فلسطین کے حق میں احتجاج، لندن میں 890 افراد گرفتار
اشاعت کی تاریخ: 7th, September 2025 GMT
برطانیہ میں فلسطینیوں کے حق میں ہونے والے احتجاجی مظاہرے کے دوران پولیس نے 890 افراد کو گرفتار کرنے کی تصدیق کی ہے۔ لندن میں ہونے والے اس مظاہرے کا مرکزی مطالبہ ‘فلسطین ایکشن’ تنظیم پر عائد پابندی کو ختم کرنا تھا۔
برطانوی پولیس کے مطابق، گرفتار ہونے والوں میں سے 857 افراد کو صرف اس تنظیم کی حمایت کرنے کی بنیاد پر حراست میں لیا گیا، جب کہ باقی 33 افراد کو مختلف نوعیت کے جرائم میں گرفتار کیا گیا، جن میں سے 17 پر پولیس اہلکاروں پر حملے کا الزام ہے۔
مظاہرے سے پہلے وارننگ جاری کی گئی تھی
پولیس کا کہنا ہے کہ مظاہرے سے قبل ہی واضح کر دیا گیا تھا کہ اگر کوئی بھی فرد ’فلسطین ایکشن‘ کی حمایت کرتا پایا گیا تو اسے گرفتار کیا جائے گا۔ حکام کا موقف تھا کہ یہ تنظیم اب قانون کے تحت ممنوع قرار دی جا چکی ہے۔
فلسطین ایکشن پر پابندی کیوں لگائی گئی؟
یاد رہے کہ ’فلسطین ایکشن‘ نامی گروپ نے برطانیہ کی جانب سے اسرائیل کو عسکری مدد فراہم کرنے کے خلاف شدید ردِعمل ظاہر کیا تھا۔ جولائی میں اس گروپ کے چند اراکین نے رائل ایئر فورس کے ایک فوجی اڈے میں گھس کر طیاروں کو نقصان پہنچایا تھا۔ اس واقعے کے بعد برطانوی حکومت نے تنظیم پر انسدادِ دہشت گردی قوانین کے تحت پابندی عائد کر دی۔
شہریوں کا ردعمل
احتجاج میں شریک افراد کا کہنا ہے کہ فلسطین ایکشن ایک سیاسی مزاحمتی تنظیم ہے، اور اس پر پابندی لگانا آزادی اظہار پر قدغن کے مترادف ہے۔ سوشل میڈیا پر بھی اس فیصلے کے خلاف آوازیں بلند کی جا رہی ہیں، جہاں حکومت پر دوہرا معیار اپنانے اور سیاسی اختلاف کو دبانے کے الزامات لگائے جا رہے ہیں۔
ذریعہ: Daily Mumtaz
کلیدی لفظ: فلسطین ایکشن
پڑھیں:
برطانیہ : ٹرین میں چاقو کے حملے میں 10 افراد زخمی، 2 مشتبہ افراد گرفتار
data-id="863a0a8" data-element_type="widget" data-widget_type="theme-post-content.default">
برطانیہ کے علاقے کیمرج شائر میں ٹرین پر تیز دھار آلے سے کیے گئے حملے میں 10 افراد زخمی ہو گئے، جن میں سے 9 کی حالت تشویشناک بتائی جا رہی ہے۔
پولیس کے مطابق واقعہ ڈانکاسٹر سے لندن کنگز کراس جانے والی ٹرین میں پیش آیا، جو شام 6 بج کر 25 منٹ پر روانہ ہوئی تھی۔ واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے دو مشتبہ افراد کو حراست میں لے لیا۔
حملے کے بعد متعدد مسافروں کو متبادل بسوں کے ذریعے لندن منتقل کیا گیا، جبکہ کیمرج شائر پولیس نے اس واقعے کو “بڑا حادثہ” قرار دیتے ہوئے کہا ہے کہ انسدادِ دہشت گردی کے ماہر افسران بھی تحقیقات میں معاونت کر رہے ہیں۔
عینی شاہدین کے مطابق ایک شخص کو خون آلود بازو کے ساتھ بوگی میں بھاگتے اور چیختے دیکھا گیا، “ان کے پاس چاقو ہے، بھاگو”، اس کے فوراً بعد ایک اور شخص زمین پر گر گیا۔
برطانوی میڈیا کے مطابق زخمیوں کو فوری طور پر قریبی اسپتال منتقل کیا گیا، جہاں ان کی حالت تشویشناک ہے۔
وزیرِاعظم کیئر اسٹارمر نے واقعے پر شدید تشویش کا اظہار کرتے ہوئے اسے “انتہائی افسوسناک اور خوفناک” قرار دیا۔ انہوں نے عوام سے اپیل کی کہ وہ مقامی حکام کی ہدایات پر عمل کریں اور افواہیں پھیلانے سے گریز کریں۔
پولیس کا کہنا ہے کہ تحقیقات جاری ہیں، تاہم فی الحال حملے کی وجوہات سے متعلق کوئی حتمی بیان جاری نہیں کیا گیا۔
ڈی جی این سی سی آئی اے وقار الدین سید کو عہدے سے ہٹا دیا گیا