حملہ آور کی زبان کاٹنے والی خاتون 61 سال بعد باعزت بری
اشاعت کی تاریخ: 11th, September 2025 GMT
جنوبی کوریا کی عدالت نے 61 برس بعد ایک خاتون کو اس الزام سے باعزت بری کر دیا جس کے تحت انہیں محض 18 برس کی عمر میں جیل جانا پڑا تھا۔ یہ مقدمہ اس وقت دنیا بھر میں جنسی تشدد کے متاثرین کی جدوجہد اور خود دفاع کے حق کی علامت بن چکا ہے۔
1963 میں، جنوبی قصبے گِمہے میں 18 سالہ چوئے مال-جا پر ایک نوجوان نے حملہ کیا۔ عدالت کے ریکارڈ کے مطابق، حملہ آور نے انہیں دبوچ کر زمین پر گرا لیا۔ جان بچانے کے لیے چوئے نے اس کی زبان کا تقریباً ڈیڑھ سینٹی میٹر حصہ کاٹ کر خود کو آزاد کرایا۔
اُس وقت کے سماجی اور عدالتی رویوں نے متاثرہ خاتون ہی کو مجرم بنا دیا۔ عدالت نے ان کے اقدام کو ’حد سے متجاوز دفاع‘ قرار دیتے ہوئے انہیں 10 ماہ قید سنائی، جسے بعدازان معطل کردیا گیا جب کہ 21 سالہ حملہ آور کو صرف 6 ماہ قید دی گئی۔ مجرم کو کبھی بھی ریپ کے الزام میں فردِ جرم نہ سنائی گئی۔
انصاف کے لیے جدوجہدچوئے کو 6 ماہ قیدِ تنہائی کاٹنا پڑی اور زندگی بھر سماجی بدنامی کا سامنا کرنا پڑا۔ ان کا کہنا ہے کہ اس واقعے نے مجھے متاثرہ خاتون سے ملزم میں بدل دیا۔ لوگ کہتے تھے کہ یہ انڈے سے پتھر مارنے کے مترادف ہے، لیکن میں خاموش نہ رہ سکی۔
یہ بھی پڑھیں: 74 سالہ بوڑھے نے مخالف کو پھنسانے کے لیے خاتون جج کو انوکھا خط لکھ دیا
2018 میں عالمی MeToo تحریک سے متاثر ہو کر انہوں نے خواتین کی تنظیموں سے رابطہ کیا، شواہد اکٹھے کیے اور دوبارہ مقدمے کی درخواست دی۔ ابتدائی طور پر نچلی عدالتوں نے اسے مسترد کر دیا، لیکن دسمبر 2024 میں سپریم کورٹ نے ری ٹرائل کا حکم دیا۔
بالآخر انصافبدھ کو بوسان کی عدالت نے 79 سالہ چوئے کو باعزت بری کرتے ہوئے کہا کہ ان کے خلاف دی گئی سزا عدالتی غلطی تھی۔ پراسیکیوٹرز نے بھی پہلی ہی سماعت میں معافی مانگتے ہوئے سزا ختم کرنے کی درخواست کی تھی۔
عدالت کے باہر چوئے کے حامی خوشی سے نعرے لگا رہے تھے
’چوئے مال جا نے کر دکھایا!‘
چوئے نے اپنے حامیوں کا شکریہ ادا کیا اور کہا کہ وہ ریاست کے خلاف ہرجانے کا دعویٰ دائر کریں گی۔
سماجی اثراتخواتین کے حقوق کی تنظیم کوریا ویمنز ہاٹ لائن نے اس فیصلے کو تاریخی قرار دیتے ہوئے کہا کہ اب خواتین کے دفاعی اقدامات کو جائز سمجھا جائے گا۔
مزید پڑھیے: شادی کے بعد غائب ہونے والا شوہر برسوں بعد انسٹاگرام ریلز پر دوسری عورت کے ساتھ نظر آگیا
تنظیم کی سربراہ سونگ ران ہی نے کہا کہ یہ پیغام ہے کہ متاثرین کی آواز اہم ہے، چاہے راستہ کتنا ہی مشکل اور ناانصافی سے بھرا کیوں نہ ہو۔
دلچسپ بات یہ ہے کہ جنوبی کوریا میں اس نوعیت کے کم از کم 2 مزید واقعات ہوئے، 1988 میں اندونگ اور 2020 میں بوسان میں، جن میں عدالت نے خواتین کے اقدام کو جائز دفاع قرار دیا اور ان کے حق میں فیصلہ دیا۔
یہ فیصلہ نہ صرف ’چوئے مال جا‘ کے لیے انصاف ہے بلکہ جنوبی کوریا میں جنسی تشدد کے متاثرین کے لیے بھی ایک سنگ میل ثابت ہو رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی کوریائی خاتون.
ذریعہ
ذریعہ: WE News
کلیدی لفظ: جنوبی کوریائی خاتون جنوبی کوریا عدالت نے کے لیے کہا کہ
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار