کولمبیا کے صدارتی امیدوار میگوئل اُریبی کے نوعمر قاتل کو 7 سال قید کی سزا
اشاعت کی تاریخ: 28th, August 2025 GMT
کولمبیا میں صدارتی امیدوار اور اپوزیشن رہنما میگوئل اُریبی پر فائرنگ کرنے والے 15 سالہ ملزم کو 7 سال کے لیے جُوینائل (نابالغوں کے اصلاحی مرکز) میں قید کی سزا سنا دی گئی ہے۔
پراسیکیوٹرز کے مطابق کم عمر حملہ آور کو ‘خصوصی اصلاحی مرکز میں 7 سال تک آزادی سے محروم’ رکھا جائے گا۔ ملزم پر قتل کی بجائے اقدامِ قتل اور غیر قانونی اسلحہ رکھنے کے الزامات عائد کیے گئے کیونکہ کولمبیا کے قانون کے تحت نابالغ ملزم کے خلاف فردِ جرم ایک بار طے ہوجانے کے بعد تبدیل نہیں کی جا سکتی۔
یہ بھی پڑھیے: کولمبیا کے صدارتی امیدوار انتخابی مہم کے دوران فائرنگ سے شدید زخمی، حالت نازک
یاد رہے کہ 39 سالہ میگوئل اُریبی کو جون میں انتخابی مہم کے دوران بوگوٹا میں گولی ماری گئی تھی۔ وہ دو ماہ تک اسپتال میں زیرِ علاج رہے اور 11 اگست کو دماغ میں خون بہنے کے باعث انتقال کر گئے۔
واقعے کی ویڈیوز میں دیکھا جا سکتا ہے کہ اُریبی ایک انتخابی جلسے سے خطاب کر رہے تھے کہ اچانک گولیوں کی آواز گونجی اور وہ خون میں لت پت زمین پر گر پڑے۔
ابتدائی تحقیقات کے مطابق حملہ آور نے اُریبی پر 3 گولیاں چلائیں، جن میں 2 سر پر لگیں۔ بعد ازاں اُریبی کے محافظوں نے ملزم کو زخمی حالت میں قابو کر کے پولیس کے حوالے کیا۔
یہ بھی پڑھیے: کولمبیا یونیورسٹی کا ٹرمپ انتظامیہ سے 221 ملین ڈالر کے تصفیے پر اتفاق
اس واقعے کے بعد 5 بالغ افراد کو بھی سنگین قتل کے الزام میں گرفتار کیا گیا ہے، تاہم اب تک یہ واضح نہیں ہو سکا کہ حملے کا حکم کس نے دیا اور مقصد کیا تھا۔
یہ واقعہ کولمبیا کی اُس خونی سیاسی تاریخ کی یاد دلاتا ہے جب بیسویں صدی کے دوسرے نصف میں 5 صدارتی امیدواروں کو قتل کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سزا صدارتی امیدوار قتل کولمبیا.
ذریعہ
ذریعہ: WE News
کلیدی لفظ: صدارتی امیدوار قتل کولمبیا صدارتی امیدوار
پڑھیں:
کوٹ عبدالمالک: بیٹی‘ سابق بیوی پر تشدد‘ تیزاب پھینک دیا‘ دونوں جھلس گئیں
فیروزوالہ (نامہ نگار) شرقپور خورد کوٹ عبدالمالک میں ایک شخص وقاص احمد نے بیوٹی پارلر پر جا کر سابقہ بیوی مسرت بی بی اور جواں سال بیٹی ایمان فاطمہ کو تشدد کا نشانہ بنانے کے بعد تیزاب پھینک دیا جس سے مسرت بی بی جسم پر تیزاب پڑنے سے بری طرح جھلس گئی جبکہ ایمان فاطمہ معمولی زخمی ہوئی۔ دریں اثناء ایس ایچ او کوٹ عبدالمالک نے بتایا ہے کہ ملزم وقاص احمد نشہ کا عادی ہے۔ وقوعہ کے وقت وقاص احمد اپنی بیٹی ایمان فاطمہ کو ملنے کی خاطر سابقہ بیوی مسرت بی بی کے بیوٹی پارلر پر آیا جہاں مسرت بی بی نے بیٹی کو ملانے سے انکار کر دیا۔ ملزم شیخوپورہ کے قریب قصبہ بھکھی میں رہ رہا ہے جس کو گرفتار کرنے کی خاطر اس کے تمام ممکنہ ٹھکانوں پر چھاپے مارے جا رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ