واٹس ایپ میں جلد ایک اہم فیچر متعارف ہونے والا ہے
اشاعت کی تاریخ: 1st, September 2025 GMT
واٹس ایپ اپنی اسٹیٹس فیچر کو مزید پرائیویٹ بنانے پر کام کر رہا ہے اور جلد ایسا فیچر متعارف کرا سکتا ہے جس کے ذریعے صارفین اپنی اسٹیٹس اپ ڈیٹس صرف منتخب ’قریبی دوستوں‘ کے ساتھ شیئر کر سکیں گے۔ یہ فیچر انسٹاگرام کے ’کلوز فرینڈز‘ اسٹوریز جیسا ہوگا۔
فیچر ٹریکر WABetaInfo کے مطابق، آئی او ایس بیٹا ورژن 25.
ایک اسکرین شاٹ میں دکھایا گیا ہے کہ اسٹیٹس آڈینس مینو میں اب ’کلوز فرینڈز‘ کا نیا آپشن بھی شامل ہوگا۔ صارفین اپنی پسند کے مخصوص کانٹیکٹس اس فہرست میں شامل کر سکیں گے۔
فی الحال واٹس ایپ پر صارفین کے پاس 3 آپشنز موجود ہیں: اسٹیٹس تمام کانٹیکٹس کے ساتھ شیئر کرنا، مخصوص افراد کو خارج (Exclude) کرنا یا صرف منتخب افراد کے ساتھ شیئر کرنا۔ تاہم نئے فیچر کے ذریعے قریبی دوستوں کے لیے الگ لسٹ بنائی جا سکے گی، جس میں اپ لوڈ ہونے والا اسٹیٹس صرف انہی کو نظر آئے گا۔
انسٹاگرام کی طرح، یہ اسٹیٹس اپ ڈیٹس بھی ایک خاص ویژوئل اشارے کے ساتھ نمایاں ہوں گے۔ انسٹاگرام پر کلوز فرینڈز اسٹوریز سبز رنگ کے حلقے (Green Ring) سے پہچانی جاتی ہیں، جبکہ واٹس ایپ بھی اس طرز کا انڈیکیٹر متعارف کرانے کا ارادہ رکھتا ہے۔ اس کے علاوہ، کلوز فرینڈز کی فہرست کو خفیہ رکھا جائے گا، یعنی اگر کوئی کانٹیکٹ شامل یا خارج کیا جائے تو اس کے متعلق دوسروں کو اطلاع نہیں دی جائے گی۔
یہ فیچر اسٹیٹس اپ ڈیٹس پر ہی لاگو ہوگا جو تبدیلی کے بعد شیئر کیے جائیں گے، جبکہ پرانے اسٹیٹس اپ ڈیٹس پر اس کا اطلاق نہیں ہوگا۔ باقی تمام اسٹیٹس کی طرح قریبی فرینڈز اسٹیٹس بھی 24 گھنٹے بعد خود بخود غائب ہو جائیں گے۔
دلچسپ بات یہ ہے کہ یہ فیچر اس وقت سامنے آیا ہے جب واٹس ایپ نے حال ہی میں آئی او ایس صارفین کے لیے نیا اے آئی ٹول متعارف کرایا ہے، جو متن کو مختلف انداز اور وضاحت کے ساتھ دوبارہ لکھنے کی سہولت فراہم کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: کلوز فرینڈز واٹس ایپ کے ساتھ
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
بھارت سے جنگ اور افغانستان میں کارروائی خارج ازامکان نہیں، وزیردفاع