عید میلادالنبیﷺ کے موقع پر فول پروف سیکیورٹی انتظامات یقینی بنائیں گے، سلمان رفیق کی علما وفد کو یقین دہانی
اشاعت کی تاریخ: 27th, August 2025 GMT
پنجاب کے وزیر صحت و چیئرمین کابینہ کمیٹی برائے امن و امان خواجہ سلمان رفیق سے پاکستان سنی تحریک کے وفد نے محکمہ داخلہ میں ملاقات کی، جس میں سیکریٹری داخلہ ڈاکٹر احمد جاوید قاضی، اسپیشل سیکریٹری فضل الرحمان، ایڈیشنل سیکریٹری احسان علی جمالی سمیت دیگر افسران بھی شریک تھے۔
پاکستان سنی تحریک کے وفد میں صوبائی صدر شمالی پنجاب مولانا زاہد حسیب قادری، ڈاکٹر عمران مصطفیٰ کھوکھر، سردار محمد طاہر ڈوگر، آصف رضا قادری، محمد عبداللہ ثاقب اور دیگر رہنما شامل تھے۔
یہ بھی پڑھیں: ربیع الاول کا چاند نظر نہیں آیا، عید میلادالنبیﷺ 6 ستمبر کو ہوگی
ملاقات میں جشنِ عید میلاد النبی صلی اللہ علیہ وآلہ وسلم کے موقع پر سیکیورٹی پلان اور دیگر اہم امور پر تفصیلی تبادلہ خیال کیا گیا۔
اس موقع پر خواجہ سلمان رفیق نے کہاکہ حکومت پنجاب عید میلاد النبی ﷺ کے موقع پر فول پروف سیکیورٹی انتظامات کو یقینی بنائے گی۔
انہوں نے کہاکہ پنجاب میں اتحاد بین المسلمین کو فروغ دیا جا رہا ہے اور تمام مکاتبِ فکر کے علمائے کرام حکومت کے لیے قابل احترام ہیں۔
ان کا کہنا تھا کہ کسی بھی ملک کی ترقی میں امن بنیادی جزو کی حیثیت رکھتا ہے اور ہمیشہ وحدت کے نظریے کو فروغ دیا گیا ہے۔
خواجہ سلمان رفیق نے مزید کہا کہ اتحاد بین المسلمین وقت کی اہم ضرورت ہے، جبکہ دین اسلام میں انتشار کی قطعاً اجازت نہیں۔ انہوں نے کہا کہ حکومت پنجاب اس موقع پر بھرپور چراغاں کرے گی۔ نبی کریم صلی اللہ علیہ وآلہ وسلم کی سیرتِ طیبہ پوری امت کے لیے مشعلِ راہ ہے۔
یہ بھی پڑھیں: وزارت مذہبی امور نے عشرہ رحمت للعالمین ﷺ کے پروگراموں کا اعلان کردیا
اس موقع پر سیکرٹری داخلہ ڈاکٹر احمد جاوید قاضی نے کہا کہ اسلام ہمیں صلہ رحمی، انصاف اور بھائی چارے کا درس دیتا ہے۔ انہوں نے بتایا کہ عید میلاد النبی ﷺ پر فول پروف سیکیورٹی انتظامات کے لیے گائیڈ لائنز جاری کر دی گئی ہیں، جبکہ پنجاب بھر میں محافل اور جلوسوں کی نگرانی کے لیے خصوصی کنٹرول رومز قائم کیے گئے ہیں۔ ملاقات کے اختتام پر ملک و قوم کی سلامتی اور امن و استحکام کے لیے دعا بھی کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سنی تحریک پنجاب حکومت خواجہ سلمان رفیق فول پروف سیکیورٹی وفد کی ملاقات وی نیوز.ذریعہ: WE News
کلیدی لفظ: پاکستان سنی تحریک پنجاب حکومت خواجہ سلمان رفیق فول پروف سیکیورٹی وفد کی ملاقات وی نیوز فول پروف سیکیورٹی خواجہ سلمان رفیق کے لیے
پڑھیں:
سلمان اکرم راجا کی اسپتال میں زیرعلاج شاہ محمود قریشی سے ملاقات، اہم مشاورت کی
پاکستان تحریک انصاف (پی ٹی آئی) کے مرکزی جنرل سیکریٹری سلمان اکرم راجا نے اسپتال میں زیر علاج پارٹی کے سینیئر رہنما شاہ محمود قریشی کی عیادت کی اور ان سے اہم ملاقات کی۔
شاہ محمود قریشی کی صحت اور علاج سے متعلق صورتحال کے پیش نظر سلمان اکرم راجا اسپتال پہنچے، جہاں انہوں نے سینیئر پی ٹی آئی رہنما کی خیریت دریافت کی۔
مزید پڑھیں: پی ٹی آئی کی اصل قیادت جیل میں ہے، باہر موجود لوگ متعلقہ نہیں: فواد چوہدری
اس موقع پر پی ٹی آئی رہنما شوکت بسرا اور ظہیر بابر بھی ان کے ہمراہ موجود تھے۔
ملاقات کے دوران دونوں رہنماؤں نے ملک کی موجودہ سیاسی صورتحال اور آئندہ کے لائحہ عمل پر گفتگو کی۔
میڈیا رپورٹس کے مطابق گفتگو میں پارٹی امور اور تازہ سیاسی پیش رفت پر بھی تبادلہ خیال ہوا۔
یاد رہے کہ چند روز قبل پی ٹی آئی کے سابق رہنماؤں جن میں فواد چوہدری، محمود مولوی اور عمران اسماعیل سمیت دیگر شامل تھے، نے بھی شاہ محمود قریشی سے اسپتال میں ملاقات کی تھی۔
ملاقات کے بعد انہوں نے موجودہ پی ٹی آئی قیادت پر تنقید کرتے ہوئے بانی چیئرمین عمران خان سے ملاقات اور ان کی رہائی کے لیے تحریک چلانے کا اعلان کیا تھا۔
فواد چوہدری نے اُس موقع پر کہا تھا کہ جب پاکستان عالمی سطح پر اہم کامیابیاں سمیٹ رہا ہے، ایسے میں ملک کے اندر سیاسی استحکام کی ضرورت ہے اور کشیدگی کا خاتمہ ہونا چاہیے۔
مزید پڑھیں: عمران خان نے پارٹی رہنماؤں سے ملاقات میں کیا ہدایات دیں؟ شیخ وقاص اکرم نے تفصیلات بتادیں
انہوں نے امید ظاہر کی تھی کہ سابق رہنما سنجیدگی کے ساتھ متحد ہو کر بانی پی ٹی آئی عمران خان کی رہائی کے لیے مؤثر تحریک چلا کر کامیابی حاصل کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سلمان اکرم راجا سیاسی صورت حال شاہ محمود قریشی ملاقات وی نیوز
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید