برطانیہ میں تربیتی پرواز کے دوران ہیلی کاپٹر حادثہ، 3 افراد جاں بحق
اشاعت کی تاریخ: 25th, August 2025 GMT
برطانیہ میں ایک افسوسناک واقعے میں تربیتی پرواز کے دوران ہیلی کاپٹر کھیتوں میں گر کر تباہ ہو گیا، جس کے نتیجے میں 3 افراد جان کی بازی ہار گئے جبکہ ایک شخص شدید زخمی حالت میں اسپتال میں زیرِ علاج ہے۔
عالمی ذرائع ابلاغ کے مطابق، حادثہ اس وقت پیش آیا جب تربیتی مشن پر موجود ہیلی کاپٹر میں عملے کے 4 افراد سوار تھے۔ پرواز کے دوران ہیلی کاپٹر اچانک زمین پر آ گرا اور مکمل طور پر تباہ ہو گیا۔ پولیس کا کہنا ہے کہ واقعہ تربیتی پرواز کے دوران پیش آیا اور ابتدائی تحقیقات جاری ہیں۔
زخمیوں کو فوری طور پر ایئر ایمبولینس کے ذریعے قریبی اسپتال منتقل کیا گیا، جہاں تین افراد دم توڑ گئے، جبکہ ایک شخص کی حالت تاحال تشویشناک بتائی جا رہی ہے۔
پولیس فورس کی جانب سے جاری کردہ بیان میں کہا گیا ہے، “ہم اس وقت متاثرہ افراد کے بارے میں مزید معلومات فراہم نہیں کر سکتے کیونکہ ان کے اہل خانہ کو مطلع کرنے اور ان کی مدد کے لیے کوششیں جاری ہیں۔”
مزید کہا گیا کہ حادثے کی وجوہات کے حوالے سے فی الحال کوئی تبصرہ نہیں کیا جا رہا، تاہم ایئر ایکسیڈنٹ انویسٹی گیشن برانچ کے ساتھ مل کر تحقیقات کی جا رہی ہیں تاکہ واقعے کی مکمل حقیقت سامنے آ سکے۔
ذریعہ
ذریعہ: Daily Mumtaz
کلیدی لفظ: پرواز کے دوران ہیلی کاپٹر
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا