26 سالہ عاشق نے 52 سالہ محبوبہ کا قتل کردیا
اشاعت کی تاریخ: 3rd, September 2025 GMT
بھارتی ریاست اترپردیش کے ضلع مین پوری میں ایک 26 سالہ نوجوان نے اپنی 52 سالہ انسٹاگرام دوست اور 4 بچوں کی ماں کو قتل کر دیا۔ پولیس کے مطابق نوجوان نے خاتون کو اس لیے قتل کیا کیونکہ وہ اسے شادی پر مجبور کر رہی تھیں اور ساتھ ہی تقریباً ڈیڑھ لاکھ روپے کی رقم واپس کرنے کا تقاضا بھی کر رہی تھیں جو اس نے قرض لیا تھا۔
پولیس کا کہنا ہے کہ ملزم ارون راجپوت اور مقتولہ کا رابطہ انسٹاگرام پر ہوا تھا۔ دونوں تقریباً ڈیڑھ سال سے رابطے میں تھے اور 2 ماہ قبل انہوں نے ایک دوسرے کے فون نمبر حاصل کر کے باقاعدہ بات چیت شروع کی تھی۔ اس دوران وہ کئی بار بالمشافہ بھی ملے۔
یہ بھی پڑھیے بھارت: بیٹی کو قتل کرکے خود کشی کا رنگ دینے والا باپ گرفتار
11 اگست کو خاتون فرخ آباد سے مین پوری پہنچی جہاں وہ ارون راجپوت سے ملی۔ اس دوران جب خاتون نے دوبارہ شادی اور قرض کی واپسی کا مطالبہ کیا تو ملزم نے غصے میں آکر اس کا دوپٹہ لے کر گلا گھونٹ دیا۔
قتل کے بعد اس نے خاتون کا موبائل فون چھین کر سم کارڈ پھینک دیا۔ پولیس نے فون برآمد کر کے ان کے درمیان ہونے والی گفتگو اور پیغامات بھی حاصل کر لیے ہیں۔
مین پوری کے سپرنٹنڈنٹ آف پولیس ارون کمار سنگھ کے مطابق، خاتون کی لاش 11 اگست کو کپراری گاؤں کے قریب ملی تھی، جس پر گلے دبانے کے نشانات واضح تھے۔
یہ بھی پڑھیے ٹک ٹاک انفلوئنسر پورے خاندان سمیت قتل
پوسٹ مارٹم میں بھی تصدیق ہوئی کہ موت گلا دبانے سے ہوئی۔ خاتون کی شناخت بعد میں فرخ آباد کی رہائشی کے طور پر کی گئی، جب ان کے لاپتہ ہونے کی شکایت ملی۔
ملزم نے پولیس کو یہ بھی بتایا کہ خاتون اپنی اصل عمر چھپانے کے لیے انسٹاگرام پر فلٹرز استعمال کرتی تھیں تاکہ وہ کم عمر دکھائی دیں، لیکن پہلی ملاقات میں اسے ان کی اصل عمر اور شادی شدہ ہونے کا علم ہوا۔ یہی وجہ تھی کہ وہ ان سے شادی نہیں کرنا چاہتا تھا۔
پولیس نے ملزم کو گرفتار کر کے مقدمہ درج کر لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتر پردیش بھارت محبوبہ کا قتل.
ذریعہ
ذریعہ: WE News
کلیدی لفظ: اتر پردیش بھارت محبوبہ کا قتل
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان