فیکٹ چیک: عمران خان کی داڑھی والی وائرل ویڈیو جعلی نکلی
اشاعت کی تاریخ: 26th, August 2025 GMT
پاکستان تحریک انصاف کے بانی عمران خان کی ایک ویڈیو حالیہ دنوں میں سوشل میڈیا پر تیزی سے وائرل ہوئی، جس میں انہیں داڑھی کے ساتھ دکھایا گیا تھا۔ تاہم تحقیقات کے بعد یہ واضح ہوا ہے کہ یہ ویڈیو جعلی ہے۔
یہ بھی پڑھیں: عمران خان کا سیکریٹری جنرل سلمان اکرم راجا کا استعفیٰ منظور کرنے سے انکار
عمران خان اگست 2023 سے قانونی کیسز کے باعث جیل میں قید ہیں اور انہیں جنوری 2025 میں القادر یونیورسٹی پروجیکٹ ٹرسٹ کیس میں 14 سال قید کی سزا سنائی گئی تھی۔
PTI Chairman @ImranKhanPTI earlier today in ATC, Islamabad: #PakistanDemandsElection pic.
— PTI (@PTIofficial) May 23, 2023
23 اگست کو ایک ٹک ٹاک صارف، جس کے بارے میں کہا جاتا ہے کہ وہ پی ٹی آئی کا حمایتی ہے، نے یہ ویڈیو شیئر کی۔ ویڈیو کو 2 کروڑ 13 لاکھ سے زائد بار دیکھا گیا اور 23 لاکھ سے زیادہ لائکس ملیں۔ بعد ازاں یہی کلپ دیگر صارفین نے بھی شیئر کیا جس پر لاکھوں ویوز آئے۔
اسی دوران عمران خان کی ایک تصویر بھی وائرل ہوئی جس میں انہیں داڑھی کے ساتھ دکھایا گیا۔
حقائق جاننے کے لیے کی گئی ریورس امیج سرچ میں 23 مئی 2023 کو پی ٹی آئی کے آفیشل اکاؤنٹ پر پوسٹ کی گئی ایک تصویر سامنے آئی۔ اس تصویر میں عمران خان صاف ستھری شیو کے ساتھ سفید شلوار قمیض اور نیلے واسکٹ میں موجود ہیں۔ ان کے اردگرد وہی پولیس اہلکار بھی نظر آ رہے ہیں جو وائرل ویڈیو میں دکھائی دیتے ہیں۔
یہ بھی پڑھیں: روشنیوں سے ویرانی تک، لاہور کے زمان پارک میں عمران خان کا خالی گھر
مزید تلاش میں اسی تاریخ کو جیو نیوز کی خبر بھی ملی جس میں عمران خان کی یہی تصویر شامل تھی۔ اس خبر کے مطابق عمران خان اس دن آٹھ کیسز میں ضمانت پر پیش ہوئے تھے جبکہ ان کی اہلیہ بشریٰ بی بی کو بھی ضمانت ملی تھی۔ بعد ازاں نیب نے عمران خان سے 190 ملین پاؤنڈ سیٹلمنٹ کیس کے حوالے سے تحقیقات کیں۔
اس طرح شواہد سے یہ ثابت ہوا کہ وائرل ویڈیو اصلی نہیں بلکہ ایڈیٹ شدہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اڈیالہ جیل اے ٹی سی پی ٹی آئی داڑھی عمران خان وائرل ویڈیو
ذریعہ
ذریعہ: WE News
کلیدی لفظ: اڈیالہ جیل اے ٹی سی پی ٹی ا ئی داڑھی وائرل ویڈیو عمران خان کی وائرل ویڈیو
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع