک اور شخص زمین پر گرا ہوا نظر آیا۔
دوسری جانب برطانوی وزیراعظم کیئر اسٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، انہوں نے شہریوں سے اپیل کی کہ وہ مقامی حکام کی ہدایات پر عمل کریں اور افواہوں سے گریز کریں۔
پولیس کا کہنا ہے کہ اس واقعے کے محرکات اور مشتبہ حملہ آوروں کے عزائم کے بارے میں تفصیلات جلد منظرِ عام پر لائی جائیں گی۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک