بڑے ایٹمی ذخائررکھنے والے ممالک تخفیف اسلحہ کے عملی اقدامات کریں‘ چین
اشاعت کی تاریخ: 6th, September 2025 GMT
امریکا اور روس کا بیجنگ کوایٹمی تخفیفِ اسلحہ مذاکرات میں شامل کرنے کا مطالبہ ’غیر منطقی اور غیر حقیقی ہے‘ترجمان چینی دفتر خارجہ
بیجنگ (جسارت ویب) چین نے کہا ہے کہ امریکا اور روس کی جانب سے بیجنگ کو ایٹمی تخفیفِ اسلحہ مذاکرات میں شامل کرنے کا مطالبہ غیر منطقی اور غیر حقیقی ہے۔ چینی وزارتِ خارجہ کے ترجمان گو جیاکن نے پریس کانفرنس میں کہا کہ چین اور امریکا کے ایٹمی ہتھیاروں کی صلاحیتوں میں کوئی موازنہ نہیں کیا جا سکتا، دونوں ممالک کا اسٹریٹجک ماحول اور ایٹمی پالیسی بھی بالکل مختلف ہے۔
انہوں نے واضح کیا کہ چین “ایٹمی ہتھیاروں کے پہلے استعمال نہ کرنے” کی پالیسی پر سختی سے عمل پیرا ہے اور صرف دفاعی حکمتِ عملی کے تحت ایٹمی طاقت رکھتا ہے۔ گو جیاکن نے مزید کہا کہ بیجنگ کسی بھی ملک کے ساتھ ہتھیاروں کی دوڑ میں شامل نہیں ہوگا۔
ترجمان کے مطابق “جن ممالک کے پاس سب سے بڑے ایٹمی ذخائر ہیں، ان پر یہ خصوصی ذمہ داری عائد ہوتی ہے کہ وہ عملی طور پر ایٹمی تخفیفِ اسلحہ کے اقدامات کریں۔
واضح رہے کہ ٹرمپ نے جنوبی کوریا کے صدر لی جے میونگ سے ملاقات سے قبل میڈیا سے گفتگو میں کہا تھا کہ “ہم روس اور چین دونوں کے ساتھ ایٹمی ہتھیاروں میں کمی کے معاملات پر بات کر رہے ہیں کیونکہ یہ انتہائی اہم معاملہ ہے۔”
ماہرین کے مطابق چین کے پاس ایٹمی ہتھیاروں کی تعداد امریکا اور روس کے مقابلے میں نہایت کم ہے۔ واشنگٹن اور ماسکو کے پاس ہزاروں ایٹمی وارہیڈز موجود ہیں جبکہ بیجنگ کا ذخیرہ محدود ہے، اسی لیے چین کا مؤقف ہے کہ بڑے ایٹمی طاقتور ممالک کو سب سے پہلے اپنے ذخائر کم کرنے چاہئیں۔
TagsImportant News from Al Qamar.ذریعہ: Al Qamar Online
کلیدی لفظ: ایٹمی ہتھیاروں
پڑھیں:
"یہ عرب-اسلامی سمٹ میں واحد ملک ہے جو ایٹمی طاقت ہے " قطر میں ہونے والے اجلاس میں وزیر اعظم شہباز شریف کی تقریر سے قبل الجزیرہ کے اینکر کی جانب سے پاکستان کا تعارف
دوحہ(ڈیلی پاکستان آن لائن)قطر میں ہونے والے ہنگامی عرب-اسلامی سربراہی اجلاس کے آغاز پر وزیر اعظم محمد شہباز شریف کی تقریر سے قبل الجزیرہ کے اینکر نے پاکستان کا تعارف اس الفاظ میں کروایا کہ یہ عرب-اسلامی سمٹ میں واحد ملک ہے جو ایٹمی طاقت ہے اور جس کے پاس ایٹمی ہتھیار موجود ہیں۔
واضح رہے کہ اس اجلاس کے سائیڈ لائن پر وزیراعظم شہباز شریف کی سعودی ولی عہد محمد بن سلمان اور ترک صدر رجب طیب اردوان سے ملاقاتیں ہوئیں اور خوشگوار جملوں کا تبادلہ ہوا۔وزیراعظم شہباز شریف کی امیر قطر، فلسطینی صدر محمود عباس، تاجکستان اور مصر کے صدور سے بھی ملاقاتیں ہوئیں۔اعلامیے کے مطابق وزیراعظم نے امہ کو متحد کرنے میں سعودی ولی عہد کی دانشمندانہ قیادت کی تعریف کی۔
قوانین میں کہیں بھی ہاتھ ملانے کی شرط درج نہیں،بھارتی کرکٹ بورڈ
جب وزیراعظم محمد شہباز شریف کی تقریر کے آغاز پر الجزیرہ کے اینکر نے پاکستان کا تعارف اس طرح کروایا کہ
“یہ عرب اسلامی سمٹ میں واحد ملک ہے جو ایٹمی طاقت ہے اور جس کے پاس ایٹمی ہتھیار موجود ہیں۔” pic.twitter.com/ufUkRURVtZ
مزید :
بھارتی بورڈ کی دولت میں 5برس کے دوران کروڑوں روپے کا اضافہ