آئی ایل ٹی 20 ڈویلپمنٹ ٹورنامنٹ کا سنسنی خیز آغاز، دبئی میں دلچسپ مقابلے
اشاعت کی تاریخ: 27th, August 2025 GMT
ڈی پی ورلڈ آئی ایل ٹی 20 ڈویلپمنٹ ٹورنامنٹ کا سنسنی خیز آغاز، دبئی میں دلچسپ مقابلے
دبئی :آئی سی سی اکیڈمی دبئی میں ڈی پی ورلڈ آئی ایل ٹی 20 ڈویلپمنٹ ٹورنامنٹ کے تیسرے ایڈیشن کا آغاز زبردست جوش و خروش کے ساتھ ہوا جہاں ابتدائی میچز میں سنسنی خیز مقابلے دیکھنے کو ملے۔ ٹورنامنٹ میں ڈیزرٹ وائپرز ڈویلپمنٹ، دبئی کیپیٹلز ڈویلپمنٹ، ابوظہبی نائٹ رائیڈرز ڈویلپمنٹ اور گلف جائنٹس ڈویلپمنٹ نے فتح حاصل کی اور ایونٹ کے معیار کو بلند کر دیا۔ٹورنامنٹ کا مقصد یو اے ای کے نوجوان اور ابھرتے ہوئے کرکٹرز کو اپنی صلاحیتیں منوانے کا پلیٹ فارم فراہم کرنا ہے۔ یہ ایونٹ ایشیا کپ 2025 کے فوراً بعد شیڈول ڈی پی ورلڈ آئی ایل ٹی 20 پلیئر آکشن کے تناظر میں خاص اہمیت رکھتا ہے۔ بھارت میں یہ میچز فین کوڈ پر جبکہ دنیا کے دیگر ممالک میں اسٹائکس اسپورٹس پر براہِ راست نشر کیے جا رہے ہیں۔پہلے ہی روز ڈیزرٹ وائپرز نے زبردست مقابلے کے بعد دبئی کیپیٹلز کو ایک وکٹ سے شکست دی۔ کیپیٹلز نے 210 رنز کا بڑا ہدف دیا جس میں خالد شاہ (69) اور محمد عرفان (53 ) نمایاں رہے، تاہم تیمور علی نے صرف 28 گیندوں پر دھواں دھار 59 رنز بنا کر وائپرز کو آخری اوور میں یادگار کامیابی دلا دی۔اسی روز گلف جائنٹس نے بھی ایم آئی ایمریٹس کو سنسنی خیز مقابلے کے بعد آخری گیند پر 2 وکٹوں سے شکست دی۔ ایم آئی ایمریٹس کے آریان سکسینہ (65) اور وشنو سُکُمران (51) کی شاندار اننگز نے ٹیم کو 192 رنز تک پہنچایا، مگر جواب میں محمد افتاب عالم (72) اور جوناتھن فیگی (60*) کی شاندار بیٹنگ نے گلف جائنٹس کو ہدف تک پہنچا دیا۔پیر کو کھیلے گئے میچز میں دبئی کیپیٹلز نے گلف جائنٹس کو 5 رنز سے ہرایا۔ محمد عرفان نے تیز رفتار 68 رنز بنائے، جبکہ گیند بازی میں عبد الرحمن نصیر ریاض (3/18) اور ذیشان نصیر (2/35) نے شاندار کارکردگی دکھائی۔دوسرے میچ میں ابوظہبی نائٹ رائیڈرز نے شارجہ واریئرز کو 4 وکٹوں سے شکست دی۔ واریئرز نے پہلے بیٹنگ کرتے ہوئے 169 رنز بنائے، مگر علی عابد نے صرف 44 گیندوں پر ناقابلِ شکست 80 رنز جڑ کر ٹیم کو شاندار کامیابی دلائی۔
ذریعہ: Daily Mumtaz
کلیدی لفظ: ا ئی ایل ٹی 20 گلف جائنٹس
پڑھیں:
نیٹ فلکس کی مقبول ترین سیریز ’اسٹرینجر تھنگز‘ کا سنسنی سے بھرپور ٹریلر جاری، کب ریلیز ہوگی؟
نیٹ فلکس کی مقبول ترین سائنس فکشن اور ہارر سیریز ’اسٹرینجر تھنگز‘ کے آخری سیزن کا طویل انتظار ختم ہوگیا ہے۔ نیٹ فلکس نے حال ہی میں اس سیزن کا پہلا آفیشل ٹریلر جاری کردیا ہے جس نے مداحوں کی توجہ سمیٹ لی ہے اور ان کی دلچسپی مزید بڑھ گئی ہے۔
نیٹ فلکس کی جانب سے جاری کیے گئے ٹریلر میں دکھایا گیا ہے کہ ہاکنز شہر ایک بار پھر تباہی کے دہانے پر ہے جبکہ اس بار پوری دنیا کو شیطانی طاقت سے خطرہ لاحق ہے۔
مشہور ولن ’ویکنا‘ کی واپسی کے ساتھ کہانی پہلے سے زیادہ سنجیدہ، پراسرار اور خوفزدہ کرنے والا رُخ اختیار کرتی نظر آتی ہے جبکہ اس سیریز کی مرکزی اداکارہ ملی بوبی براؤن ایک بار پھر اپنی جان داؤ پر لگا کر اس خوفناک دشمن کا سامنا کر رہی ہیں۔
FINAL TRAILER ???? #StrangerThings5
pic.twitter.com/uifshlF06P
نیٹ فلکس نے ٹریلر کے ساتھ یہ بھی اعلان کیا ہے کہ اس سیریز کا پانچواں اور آخری سیزن دو حصوں میں ریلیز کیا جائے گا، تاکہ مداحوں میں مزید تجسس بڑھاتے ہوئے کہانی کو مکمل کیا جا سکے۔
واضح رہے کہ اسٹرینجر تھنگز کے آخری سیزن کا پہلا حصہ 26 نومبر جبکہ دوسرا حصہ کرسمس کے موقع پر ریلیز کیا جائے گا جبکہ کئی ممالک میں اس کی آخری قسط کو سنیما گھروں میں دکھانے کا بھی اعلان کیا گیا ہے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟