پاکستان میں انسداد دہشتگردی کی راہ میں کیا رکاوٹیں حائل ہیں، دی ڈپلومیٹ کی چشم کشا رپورٹ
اشاعت کی تاریخ: 11th, September 2025 GMT
پاکستان میں حالیہ دہشتگردی کی لہر پر قابو پانے کی کوششیں سیاسی اختلافات کی وجہ سے متاثر ہو رہی ہیں خصوصاً وفاقی حکومت اور خیبرپختونخوا کی صوبائی حکومت کے درمیان مختلف پالیسیوں کے باعث۔
یہ بھی پڑھیں: طلال چوہدری نے ٹی ٹی پی کا واٹس ایپ چینل بے نقاب کردیا، عالمی برادری سے کارروائی کا مطالبہ
انڈو پیسفک خطے میں سیاست اور سیکیورٹی سے متعلق موضوعات پر توجہ مرکوز کرنے والے امریکی جریدے ’دی ڈپلومیٹ‘ کی ایک رپورٹ میں کہا گیا کہ پالیسیوں میں عدم اتفاق نے سیاسی قیادت کے لیے ایک متفقہ اور جامع انسداد دہشتگردی حکمت عملی تشکیل دینا مشکل بنا دیا ہے جس سے شدت پسندی کے پھیلتے ہوئے خطرے کا مؤثر مقابلہ نہیں ہو پا رہا۔
رپورٹ میں واضح کیا گیا ہے کہ سنہ 2021 میں افغانستان میں طالبان کے دوبارہ اقتدار میں آنے کے بعد پاکستان میں خصوصاً خیبرپختونخوا اور بلوچستان جیسے سرحدی علاقوں میں سرحد پار حملوں میں اضافہ دیکھا گیا ہے۔
ملک کے اندرونی سیاسی عوامل جن میں وفاقی حکومت اور خیبرپختونخوا میں پاکستان تحریک انصاف کی حکومت کی مختلف حکمت عملیاں شامل ہیں انسداد دہشتگردی کی کوششوں کو مزید پیچیدہ بنا رہے ہیں۔
مزید پڑھیے: ٹی ٹی پی رہنما کا غیر مسلموں سے مدد مانگنے پر فتویٰ قران و سنت کے منافی قرار
رپورٹ کے مطابق پاکستان کی انسداد دہشتگردی پالیسی ماضی میں مسلح کارروائیوں اور مذاکرات کے درمیان جھولتی رہی ہے۔ مثال کے طور پر عمران خان کے دورِ حکومت (2018–2022) میں تحریک طالبان پاکستان سے نمٹنے کے لیے مذاکرات پر مبنی پالیسی اپنائی گئی۔ اس دوران ہزاروں ٹی ٹی پی عسکریت پسندوں کی پاکستان میں واپسی اور بحالی کی کوششیں کی گئیں۔ اس وقت اس حکمت عملی کو خیبرپختونخوا میں تشدد میں کمی لانے کے ایک عملی قدم کے طور پر پیش کیا گیا۔
تاہم رپورٹ کے مطابق پاکستان کے پالیسی ساز حلقوں میں بعض ناقدین کا ماننا ہے کہ یہ حکمت عملی افغان طالبان کو خوش کرنے کی ایک کوشش بھی تھی تاکہ کابل کی طرف سے ٹی ٹی پی کے خلاف تعاون حاصل کیا جا سکے۔
الٹی ہوگئیں سب تدبیریںیہ پالیسی بظاہر کابل کے ساتھ خیرسگالی کے تعلقات قائم کرنے کے لیے اپنائی گئی تھی مگر اس کے الٹ نتائج سامنے آئے۔ یہ عسکریت پسندوں کو مزید طاقتور بنانے کا سبب بنی اور سرحد پار سے دراندازی کے لیے راہ ہموار ہوئی۔
وفاقی حکومت کی موجودہ حکمت عملی پر روشنی ڈالتے ہوئے رپورٹ میں کہا گیا کہ پاکستان مسلم لیگ (ن) کی قیادت میں قائم حکومت اور ریاستی اداروں نے ٹی ٹی پی کے ساتھ مذاکرات کو مکمل طور پر مسترد کر دیا ہے۔
مزید پڑھیں: ٹی ٹی پی، مجید بریگیڈ اور داعش کے خطرے کا نوٹس لیا جائے، پاکسانی مندوب کا سلامتی کونسل میں خطاب
البتہ رپورٹ میں نشاندہی کی گئی ہے کہ خیبرپختونخوا میں جہاں پی ٹی آئی کی حکومت قائم ہے ٹی ٹی پی سے مذاکرات نہ کرنے کی پالیسی کو مکمل طور پر اختیار نہیں کیا گیا۔
یہ سیاسی تضاد ملک بھر میں ایک مؤثر انسداد دہشتگردی حکمت عملی کے نفاذ میں رکاوٹ بن رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد دہشتگردی میں رکاوٹیں پاکستان اور دہشتگردی دی ڈپلومیٹ.
ذریعہ
ذریعہ: WE News
کلیدی لفظ: پاکستان اور دہشتگردی دی ڈپلومیٹ انسداد دہشتگردی پاکستان میں رپورٹ میں حکمت عملی ٹی ٹی پی کے لیے
پڑھیں:
وفاقی آئینی عدالت، سہیل آفریدی کیخلاف درخواستیں سماعت کیلئے مقرر
اسلام آباد(ڈیلی پاکستان آن لائن) وفاقی آئینی عدالت میں سہیل آفریدی کیخلاف درخواستیں سماعت کیلئے مقررکردی گئیں۔
نجی ٹی وی چینل دنیا نیوز کے مطابق بانی پی ٹی آئی رہائی فورس سے متعلق درخواست پر سماعت 29جولائی کو ہوگی،خیبرپختونخوا میں 9مئی مقدمات کی واپسی کیخلاف اپیل بھی 29جولائی کو مقررکردی گئی۔
چیف جسٹس آئینی عدالت امین الدین خان کی سربراہی میں 3رکنی بنچ سماعت کرے گا، عدالت نے خیبرپختونخوا حکومت سمیت متعلقہ فریقین کو نوٹس جاری کردیئے،آئینی عدالت نے 9مئی مقدمات کی واپسی پرحکم امتناع جاری کر رکھا ہے۔
نیب کیسز کی مرکزی اپیلوں اور ضمانت کی درخواستوں کی سماعت سے متعلق سپریم کورٹ کا فیصلہ جاری کردیاگیا
ریڈیو پاکستان نے حملہ کیس واپس لینے کاخیبرپختونخوا حکومت کا فیصلہ چیلنج کیا ہے،ریڈیو پاکستان نے مقدمہ خیبرپختونخوا سے منتقل کرنے کی استدعا کررکھی ہے۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع