مشہور ہالی ووڈ اداکارہ شوٹنگ کے دوران خطرناک حادثے کا شکار
اشاعت کی تاریخ: 30th, August 2025 GMT
نیویارک (شوبز ڈیسک) ہالی ووڈ اسٹار اینی ہتھاوے اپنی نئی فلم ’’دی ڈیول ویئرز پرادا ٹو‘‘ کے سیکوئل کی شوٹنگ کے دوران سیڑھیوں سے گر کر زخمی ہوگئیں۔
حادثہ اس وقت پیش آیا جب اداکارہ فلم کے ایک سین کی عکس بندی کر رہی تھیں۔ سوشل میڈیا پر اینی ہتھاوے کے گرنے کی تصاویر تیزی سے وائرل ہوئیں۔ تصاویر میں دیکھا جا سکتا ہے کہ ان کا پاؤں بری طرح مڑ گیا تھا۔
حادثے کے فوراً بعد اداکارہ اٹھ گئیں اور کہا کہ وہ بالکل ٹھیک ہیں۔ اس کے باوجود مداح ان کی صحت کے حوالے سے پریشان دکھائی دیے اور بڑی تعداد میں نیک تمناؤں کا اظہار کیا۔
View this post on InstagramA post shared by Page Six (@pagesix)
یہ تاثر بھی سامنے آیا ہے کہ گرنا فلم کی اسکرپٹ کا حصہ تھا یا حقیقی حادثہ، تاہم اس کی تصدیق نہیں ہو سکی۔
یاد رہے کہ اینی ہتھاوے کو ہالی ووڈ واک آف فیم اسٹار کا اعزاز حاصل ہے اور وہ متعدد سپر ہٹ فلموں میں اپنی اداکاری کے جوہر دکھا چکی ہیں۔
Post Views: 6.ذریعہ: Daily Mumtaz
پڑھیں:
مارشل آرٹس اسٹار راشد نسیم نے مزید 4 نئےعالمی ریکارڈز بنا ڈالے
پاکستان کے لیے سب سے زیادہ عالمی ریکارڈز بنانے والے لیجنڈ مارشل آرٹس اسٹار راشد نسیم نے رومانیہ میں بھی مزید 4 نئے عالمی ریکارڈ بنا ڈالے۔
موصولہ اطلاعات کے مطابق رومانیہ کے معروف انٹرنیشنل ٹی وی شو دی ٹکٹ میں راشد نسیم نے ایک بار پھر سب کو حیران کر دیا۔
راشد نسیم نے ایک ہی پروگرام میں 4 ناقابلِ یقین ورلڈ ریکارڈز بناکر دنیا بھر میں قومی پرچم بلند کر دیا۔
تمام ججز راشد نسیم کی رفتار، طاقت اور مہارت سے دنگ رہ گئے جبکہ شرکاء کے چہروں پر حیرت، جوش اور خوف کے تاثرات نمایاں نظر آئے۔
راشد نسیم نے اپنی پرفارمنس کا آغاز کہنی کے ساتھ کنکریٹ بلاک توڑنے سے کیا، پھر آنکھوں پر پٹی باندھ کر طاقتور ضربوں سے کین کرش کیے، تیسری شاندار کوشش میں راشد نسیم نے سر کی مدد سے لوہے کی کیل ٹھونکی اور پھر ناریل توڑنے اور کولڈ ڈرنک کین کرش کرنے کا مظاہرہ کیا۔
پروگرام کے اختتام پر راشد نسیم نے پاکستانی ثقافت کی نمائندگی کرتے ہوئے ججز اور شرکاء کو سندھی اجرک پیش کی جسے بے حد پسند کیا گیا۔
راشد نسیم اس سے قبل اٹلی، جرمنی، اسپین، کوریا، چین، سنگاپور اور رومانیہ سمیت کئی ممالک میں اپنی ناقابلِ یقین صلاحیتوں کا لوہا منوا چکے ہیں۔
راشد نسیم واحد پاکستانی ہیں جو بغیر کسی حکومتی سرپرستی کے عالمی سطح پر ملک کا نام روشن کر رہے ہیں۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں