ایپل کا بڑا ایونٹ 9 ستمبر کو، آئی فون 17 سیریز متعارف کرائی جائے گی
اشاعت کی تاریخ: 28th, August 2025 GMT
کیلیفورنیا (ٹیک ڈیسک) ایپل نے اپنے اگلے بڑے ایونٹ کی تاریخ کا اعلان کر دیا ہے جو 9 ستمبر 2025 کو کمپنی کے ہیڈکوارٹر میں منعقد ہوگا۔ تقریب میں آئی فون 17 سیریز کے ساتھ ایپل واچز، ایئر پاڈز پرو اور دیگر ڈیوائسز پیش کیے جائیں گے۔
ایپل کے مطابق ایونٹ امریکی وقت کے مطابق صبح 10 بجے شروع ہوگا اور براہِ راست ایپل کی ویب سائٹ اور یوٹیوب پر نشر کیا جائے گا۔
پی سی میگ کی رپورٹ کے مطابق آئی فون 17 سیریز میں چار ماڈلز شامل ہوں گے:
آئی فون 17
آئی فون 17 ایئر (اب تک کا سب سے سلم اور ہلکا ماڈل)
آئی فون 17 پرو
آئی فون 17 پرو میکس (پہلی بار 5000 ایم اے ایچ بیٹری کے ساتھ)
پرو ماڈلز میں نیا کیمرہ سسٹم، A19 پرو چپ، جدید ڈسپلے اور بہتر بیٹری کارکردگی شامل ہونے کی توقع ہے۔
رپورٹس کے مطابق:
پری آرڈرز 12 ستمبر 2025 سے شروع ہوں گے
فروخت 19 ستمبر کے قریب متوقع ہے
تمام ماڈلز iOS 26 پر چلیں گے
ایونٹ میں ایپل واچ سیریز 11، ایپل واچ الٹرا 3 اور ایئر پاڈز پرو 3 بھی متعارف کروائے جانے کا امکان ہے۔ ایئر پاڈز پرو 3 میں دل کی دھڑکن ٹریکنگ جیسی نئی خصوصیات شامل ہوں گی۔
ٹیک ماہرین کا کہنا ہے کہ ایپل ایونٹ میں ایپل ٹی وی اور ہوم پاڈ کے نئے ماڈلز پر بھی روشنی ڈال سکتا ہے۔
Post Views: 3.ذریعہ: Daily Mumtaz
کلیدی لفظ: آئی فون 17 کے مطابق
پڑھیں:
ایپل نے نیا موبائل آپریٹنگ سسٹم ’آئی او ایس 26‘ جاری کردیا، نئے فیچرز کیا ہیں؟
ایپل نے آئی فون 17 کے ساتھ نیا موبائل آپریٹنگ سسٹم آئی او ایس 26 (iOS 26) لانچ کر دیا ہے۔ یہ iOS کی سب سے بڑی اپ ڈیٹ ہے اور یوزر انٹرفیس (UI) میں بڑی تبدیلی لائی گئی ہے۔
آئی او ایس 26 15 ستمبر سے دستیاب ہے۔ اسے اپنے iPhone کی سیٹنگز کے “General” سیکشن سے اپ ڈیٹ کیا جا سکتا ہے، بشرطیکہ آپ کا فون اس کے لیے کمپٹیبل ہو۔
اپ ڈیٹ بیک وقت واچ او ایس 26، میک او ایس ٹاہو، آئی پیڈ او ایس 26 اور وژن او ایس 26 کے ساتھ ریلیز کی گئی ہے۔ ماہرین کے مطابق زیادہ ٹریفک کے باعث کچھ صارفین کو اپ ڈیٹ ڈاؤن لوڈ کرنے میں تاخیر ہو سکتی ہے۔
مزید پڑھیں: ایپل کا نیا آپریٹنگ سسٹم ریلیز، عام صارفین کو کب اور کیسے دستیاب ہوگا؟
اپ ڈیٹ کا سب سے نمایاں پہلو اس کا نیا ’لیکویڈ گلاس‘ ڈیزائن ہے، جس میں شفاف اور گلاس جیسے عناصر، گول کنارے والے مینو اور پاپ آؤٹ نیویگیشن شامل ہیں۔
بیٹا ورژن استعمال کرنے والوں نے اسے خوشگوار تبدیلی قرار دیا ہے، تاہم کچھ نے خدشہ ظاہر کیا ہے کہ شفاف ڈیزائن اور کمزور کنٹراسٹ کے باعث متن پڑھنے میں مشکل پیش آ سکتی ہے۔
ایپل نے آئی او ایس 26 میں کئی نئے فیچرز متعارف کرائے ہیں، جن میں:
لائیو ٹرانسلیشن (براہِ راست زبان کا ترجمہ)
متحرک لاک اسکرین آپشنز
کسٹم سنوز ٹائمر
مزید پڑھیں: ایپل موبائل آپریٹنگ سسٹم آئی او ایس 26 کی ریلیز کا اعلان، یہ جدید اپ ڈیٹ کن ماڈلز پر دستیاب ہوگا؟
ایک ہاتھ سے کیمرہ چلانے کا موڈ
فون ایپ کا نیا ڈیزائن
میسیجز میں پولز اور کسٹم بیک گراؤنڈ
ایپل گیمز کا نیا سیکشن
وژول انٹیلیجنس اور دیگر اپ گریڈز
ایپل کے مطابق یہ اپ ڈیٹ آئی فون 11 اور اس کے بعد آنے والے ماڈلز پر دستیاب ہے۔ اسی طرح، آئی پیڈ او ایس 26 صرف نئے ماڈلز پر دستیاب ہوگا۔
مزید پڑھیں: ’بھارت میں آئی فون کی پروڈکشن نہیں چاہتا‘، ڈونلڈ ٹرمپ کا ایپل کے سی ای او کو واضح پیغام
ایپل نے یہ بھی بتایا ہے کہ وژن پرو ہیڈسیٹ کے لیے وژن او ایس 26 اپ ڈیٹ جاری ہوگا، جس میں وی آر اور اے آر انٹرفیس کو مزید بہتر بنایا گیا ہے۔
کمپنی نے صارفین کو مشورہ دیا ہے کہ اپ ڈیٹ انسٹال کرنے کے لیے اپنے آئی فون کی سیٹنگز میں جنرل سیکشن کھول کر سافٹ ویئر اپ ڈیٹ چیک کریں۔ تاہم، کچھ فیچرز زبان یا خطے کی بنیاد پر فوری دستیاب نہیں ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی او ایس 26 ایپل آئی فون ایپل آئی فون 17
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار