والد کے انتقال کے اگلے ہی دن پرفارمنس، تنقید کرنے والوں کو عاطف اسلم نے کیا جواب دیا؟
اشاعت کی تاریخ: 7th, September 2025 GMT
عاطف اسلم کے والد اگست میں انتقال کر گئے تھے۔ گلوکار نے انسٹاگرام پر والد کو خراجِ عقیدت پیش کرتے ہوئے ایک جذباتی تصویر شیئر کی، جس میں وہ اپنے والد کے گال پر بوسہ دے رہے ہیں۔
ساتھ ہی انہوں نے لکھا کہ ’میرا آئرن مین، آخری الوداع۔ اللہ آپ کو جنت الفردوس میں جگہ دے‘۔
تاہم صرف 2 دن بعد ہی عاطف اسلم کراچی کے نیشنل اسٹیڈیم میں یومِ آزادی کنسرٹ میں اسٹیج پر نظر آئے۔
جہاں کئی لوگوں نے ان کے حوصلے اور پروفیشنلزم کو سراہا، وہیں کچھ افراد نے ان پر سخت تنقید کی کہ انہوں نے غم کے باوجود شو کیوں منسوخ نہ کیا۔
تنقید کا جوابایک حالیہ انٹرویو میں عاطف اسلم نے واضح الفاظ میں کہا کہ ’میرا کام یہ نہیں کہ میں سب کو اپنے حالات سمجھاؤں۔ میرا کام صرف آرٹ تخلیق کرنا ہے۔
یہ بھی پڑھیں:والد کے انتقال کے باوجود عاطف اسلم کی پرفارمنس، صارفین کی تنقید
مجھے میری موسیقی پر پسند کریں یا ناپسند، لیکن مجھے یہ مت بتائیں کہ مجھے کیا کرنا چاہیے‘۔
انہوں نے مزید کہا کہ بعض لوگ ان کے دکھ کو اپنی شہرت کے لیے استعمال کر رہے ہیں۔یہ لوگ اپنے چینل چلانے کے لیے کہانیاں گھڑ رہے تھے۔
والد کی یادیں اور موسیقی سے رشتہعاطف اسلم نے والد کے ساتھ اپنی جذباتی وابستگی کو یاد کرتے ہوئے کہا کہ میں نے کبھی اپنے والد کو روتے نہیں دیکھا، لیکن جب انہوں نے پہلی بار میرا کوک اسٹوڈیو پر پڑھا ہوا ’تاجدارِ حرم‘ سنا تو وہ آبدیدہ ہوگئے۔
انہوں نے بتایا کہ بچپن میں ان کے والد اکثر صابری برادران کی یہی قوالی سناتے اور سب کو ساتھ بٹھا کر دیکھنے پر مجبور کرتے۔
عاطف کے مطابق وہ اس وقت شاید نہ سمجھ سکے، لیکن بعد میں انہیں والد کی روحانی وابستگی کا احساس ہوا۔
یہ بھی پڑھیں:عاطف اسلم کے کنسرٹ روکنے پر گورنر سندھ کامران ٹیسوری نے کیوں آستینیں چڑھا لیں؟
والد کو اپنی اصل تحریک قرار دیتے ہوئے انہوں نے کہا کہ جس نے اپنا والد کھو دیا، وہ کسی اور نقصان سے نہیں ڈرتا۔ یہی میرا حوصلہ اور بغاوت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انتقال عاطف اسلم عاطف اسلم والد گلوکار.
ذریعہ
ذریعہ: WE News
کلیدی لفظ: انتقال عاطف اسلم والد گلوکار انہوں نے والد کے کہا کہ
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا