ملک بھر میں سیلابی صورتحال: عوامی نمائندے عوام کی خدمت کیسے کر رہے ہیں؟
اشاعت کی تاریخ: 28th, August 2025 GMT
ملک کے مختلف حصوں میں مون سون شدید بارشوں اور دریاؤں میں طغیانی کے باعث آنے والے سیلاب کے بعد سیاسی قیادت متاثرہ علاقوں کے دورے کر رہی ہے اور امدادی سرگرمیوں کی نگرانی میں مصروف ہے۔
وزیر اعظم شہباز شریف20 اگست کو وزیراعظم محمد شہباز شریف نے خیبر پختونخوا کے سیلاب زدہ علاقوں کا دورہ کیا اس موقع پر فیلڈ مارشل جنرل عاصم منیر بھی ان کے ہمراہ تھے، وزیراعظم نے ریلیف آپریشنز کا جائزہ لیا اور متاثرین سے ملاقات کی۔ وزیراعظم نے اعلان کیا کہ حکومت ہر ممکن مدد فراہم کرے گی اور تمام وسائل متاثرہ عوام کے لیے بروئے کار لائے جائیں گے۔ آج وزیراعظم شہباز شریف نے وزیر اعلٰی پنجاب پنجاب مریم نواز کے ہمراہ پنجاب میں آنے والے سیلاب کا جائزہ لیا اور امدادی سرگرمیاں تیز کرنے کی ہدایت کی۔
وزیراعظم نے وفاقی وزرا کو بھی صوبہ پنجاب کے سیلاب سے متاثرہ علاقوں کا فوری دورہ کرنے اور امدادی سرگرمیوں کی نگرانی کرنے کی ہدایت کی ہے وزیراعظم نے وفاقی وزرا کو کہا ہے کہ وہ اپنے متعلقہ حلقوں میں موجود رہیں اور وہاں سیلاب زدہ علاقوں سے مکینوں کو انخلاء کرلیں اور ریسکیو کرنے کے عمل کی خود نگرانی کریں۔
وزرائے اعلیٰوزیراعلیٰ خیبرپختونخوا علی امین گنڈاپور نے سیلاب زدہ علاقوں کا دورہ کیا اور امدادی سرگرمیوں کا جائزہ لیا علی امید گنڈاپور نے سیلاب کے باعث ہونے والی نقصانات کے لیے بڑے معاوضے کا اعلان کیا، مرنے والوں کو 20 لاکھ فی کس، زخمیوں کو 5 لاکھ، مکمل تباہ شدہ گھروں کو 10 لاکھ جبکہ دکانوں کو 5 لاکھ روپے دینے کا اعلان کیا ہے، علی امین گنڈاپور نے سیلاب سے متاثرہ علاقوں بونیر اور صوابی پی ٹی آئی رہنماؤں کے ہمراہ دورہ کیا۔
وزیراعلیٰ پنجاب مریم نواز نے بھی آج سیلاب سے متاثرہ علاقوں کا دورہ کیا اور کشتی پر دریائے راوی کا شاہدرہ کے مقام پر جائزہ لیا، مریم نواز پنجاب نے کابینہ کے 12 وزراء کو مختلف اضلاع میں تعینات کیا اور وبائی وزراء کو فوری طور پر فیلڈ میں جانے کی ہدایات جاری کر دیں۔
وفاقی وزراء کی سرگرمیاںوفاقی وزیر منصوبہ بندی پروفیسر احسن اقبال رات گئے تک متاثرین کے درمیان موجود رہے۔ انہوں نے متاثرہ خاندانوں کے ساتھ وقت گزارا اور انہیں یہ یقین دہانی کرائی کہ ریاست ان کے ساتھ کھڑی ہے۔ پروفیسر احسن اقبال نے کرتار پور سے زائرین کے انخلاء کے عمل کی ذاتی نگرانی بھی کی۔
وفاقی وزیر مواصلات عبدالعلیم خان نے پنجاب کے مختلف علاقوں میں حفاظتی انتظامات کا جائزہ لیا اور میڈیا سے گفتگو کرتے ہوئے کہا کہ دریائے راوی سمیت کئی دریاؤں میں تشویشناک صورتحال ہے اور عوام کو احتیاط کی ضرورت ہے۔
وفاقی وزیر اطلاعات مریم اورنگزیب اور عظمیٰ بخاری نے شاہدرہ کے متاثرہ علاقوں کا دورہ کیا اور مقامی انتظامیہ سے بریفنگ لی۔
خیبر پختونخوا میں سرگرمیاںچیئرمین پی ٹی آئی بیرسٹر گوہر علی خان نے بونیر اور پیر بابا کے متاثرہ علاقوں کا دورہ کیا، امدادی کیمپوں میں گئے، متاثرین کے ساتھ کھانا کھایا اور ان کی حوصلہ افزائی کی۔ ان کے ہمراہ سینیٹر فیصل جاوید، سینیٹر ذیشان خانزادہ اور مقامی حکام بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امدادی سرگرمیاں سیلاب عوامی نمائندے وزرائے اعلیٰ وزیراعظم.ذریعہ: WE News
کلیدی لفظ: امدادی سرگرمیاں سیلاب عوامی نمائندے وزرائے اعلی علاقوں کا دورہ کیا متاثرہ علاقوں کا کا جائزہ لیا اور امدادی کے ہمراہ کیا اور
پڑھیں:
نٹالی بیکر کا دورہ قصور، سیلاب متاثرین سے ملاقاتیں
امریکی ناظم الامور نے دریائے ستلج سے ملحق سب سے زیادہ متاثرہ اضلاع میں سے ایک قصور میں امدادی کیمپوں میں بے گھر خاندانوں اور امدادی کارکنوں سے ملاقات کی، امریکی ناظم الامور نے متاثرہ افراد کی قوت مدافعت کو سراہا اور امدادی کارکنوں کی انتھک کوششوں کی بھی تعریف کی۔ اسلام ٹائمز۔ امریکی ناظم الامور نٹالی بیکر کا قصور میں فلڈ ریلیف کیمپ کا دورہ، سیلاب متاثرین سے ملاقاتیں، بچوں کو اٹھایا، پیار بھی کیا، سیلاب سے بحالی کی پاکستانی کوششوں کیلئے امریکی عزم کا اعادہ کیا۔ پنجاب کے ریلیف کمشنر نبیل جاوید کے ساتھ اپنی ملاقات میں ناظم الامور نٹالی بیکر نے پنجاب میں جاری ہنگامی کوششوں پر تبادلہ خیال کیا، ان کوششوں میں امریکہ کی جانب سے آفات کے دوران جان بچانے والی امدادی اشیاء کی فراہمی کو اجاگر کیا۔
امریکی ناظم الامور نے دریائے ستلج سے ملحق سب سے زیادہ متاثرہ اضلاع میں سے ایک قصور میں امدادی کیمپوں میں بے گھر خاندانوں اور امدادی کارکنوں سے ملاقات کی، ناظم الامور نٹالی بیکر نے متاثرہ افراد کی قوت مدافعت کو سراہا اور امدادی کارکنوں کی انتھک کوششوں کی بھی تعریف کی۔ انہوں نے کہا کہ میں ضلعی انتظامیہ کی انتہائی مربوط کوششوں کو سراہتی ہوں، اس بات کو یقینی بنایا کہ اس علاقے میں ایک بھی زندگی ضائع نہ ہو۔
امریکی ناظم الامور نٹالی بیکر نے لاہور میں آل پاکستان ٹیکسٹائل ملز ایسوسی ایشن (اے پی ٹی ایم اے) کے ممبران اور کاروبار، حکومت، آئی ٹی، تعلیم، آرٹس، ثقافت اور دیگر مختلف شعبوں سے تعلق رکھنے والے نوجوان پیشہ ور افراد سے بھی ملاقات کی۔
نٹالی بیکر نے تجارت اور اقتصادی ترقی کے لیے امریکی عزم پر زور دیا اور کہا کہ ہم امریکہ اور پاکستان دونوں ملکوں کے لوگوں کے لیے ملازمتوں کے مواقع پیدا کرنے اور خوشحالی کو فروغ دینے کے لیے بہترین امریکی ٹیکنالوجی، اختراعات اور کاروبار لانا چاہتے ہیں۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام