ای سی سی اجلاس: سیلاب زدگان کے لیے 3 ارب روپے کا ریلیف پیکج منظور
اشاعت کی تاریخ: 26th, August 2025 GMT
کابینہ کی اقتصادی رابطہ کمیٹی (ای سی سی) نے گلگت بلتستان کے سیلاب زدگان کے لیے 3 ارب روپے کے ریلیف پیکیج کی منظوری دے دی۔
وفاقی وزیر خزانہ محمد اورنگزیب کی زیر صدارت ہونے والے اجلاس میں وفاقی وزرا اویس لغاری، علی پرویز ملک اور رانا تنویر نے شرکت کی۔
یہ بھی پڑھیں: ای سی سی نے گرین ٹیکسانومی، سستے گھروں کی اسکیم اور صنعتی اصلاحات کی منظوری دے دی
اجلاس میں فیصلہ کیا گیا کہ سیلاب سے متاثرہ خاندانوں کو خیمے، ادویات، خوراک اور دیگر بنیادی سہولیات فراہم کی جائیں گی تاکہ متاثرین کو فوری ریلیف مل سکے۔
ای سی سی نے پاکستان ٹیلی ویژن کارپوریشن (پی ٹی وی) کے لیے 11 ارب روپے کی ضمنی تکنیکی گرانٹ کی بھی منظوری دی۔
کمیٹی نے ابتدائی طور پر 3 ارب 81 کروڑ 30 لاکھ روپے کی قسط جاری کرنے کی منظوری دی، جبکہ باقی رقم سہ ماہی بنیادوں پر تنخواہوں، پنشنز اور آپریشنل اخراجات کی ادائیگی کے لیے فراہم کی جائے گی۔
اجلاس میں پاور ڈویژن کی جانب سے کیپٹیو پاور صارفین پر لگنے والی ٹرانسمیشن لیوی میں ریلیف کی سمری پر بھی غور ہوا۔ ای سی سی نے ڈویژن کی مجوزہ طریقہ کار کی منظوری دی جس کے تحت کیپٹیو پاور کنزیومرز سے وصول شدہ لیوی کا فائدہ گرڈ صارفین کو منتقل کیا جائے گا۔
اجلاس میں مچیکے، تھلیاں، تاروجبہ وائٹ آئل پائپ لائن منصوبے کے ٹیرف تعین کے جائزے سے متعلق پٹرولیم ڈویژن کی سمری کا بھی جائزہ لیا گیا۔ یہ منصوبہ پاکستان اور آذربائیجان کے درمیان بین الحکومتی بنیاد پر آگے بڑھایا جا رہا ہے۔
یہ بھی پڑھیں: ای سی سی اجلاس: سردیوں کے لیے بجلی کا خصوصی پیکج، این ڈی ایم اے کے لیے گرانٹ کی منظوری
کمیٹی نے ڈویژن کی تجویز کردہ شرائط و ضوابط کی منظوری دی تاکہ اس اسٹریٹجک منصوبے کا آغاز ممکن ہو سکے، جس سے دونوں ممالک کے درمیان دوستی، تجارت اور سرمایہ کاری کے تعلقات مزید مضبوط ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اقتصادی رابطہ کمیٹی ای سی سی اجلاس سیلاب زدگان پیکج منظور وی نیوز.ذریعہ: WE News
کلیدی لفظ: اقتصادی رابطہ کمیٹی ای سی سی اجلاس وی نیوز کی منظوری اجلاس میں ڈویژن کی کے لیے
پڑھیں:
’ایسی چیزیں قبول نہیں کروں گی‘، سیلاب زدگان کے لیے غیر معیاری سامان ملنے پر حدیقہ کیانی پھٹ پڑیں
نامور پاکستانی گلوکارہ اور سماجی کارکن حدیقہ کیانی حالیہ سیلاب سے متاثرہ افراد کی بحالی کے لیے سرگرم عمل ہیں۔ وہ نہ صرف متاثرہ علاقوں کا خود دورہ کر رہی ہیں بلکہ بے گھر افراد کو ابتدائی طبی امداد اور ضروری سامان کی فراہمی میں بھی بڑھ چڑھ کر حصہ لے رہی ہیں۔
حدیقہ کیانی اپنی امدادی سرگرمیوں کے بارے میں سوشل میڈیا کے ذریعے مداحوں کو باقاعدگی سے آگاہ رکھتی ہیں۔ حال ہی میں ان کی ایک ویڈیو سوشل میڈیا پر وائرل ہو رہی ہے جس میں وہ عوام کی جانب سے بھیجے گئے چند کپڑوں کو دکھاتے ہوئے افسوس کا اظہار کرتی نظر آئیں۔ ویڈیو میں دیکھا جا سکتا ہے کہ بعض افراد نے ایسے پرانے اور خراب کپڑے بھیجے جو پہننے کے قابل بھی نہیں تھے۔
یہ بھی پڑھیں: حدیقہ کیانی کی سیلاب متاثرین کے لیے عوام سے امداد کی اپیل
گلوکارہ نے اس عمل پر سخت ردعمل دیتے ہوئے کہا کہ ’خدارا، ایسی خراب چیزیں مت بھیجیں۔ کیا آپ دوسروں کو انسان نہیں سمجھتے؟ اگر آپ ایسی چیزیں بھیجیں گے تو ہم انہیں قبول نہیں کریں گے‘۔
حدیقہ کیانی کے اس بیان کو سوشل میڈیا صارفین کی بڑی تعداد نے سراہا اور انہیں متاثرین کے لیے آواز اٹھانے پر خراجِ تحسین پیش کیا۔ ان کا کہنا ہے کہ دکھی انسانیت کی مدد کے لیے صرف جذبہ ہی نہیں، عزتِ نفس کا خیال رکھنا بھی نہایت ضروری ہے۔
ایک صارف نے کہا کہ استعمال شدہ کپڑے اور جوتے دینے میں حرج نہیں ہے مگر ایسے کپڑے اور جوتے جو اپنی طبعی عمر پوری کر چکے وہ مت دیں ایسے استعمال شدہ کپڑے دیں جو قابل استعمال ہوں انہیں دھو کر استری کر کے درست حالت میں دیں جس میں آپ خود استعمال کرتے ہیں۔ لوگوں کی عزت نفس کا خیال رکھیں۔
استعمال شدہ کپڑے جوتے دینے میں ہرج نہی ہے مگر ایسے کپڑے جوتے جو اپنی طبعی عمر پوری کر چکے وہ مت دیں ایسے استعمال شدہ کپڑے دیں جو قابل استعمال ہوں انہیں دھو کر استری کر کے ص حالت میں دیں جس میں آپ خود استعمال کرتے ہیں
لوگوں کی عزت نفس کا خیال رکھیں pic.twitter.com/jaXLGVPS1E
— RAShahzaddk (@RShahzaddk) September 16, 2025
ایک ایکس صارف نے کہا کہ اپنے اسٹور کی صفائی کر کے کسی کو کچھ نا بھیجیں اس سے بہتر چیزیں لنڈے میں ملتی ہیں۔ انہوں نے مزید کہا کہ چیز وہ بھیجیں جس کو کھول کر اگلے کی عزت نفس مجروح نا ہو۔
حدیقہ جو بتانا چاہ رہی ہیں وہ غور سے سنیے گا اور عمل کیجیے
اپنے سٹور کی صفائی کر کے کسی کو کچھ نا بھیجے گا اس سے بہتر چیزیں لنڈے میں ملتی ہیں۔۔۔۔
چیز وہ بھیجے گا جس کو کھول کر اگلے کی عزت نفس مجروح نا ہو۔۔۔#hadiqakiani @Hadiqa_Kiani pic.twitter.com/lrVbN1ZBUO
— عام آدمی (@Mango_peopel) September 16, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حدیقہ کیانی سیلاب زدگان سیلاب زدگان کی مدد
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر