پاکستان کی سی فوڈ برآمدات کو امریکی مارکیٹ میں 4 سال کی توسیع مل گئی
اشاعت کی تاریخ: 30th, August 2025 GMT
پاکستان کو امریکا کو سی فوڈ مصنوعات برآمد کرنے کی اجازت میں مزید 4 سال کی توسیع مل گئی ہے۔
اعداد و شمار کے مطابق پاکستان کی امریکا کے لیے سی فوڈ برآمدات مالی سال 2025 میں 46 کروڑ 50 لاکھ ڈالر تک پہنچ گئی ہیں، جو گزشتہ سال کے مقابلے میں قیمت کے لحاظ سے 13.4 فیصد اور مقدار کے اعتبار سے 8 فیصد زیادہ ہے، یہ معلومات پاکستان بیورو آف اسٹاٹسٹکس نے جولائی میں جاری کی تھیں۔
یہ بھی پڑھیں: پاکستان اور امریکا کے درمیان سرمایہ کاری اور تجارتی تعلقات میں مزید اضافہ ہوگا، بلال اظہر کیانی
وزارتِ بحری امور کے بیان میں کہا گیا ہے کہ امریکی ادارہ نیشنل اوشینک اینڈ ایٹموسفیرک ایڈمنسٹریشن (این او اے اے) نے پاکستان کی تمام ماہی گیری کمپنیوں کو اپنی فارن فشرریز لسٹ میں شامل کر کے میرین ممل پروٹیکشن ایکٹ (ایم ایم پی اے) کے تحت ’قابلِ موازنہ‘ قرار دیا ہے۔
وزیر بحری امور جنید انور چوہدری کے مطابق اس تصدیق سے یہ واضح ہوتا ہے کہ پاکستان کی ماہی گیری امریکی معیارات کے مطابق ہے، جو سمندری ممالیہ کو ماہی گیری کے دوران حادثاتی اموات اور شدید زخمی ہونے سے بچانے کے لیے بنائے گئے ہیں۔
بیان میں مزید کہا گیا کہ ایم ایم پی اے کے تحت ماہی گیری اداروں کو سمندری ممالیہ کے حادثاتی شکار کو کم کرنے، ماحولیاتی تحفظ کے طریقے اپنانے اور پائیدار اقدامات کے تحت سمندری ماحولیاتی نظام کی صحت برقرار رکھنے کی ہدایت کی جاتی ہے۔
وزیر بحری امور نے کہاکہ یہ فیصلہ پاکستان کے سی فوڈ کے معیار کو بین الاقوامی سطح پر تسلیم کرنے کا ثبوت ہے اور اس سے شعبے کو طویل المدتی استحکام حاصل ہوگا۔
انہوں نے کہاکہ اس 4 سالہ توسیع سے عالمی مارکیٹ میں پاکستان کی پوزیشن مستحکم ہوگی اور امریکہ کے لیے رسائی یقینی بنے گی، جو دنیا کے سب سے بڑے سی فوڈ درآمد کنندگان میں شامل ہے۔
وزارتِ بحری امور کے مطابق موجودہ عالمی منڈی میں سی فوڈ کی قیمت قریباً 2 ڈالر فی کلوگرام ہے اور اس بین الاقوامی منظوری کے بعد قیمت میں اضافے کا امکان ہے، جس سے یورپ اور خلیج کے ممالک میں نئی مارکیٹیں کھلنے کے امکانات بڑھ جائیں گے۔
اعلامیے کے مطابق پاکستان نے 2 لاکھ 42 ہزار 484 میٹرک ٹن سی فوڈ مصنوعات 48 کروڑ 92 لاکھ ڈالر میں برآمد کیں، اور آئندہ سال یہی حجم قریباً 60 کروڑ ڈالر تک پہنچنے کی توقع ہے۔
وزیر بحری امور نے کہا کہ یہ منظوری پاکستان کی جانب سے کمرشل فشرریز کو ریگولیٹ کرنے، پائیدار ماہی گیری کے عمل کو یقینی بنانے اور بین الاقوامی ماحولیاتی معیارات سے ہم آہنگی کی کوششوں کی توثیق ہے۔
انہوں نے امریکا کی منڈی میں ملین ڈالر مالیت کی برآمدات کے تحفظ اور ذمہ دار و پائیدار ماہی گیری کے انتظام میں پاکستان کی ساکھ بہتر بنانے کی اہمیت پر بھی زور دیا۔
محمد جنید انور چوہدری نے کہا کہ سمندری ممالیہ کی آبادی کے تحفظ کے اقدامات مزید مضبوط کیے جائیں تاکہ سمندری حیاتیاتی تنوع کی طویل مدتی صحت یقینی بنائی جا سکے۔
وزارتِ تجارت کے مطابق حکومت نے امریکا کے ساتھ ٹیرف میں کامیاب مذاکرات کیے اور ٹیرف کو خطے میں سب سے کم کر کے پاکستانی برآمد کنندگان کے لیے مسابقتی فائدہ حاصل کیا۔
یہ بھی پڑھیں: امریکا کو پاکستانی برآمدات میں 10 فیصد اضافہ، تجارتی سرپلس 4 ارب ڈالر سے زیادہ
وفاقی وزیر تجارت جام کمال نے کہا کہ نیا ٹیرف ڈھانچہ برآمدات بڑھانے کے لیے بہترین موقع فراہم کرتا ہے اور حکومت کی اقتصادی ٹیم اور نجی شعبے کی مشترکہ کوششوں کی تعریف کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی منڈی پاکستان امریکا تجارتی معاہدہ پاکستان امریکا تعلقات پاکستان کی کامیابی سی فوڈ برآمدات وی نیوز.ذریعہ: WE News
کلیدی لفظ: امریکی منڈی پاکستان امریکا تجارتی معاہدہ پاکستان امریکا تعلقات پاکستان کی کامیابی سی فوڈ برا مدات وی نیوز پاکستان کی ماہی گیری کے مطابق سی فوڈ کے لیے نے کہا
پڑھیں:
امریکا نے چین کی معدنی بالادستی کے توازن کیلئے پاکستان سے مدد طلب کرلی
امریکا نے چین کی معدنی بالادستی کے توازن کیلئے پاکستان سے مدد طلب کرلی WhatsAppFacebookTwitter 0 1 November, 2025 سب نیوز
اسلام آباد (سب نیوز )امریکی وفد نے اسلام آباد میں پاکستانی حکام سے ملاقات کی تاکہ امریکی صنعت کے لیے محفوظ اور شفاف معدنی سپلائی چینز قائم کرنے کے امکانات پر بات کی جاسکے، کیونکہ واشنگٹن کی عالمی نایاب معدنیات پر چین کی بالادستی کے بارے میں تشویش بڑھ رہی ہے۔ امریکی وفد کی سربراہی رابرٹ لوئس اسٹریئر دوم کر رہے تھے، جو امریکی حکومت کے تعاون سے قائم کردہ کریٹیکل منرلز فورم (سی ایم ایف) کے صدر ہیں۔ سرکاری بیان کے مطابق ملاقات میں معدنیات اور کان کنی کے شعبے میں تعاون کے امکانات، سپلائی چین کے تحفظ کو مضبوط بنانے اور پاکستان کے کریٹیکل منرلز کے شعبے میں ذمہ دار اور پائیدار سرمایہ کاری کے فروغ پر تبادلہ خیال کیا گیا۔
یہ ملاقات اس وقت ہوئی ہے جب امریکا اور بھارت نے دفاعی تعاون کے لیے 10 سالہ فریم ورک معاہدے کا اعلان کیا ہے۔کریٹیکل منرلز فورم کی توجہ اسٹریٹجک خطرے پر مرکوز ہے، جو بیجنگ کے ان وسائل پر کنٹرول سے پیدا ہوا ہے، اسٹریئر نے سی ایم ایف کی ویب سائٹ پر اپنے واحد مضمون میں لکھا کہ چین کا کریٹیکل منرل سپلائی چینز پر غلبہ امریکی قومی سلامتی، اقتصادی مسابقت اور طویل المدتی اسٹریٹجک مقاصد کے لیے ایک بڑا خطرہ بن چکا ہے۔اسٹریئر نے پاکستان کو بتایا کہ سی ایم ایف دنیا بھر، خصوصا ابھرتی ہوئی منڈیوں میں امریکی صنعت کے لیے قابلِ اعتماد سپلائی چینز کے قیام پر کام کر رہا ہے۔
انہوں نے کہا کہ فورم کی توجہ نایاب اور مخصوص دھاتوں پر مرکوز ہے جن میں تانبا اور اینٹیمونی شامل ہیں اور اس کا مقصد مالی اور سلامتی کے نقطہ نظر سے سرمایہ کاری کے خطرات کو کم کرنا ہے۔انہوں نے ٹیکنالوجی کی منتقلی، دانشورانہ املاک کے تحفظ اور امریکی نجی سرمایہ کاروں کے اعتماد کے فروغ کے لیے تعاون کے عزم کا اظہار بھی کیا۔بیان کے مطابق اسٹریئر نے اعتراف کیا کہ امریکا، پاکستان کے سائنس، انجینئرنگ اور ریاضی کے شعبوں میں موجود ٹیلنٹ کو ایک مسابقتی برتری سمجھتا ہے اور پاکستان کو مستقبل میں کریٹیکل منرلز کی ترقی کا مرکز بننے کی صلاحیت رکھتا ہے۔وفد کے ہمراہ موجودہ اسلام آباد میں امریکی ناظم الامور نیٹلی بیکر نے کہا کہ امریکی سفارت خانہ پاکستان میں امریکی تجارتی مصروفیات کی حمایت کرتا ہے اور معدنیات کے شعبے میں مضبوط سرمایہ کار اعتماد اور مثر ریگولیٹری فریم ورک کی اہمیت پر زور دیتا ہے۔جواب میں وزیرِ خزانہ محمد اورنگزیب نے کہا کہ پاکستان اہم قانونی و ضابطہ جاتی اصلاحات پر کام کر رہا ہے اور منظم تجاویز کا خیرمقدم کرے گا۔
انہوں نے کہا کہ ہم آپ کو دعوت دیتے ہیں کہ تعاون کے لیے ایک تفصیلی فریم ورک کے ساتھ واپس آئیں، پاکستان اسے ذمہ دار سرمایہ کاری اور باہمی مفاد کو یقینی بنانے کے تناظر میں جانچے گا۔انہوں نے مزید کہا کہ پاکستان ایک پیچیدہ جغرافیائی سیاسی منظرنامے میں توازن قائم کر رہا ہے اور اپنی مضبوط شراکت داریوں کو اجاگر کر رہا ہے۔ان کا کہنا تھا کہ پاکستان آج عالمی تعلقات کے ایک تعمیری موڑ پر کھڑا ہے، پاکستان۔امریکا تعلقات میں نئی جان، چین کے ساتھ آزمودہ تعلقات اور سعودی عرب کے ساتھ تعاون اس کی مثال ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمت میں کمی ، فی تولہ کتنے کا ہوگیا؟ ایوب خان کے پڑپوتے کے گھر چوری، سابق صدر کی یادگار اشیاء بھی غائب خطے میں کسی نے بدمعاشی ثابت کی تو پاکستان بھرپور جواب دے گا: ملک احمد خان بھارتی خفیہ ایجنسی نے پاکستانی مچھیرے کو پیسوں کا لالچ دیکر اپنے لیے کام کرنے پر آمادہ کیا، عطا تارڑ کشمیر کی آزادی ناگزیر، بھارت میں مسلمانوں پر مظالم کا بازار گرم ہے: صدر مملکت ڈی جی این سی سی آئی اے نے ضبط تمام جائیدادوں،گاڑیوں کی تفصیلات مانگ لیں وائٹ ہاؤس میں صحافیوں کے داخلے پر نئی پابندیاں عائدCopyright © 2025, All Rights Reserved
رابطہ کریں ہماری ٹیم
ڈی جی این سی سی آئی اے وقار الدین سید کو عہدے سے ہٹا دیا گیا