میں منافق نہیں ہوں، جو کہتی ہوں سچ کہتی ہوں: روبی انعم
اشاعت کی تاریخ: 26th, August 2025 GMT
لاہور (نیوز ڈیسک) پاکستان کی معروف سینئر اداکارہ بشریٰ انصاری اور ان کی بہن اسماء عباس پر عمر اور وی لاگنگ کے حوالے سے تنقید کرنے والی تھیٹر اداکارہ روبی انعم سوشل میڈیا پر خود ہی تنقید کی زد میں آگئیں۔
حالیہ انٹرویو میں روبی انعم سے بشریٰ انصاری کے بارے میں ان کے متنازع بیان پر سوال کیا گیا تو انہوں نے نام لیے بغیر دعویٰ کیا کہ، “میں نے جو کہا وہ سچ کہا اور زیادہ تر لوگوں نے میرے مؤقف سے اتفاق کیا۔”
روبی انعم کے مطابق، “انٹرویو دینا اور اپنی رائے دینا میرا حق ہے۔ تقریباً 70 فیصد لوگوں نے مجھے فون کر کے کہا کہ آپ نے صحیح کہا۔ زیادہ تر خواتین میرے مؤقف سے متفق تھیں۔ میں منافقت نہیں کرتی، جو کہتی ہوں وہی حقیقت ہے۔”
ان کے اس تازہ بیان نے سوشل میڈیا پر نئی بحث چھیڑ دی ہے۔ کئی صارفین کا کہنا ہے کہ روبی انعم سستی شہرت حاصل کرنے کے لیے یہ بیانات دے رہی ہیں۔ ایک صارف نے لکھا کہ “پہلے تو کوئی انہیں جانتا بھی نہیں تھا”، جبکہ دوسرے صارف نے کہا کہ “بشریٰ انصاری ایک ہمہ جہت فنکارہ ہیں، ان پر اس طرح کی تنقید غیر مناسب ہے۔”
روبی انعم کے بیانات پر تنقید کا سلسلہ جاری ہے جبکہ بشریٰ انصاری کے مداحوں نے انہیں ایک بار پھر بھرپور حمایت دی ہے۔
Post Views: 4.ذریعہ: Daily Mumtaz
پڑھیں:
آڈیو لیک کیس میں اہم پیشرفت، مقدمہ جسٹس اعظم خان کی عدالت کو منتقل
اسلام آباد ( نیوزڈیسک) اسلام آباد ہائی کورٹ میں زیرِ سماعت آڈیو لیک کیس میں اہم پیشرفت سامنے آئی ہے۔
آڈیو لیک کیس کو جسٹس بابر ستار کی عدالت سے منتقل کر کے جسٹس اعظم خان کی عدالت میں مقرر کر دیا گیا ہے، مقدمے کی یہ منتقلی جسٹس بابر ستار کا سنگل بنچ ختم ہونے کے باعث عمل میں آئی ہے۔
کیس میں سابق چیف جسٹس ثاقب نثار کے بیٹے نجم ثاقب اور سابق خاتونِ اول بشریٰ بی بی کی آڈیو لیکس کے خلاف دائر درخواستوں پر سماعت کل 4 نومبر کو جسٹس اعظم خان کریں گے۔
یاد رہے کہ سپریم کورٹ نے اس آڈیو لیک کیس کے خلاف حکمِ امتناع جاری کرتے ہوئے اسلام آباد ہائیکورٹ کو مزید کارروائی سے روک دیا تھا، یہ درخواستیں بشریٰ بی بی اور نجم ثاقب کی جانب سے دائر کی گئی تھیں۔
پاکستان اور افغان طالبان کے درمیان استنبول میں مذاکرات ناکام، عطا تارڑ